ក្រុមការងារជួយមូលដ្ឋាន អរគុណចំពោះទឹកចិត្តក្រុមគ្រូពេទ្យប្រឹងប្រែងចាក់វ៉ាក់សាំងជូនដល់ពលរដ្ឋ

លោក តូច ចាន់នី អគ្គនាយក នៃអគ្គនាយកដ្ឋានបច្ចេកទេស និងជាប្រធានក្រុមការងារចុះជួយ​ឃុំ​កណ្តោលជ្រុំ​ ស្រុកពញាក្រែក ខេត្តត្បូងឃ្មុំ បានថ្លែងនូវការអរគុណចំពោះទឹកចិត្តក្រុមគ្រូពេទ្យដែលប្រឹងប្រែងចាក់វ៉ាក់សាំងជូនដល់ប្រជាពលរដ្ឋព្រះសង្ឍដោយមិនគិតនើយហត់និងដំណើរការយ៉ាងរលូន។

លោក តូច ចាន់នី ថ្លែងបែបនេះខណៈពេលដឹកនាំក្រុមការងារ ចុះលើកទឹកចិត្តដល់ក្រុមគ្រូពេទ្យចាក់វ៉ាក់សាំងជូនដល់ប្រជាពលរដ្ឋនៅក្នុងឃុំកណ្តោលជ្រុំ នាថ្ងៃម្សិលមុិញនេះដែលមានពលរដ្ឋមកទទួលវ៉ាក់សាំងយ៉ាងផុលផុស។

ក្នុងឪកាសនោះដែរលោក តូច ចាន់នី ក្នុងនាមជាប្រធានក្រុមការងារចុះជួយឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំបានថ្លែងនូវអំណរអរគុណចំពោះទឹកចិត្តក្រុមគ្រូពេទ្យប្រឹងប្រែងចាក់វ៉ាក់សាំងជូនដល់ពលរដ្ឋដោយមិនគិតនើយហត់ពិសេសទៅគឺបងប្អូនប្រជាពលរដ្ឋបាននាំគ្នាមកទទួលវ៉ាក់សាំងយ៉ាងច្រើនផុលផុសនិងដំណើរចាក់វ៉ាក់សាំងដោយភាពរលូន។

លោកប្រធានក្រុមការងារក៍បានក្រើនរំលឹកដល់ប្រជាពលរដ្ឋក៍ដូចក្រុមការងារតាមមូលដ្ឋានទាំងអស់ ឲ្យបន្តចូលរួម បង្កា ទប់ស្កាត់ ការឆ្លងរាលដាលនៃជំងឺកូវីដ-១៩ ដែលគិតត្រឹមថ្ងៃនេះគឺឆ្លងជាង៨មុឺននាក់និងស្លាប់ជិត១៥០០នាក់ហើយ។ ដូចនេះត្រូវបន្តអនុវត្តន៍តាមការណែនាំ របស់ក្រសួងសុខាភិបាល និង អនុវត្តឲ្យបានម៉ឹងម៉ាត់ នូវវិធានការ «៣ការពារ និង៣កុំ» របស់ប្រមុខរាជរដ្ឋាភិបាល នៅគ្រប់ពេលវេលា និងគ្រប់ទីកន្លែងពីព្រោះថា មេរោគកូវីដ១៩បំលែងថ្មីនេះ មានគ្រោះថ្នាក់បំផុតព្រោះវាអាចឆ្លងមនុស្សពី៥ទៅ១០នាក់ក្នុងពេលដ៍ខ្លីបំផុតគឺវាកាចសាហាវជាងកូវីដ១៩ ១០ទៅ២០ដងឯណោះ។

នាឪកាសនោះដែរលោកប្រធានក្រុមការងារបាននាំយកនូវអំណោយចែកជូនដល់ក្រុមគ្រូពេទ្យដូចជាទឹកបរិសុទ្ធចំនួន ៤៥កេស នំប៉ុងសាច់ចំនួន ៥០ដើម សប្បុរសជនក្នុងឃុំបានជួួយឧបត្ថម្ភបាយចំនួន ៤០ប្រអប់ និងថវិកាចំនួន ២,០០០,០០០៛(ពីរលានរៀល)។ Toch Channy,សេវា សង្គមកិច្ច៕

អត្ថបទ ៖ វិមាន