ព័ត៌មានជាតិ

ឧទ្យានជាតិឫស្សីត្រឹបទទួលបានក្របីពូជជាង ១០០ក្បាល សម្រាប់អភិរក្ស

បានផុស

៥ years មុន

នៅ

ថ្ងៃសុក្រ ៣ កញ្ញា ២០២១

ដោយ

ឧទ្យានរាជបណ្ឌិត្យ សភាកម្ពុជា តេជោសែន ឫស្សីត្រឹប នៃរាជបណ្ឌិតសភាកម្ពុជាបានទទួលក្របីពូជជាង ១២០ក្បាល សម្រាប់ធ្វើការអភិរក្ស។ នេះបើតាមទំព័រហ្វេសបុកលោកបណ្ឌិត យ៉ង់ ពៅ អគ្គលេខាធិការនៃរាជបណ្ឌិតសភាកម្ពុជា។

ក្របីពូជទាំងនោះបានមកពីការឧបត្ថម្ភរបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាចំនួន ៧២ក្បាល លោក អូន ព័ន្ធមុន្នីរ័ត្ន ឧបត្ថម្ភក្របីចំនួន ២៧ក្បាល លោក ហ៊ាន សាហ៊ីប ឧបត្ថម្ភក្របីចំនួន ៥ក្បាល លោក ជូ វិជិត្ត ឧបត្ថម្ភក្របីចំនួន ៥ក្បាល

លោក ច័ន្ទ សារុន ឧបត្ថម្ភក្របីចំនួន ២ក្បាល លោក ឯក ឆេងហួត សមាជិកបម្រុងនៃរាជបណ្ឌិត្យសភាកម្ពុជា ឧបត្ថម្ភក្របីចំនួន ២ក្បាល លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឧបត្ថម្ភក្របីចំនួន ២ក្បាល លោក វ៉ី សំណាងអភិបាលនៃគណៈអភិបាលខេត្តកំពង់ស្ពឺ ឧបត្ថម្ភក្របីចំនួន ២ក្បាល លោក ហោ ប៉េង សាកលវិទ្យាធិការ នៃសាកលវិទ្យាល័យជាតិគ្រប់គ្រង ឧបត្ថម្ភក្របីចំនួន ៣ក្បាល។

គិតត្រឹមថ្ងៃទី២ ខែកញ្ញានេះ ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ទទួលបានក្របីសរុបចំនួន ១២០ក្បាល សម្រាប់ធ្វើការអភិរក្ស និងអភិវឌ្ឍពូជក្របីនៅប្រទេសកម្ពុជា៕