ព័ត៌មានជាតិ

គណៈកម្មការផ្សារគីឡូម៉ែត្រលេខ៦ ស្នើអាជីវករបន្តចូលរួមវិធានការទប់ស្កាត់ការរីករាលដាលជំងឺកូវីដ-១៩

បានផុស

៥ years មុន

នៅ

ថ្ងៃអង្គារ ១០ សីហា ២០២១

ដោយ

បច្ចុប្បន្ននេះរាជរដ្ឋាភិបាលកម្ពុជា ក៏ដូចជាក្រសួងសុខាភិបាល នៃព្រះរាជាណាចក្រកម្ពុជា កំពុងតែងខិតខំប្រឹងប្រែងយ៉ាងយកចិត្តទុកដាក់បំផុត ក្នុងការប្រយុទ្ធប្រឆាំងទៅជំងឺកូវីដ-១៩ ជាពិសេសជំងឺបំប្លែងថ្មី (DELTA) ពីព្រោះថា ជំងឺដ៏សាហាវមួយនេះ កំពុងរីករាលដាលយ៉ាងធ្ងន់ធ្ងរចូលទៅដល់សហគមន៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត្តាទាំងនេះហើយ ដែលធ្វើអោយអាជ្ញាធរតាមមូលដ្ឋានគ្រប់លំដាប់ថ្នាក់ បាននឹងកំពុងចុះជាប់ជាប្រចាំជាមួយបងប្អូន ប្រជាពលរដ្ឋ ដើម្បីធ្វើការណែនាំ អប់រំ ក្នុងការបង្ការទប់ស្កាត់នូវការរីករាលដាលនៃជំងឺកូវីដ -១៩ មិនអោយឆ្លងបន្តកាន់តែធ្ងន់ធ្ងរនៅក្នុងសហគមន៍បន្តទៀត ។

បើយើងក្រឡេកទៅមើលនៅឯផ្សារ ឆេកូ ឬ ផ្សារគីឡូម៉ែត្រលេខ៦ ស្ថិតក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ គណៈកម្មការគ្រប់គ្រងផ្សារ ក៏កំពុងមមាញឹកក្នុងការផ្សព្វផ្សាយ ណែនាំ ទៅដល់បងប្អូនអាជីវករ ក៏ដូចជាអ្នកទៅទិញទំនិញម្ហូបអាហារ ក្នុងផ្សារទាំងអស់ សូមអនុវត្តនូវវិធានការនានារបស់រាជរដ្ឋាភិបាល ជាពិសេសក្រសួងសុខាភិបាល តែងតែផ្សព្វផ្សាយអប់រំណែនាំ ឲ្យបងប្អូនប្រជាពលរដ្ឋទាំងអស់ មានការសំអាត លាងដៃ ជាមួយសាប៊ូ ឬជែល អាល់កុល និងពាក់ម៉ាសជាប់ជាប្រចាំ ជាពិសេសត្រូវរក្សាអោយបាននូវគម្លាតសង្គម ១ម៉ែត្រកន្លះឡើងទៅ ។

ជារឿយៗគណៈកម្មការផ្សារ តែងតែធ្វើសកម្មភាពផ្សព្វផ្សាយណែនាំទៅដល់អាជីវករ ក៏ដូចជាអ្នកទៅទិញទំនិញម្ហូបអាហារ ក្នុងផ្សារទាំងអស់ សូមអនុវត្តនូវវិធានការរបស់រាជរដ្ឋាភិបាល ៣ការពារ និង ៣កុំ ព្រមទាំង សេចក្តីណែនាំរបស់ក្រសួងសុខាភិបាល តែងតែផ្សព្វផ្សាយ អប់រំណែនាំ ឲ្យបងប្អូនប្រជាពលរដ្ឋទាំងអស់ត្រូវលាងដៃ ជាមួយសាប៊ូ ឬជែល អាល់កុល និងពាក់ម៉ាស បន្ថែមលើការចាក់វ៉ាក់សាំង ។

ជំនួយការផ្សារគីឡូម៉ែត្រលេខ៦ លើកឡើងបន្តថា នៅតាមច្រកចេញ-ចូលនៅក្នុងបរិវេណ ផ្សារឆេកូ ឬ ផ្សារ គីឡូម៉ែត្រលេខ៦ គណៈកម្មការគ្រប់គ្រងផ្សារ ក៏បានរៀបចំដាក់ម៉ាស៊ីនវាស់កម្ដៅ និងមានអាល់កុលលាងដៃ ដើម្បីបង្ការទប់ស្កាត់នូវការរីករាលដាលនៃជំងឺកូវីដ-១៩ ផងដែរ ។ ជាក់ស្តែងបើពិនិត្យមើលជាប្រចាំឃើញថា បងប្អូនអាជីវករ ក៏ដូចជា អ្នកចូលមកទិញសម្ភារៈ ចំណីអាហារ ត្រី សាច់ បន្លែ ផ្លែឈើជាដើម … ពួកគាត់ ចូលរួមពាក់ម៉ាស់ប្រមាណ៩៩ភាគរយហើយ ៕

អត្ថបទ ៖ រ៉ាវុទ្ធ