ព័ត៌មានជាតិ

យុទ្ធនាការចាក់វ៉ាក់សាំង ទាំងក្មេង និងចាស់អាចបញ្ចប់ត្រឹមខែវិច្ឆិកាឆ្នាំនេះ

បានផុស

៥ years មុន

នៅ

ថ្ងៃអាទិត្យ ១ សីហា ២០២១

ដោយ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជាបានលើកឡើងថាមានកត្តាចំនួន ៥ ដែលធ្វើឱ្យការចាក់វ៉ាក់សាំង នៅកម្ពុជារួចរាល់មុនផែនការកំណត់ពី ៧ ទៅ ៨ ខែ សម្រាប់ប្រជាពលរដ្ឋ១០លាននាក់។

សម្ដេចតេជោ បានបន្ថែមថា បើបូកទាំងកុមារ និងយុវវ័យ ២ លាននាក់ទៀត ស្មើនឹង ១២ លាននាក់ ដែលអាចបញ្ចប់យ៉ាងយូរត្រឹមខែវិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន មានប្រសាសន៍ថា កត្តាទីមួយគឺ រាជរដ្ឋាភិបាល បានដាក់ចេញនូវផែនការច្បាស់លាស់ រាប់ទាំងការអនុវត្តប្រាកដប្រជា ដែលមានយន្តការលទ្ធកម្មវ៉ាក់សាំង និងគណៈកម្មការចំពោះកិច្ចចាក់វ៉ាក់សាំង សម្តេចបានសម្រេចឱ្យយកចិនធ្វើជាបង្អែកយុទ្ធសាស្ត្រក្នុងការផ្គត់ផ្គង់វាក់សាំងហើយប្រភពផ្សេងទៀតធ្វើជាប្រភពគ្រាំទ្រ។

ចំណែកឯកត្តាទីពីរ គឺយុទ្ធសាស្ត្រវ៉ាក់សាំងដែលដែលបានយកចិនធ្វើជាបង្អែក ខណៈមានអ្នករិះគន់វ៉ាក់សាំងចិន ក្នុងពេលដែលចិនបានចាក់វ៉ាក់សាំងទៅឱ្យប្រជាជន ១៥០០ លាននាក់រួចទៅហើយ ហើយចែកចាយទៅក្រៅប្រទេសប្រមាណ ៥០០ លានដូស។

សម្រាប់កម្ពុជាការផ្គត់ផ្គង់វ៉ាក់សាំងមានការងាយស្រួលដោយសារវាស្ថិតនៅក្នុងការថែទាំដក២អង្សារក្រោមសូន្យចម្ងាយរយៈពេលនៃការដឹកជញ្ជូនគឺរយៈពេលខ្លី។

កត្តាទី៣ គឺសាច់ប្រាក់សន្សំដែលអាចទូទាត់បានភ្លាមៗនៅពេលដែលយើងចុះកិច្ចសន្យាទិញវ៉ាក់សាំងចុះកិច្ចសន្យាភ្លាមប្រគល់លុយឲ្យគេភ្លាមបើគ្មានសាច់ ប្រាក់ក្នុងដៃទេគឺមិនអាចទិញបានទេ។

កត្តាទី៤ គឺធនធានមនុស្សសម្រាប់ដំណើរការចាក់វ៉ាក់សាំងទាំងគ្រូពេទ្យយោធា,ទាំងគ្រូពេទ្យស៊ីវិល,ទាំងគ្រូពេទ្យស្ម័គ្រចិត្ត,ថ្នាក់ដឹកតាមស្ថាប័ននិងអាជ្ញាធរថ្នាក់ក្រោមជាតិមានការទទួលខុសត្រូវដឹកនាំអនុវត្ត ហើយថ្នាក់ដឹកនាំថ្នាក់ក្រោមជាតិសុទ្ធតែមានអនុគណៈកម្មការធ្វើឲ្យផែនការរបស់យើងដមណើរការទៅដោយរលូន។

និងកត្តាទី៥ គឺមានការចូលរួមពីប្រជាជនមកទទួលវ៉ាក់សាំងនិងការជួយជាថវិកាសម្រាប់ការទិញវ៉ាក់សាំងដែលជាចលនាជាតិ។ជាពិសេសអរគុណចំពោព្រះមហាក្ស ត្រសម្ដេចម៉ែដែលព្រះអង្គទាំងទ្វេបានចូលរួមជាថវិកាទិញវ៉ាក់សាំងក៏ដូចជាអរគុណចំពោះសប្បុរជនជាលោកឧកញ៉ា ជាអ្នកឧកញ៉ា ឧកញ៉ាអស់លោកលោកស្រី និងបងប្អូនជនរួមជាតិដែលបានចូលរួមថវិកាទិញវ៉ាក់សាំង ៕ ដោយ៖ណារី

Related Topics: