ព័ត៌មានជាតិ

សមត្ថកិច្ចចម្រុះស្ទាក់ចាប់ឈើប្រណិត១គោយន្ត នៅស្រុកទឹកផុស

បានផុស

៥ years មុន

នៅ

ថ្ងៃសុក្រ ៣ កញ្ញា ២០២១

ដោយ

ឈើប្រភេទផ្ចឹកចំនួនជាង៣ម៉ែត្រគូប ដឹកតាមគោយន្តមួយគ្រឿង ត្រូវសមត្ថកិច្ចចម្រុះស្ទាក់ចាប់បានយកមករក្សាទុកនៅផ្នែករដ្ឋបាលព្រៃឈើរមាស ដើម្បីកសាងសំណុំរឿងតាមនីតិវិធីបញ្ជូនទៅតុលាការ។

ករណីបង្ក្រាបបទល្មើសព្រៃឈើនេះ គឺបានធ្វើឡើងនៅម៉ោង៦ព្រឹក ថ្ងៃទី០២ ខែកញ្ញា ឆ្នាំ២០២១នៅតាមផ្លូវលំ ក្នុងភូមិជៀប ឃុំជៀប ស្រុកទឹកផុស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពារ គឹមហេង នាយរងខណ្ឌរដ្ឋបាលព្រៃឈើកំពង់ឆ្នាំង ទទួលបន្ទុករួមជាអ្នកដឹកនាំបង្ក្រាបបទល្មើសខាងលើនេះ នៅព្រឹកថ្ងៃទី០៣ ខែកញ្ញានេះ បានឲ្យដឹងថា ក្រោយពីបានទទួលព័ត៌មានពីប្រជាពលរដ្ឋលោកក៏បានដឹកនាំសមត្ថកិច្ចផ្នែករដ្ឋបាលព្រៃឈើរមាស និងសមត្ថកិច្ចសង្កាត់រដ្ឋបាលព្រៃឈើដំរីស សហការជាមួយកងរាជអាវុធហត្ថស្រុកទឹកផុស ចុះស្ទាក់ចាប់បានគោយន្ត១គ្រឿងនេះ ដែលបានដឹកឈើប្រណិតប្រភេទផ្ចឹកចំនួន៣,២០ ម៉ែត្រគូប ។ នៅពេលស្ទាក់ចាប់ អ្នកបើកបរគោយន្តជាម្ចាស់ឈើ បានចុះរត់គេចខ្លួនបាត់ ។

វត្ថុតាងបទល្មើសព្រៃឈើនេះរួមមាន គោយន្តមួយគ្រឿងនិងឈើសុក្រំ ចំនួន៣,២០ ម៉ែត្រគូប ត្រូវបានសមត្ថកិច្ចបញ្ជូនយកមករក្សាទុកនៅផ្នែករដ្ឋបាលព្រៃឈើរមាស ដើម្បីកសាងសំណុំរឿងតាមនីតិវិធីបញ្ជូនទៅតុលាការចាត់ការតាមផ្លូវច្បាប់៕

អត្ថបទ៖ ឈៀងថារិទ្ធ