អំណោយសម្តេចតេជោ និងសម្តេចកិត្តិព្រឹទ្ធបណ្ឌិត ចែកជូនពលរដ្ឋជាង១០០គ្រួសារ នៅក្រុងបាវិត​

នៅ​ថ្ងៃទី០៥ ខែកញ្ញា ឆ្នាំ២០២១ លោក លី ធុជ សមាជិកគណៈកម្មាធិការកណ្តាល និងជា​ប្រធាន ក្រុមការងារគណបក្សចុះមូលដ្ឋានក្រុងបាវិត តំណាង​លោកជំទាវកិត្តិសង្គហបណ្ឌិត ម៉ែន សំអន សមាជិកគណៈអចិន្ត្រៃយ៍ គណៈកម្មាធិការកណ្តាល និងជាប្រធានក្រុមការងារគណបក្សចុះមូល​ដ្ឋានខេត្តស្វាយរៀង បាន​ចុះ​ជួបសំណេះសំណាលជាមួយសមាជិកគណបក្សសង្កាត់បាវិត សង្កាត់ បាទី និងសង្កាត់ប្រាសាទ ដើម្បីពង្រឹងការងារមូលដ្ឋាន និងត្រៀមរៀបចំការបោះឆ្នោតជ្រើសរើស ក្រុមប្រឹក្សាឃុំ-​សង្កាត់ អាណត្តិទី៥ ឆ្នាំ២០២២​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នា​នេះ លោក លី ធុជ ក៏បាននាំយកអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិតចែកជូនតាមខ្នងផ្ទះដល់ប្រជាពលរដ្ឋក្រីក្រ ចំនួន១១០គ្រួសារស្ថិតក្នុងសង្កាត់ទាំងបី ក្នុងនោះសង្កាត់បាវិត៥០គ្រួសារ សង្កាត់បាទី៣០គ្រួសារ និងសង្កាត់ប្រាសាទ៣០គ្រួសារ ព្រមទាំងបានចុះសួរសុខទុក្ខ និងឧបត្ថម្ភដល់ប្រជាពលរដ្ឋរងគ្រោះ បាក់រលំផ្ទះដោយសារខ្យល់កន្ត្រាក់ចំនួន២​ខ្នងផ្ទះផងដែរ ។

ក្នុងឱកាសនោះ លោក លី ធុជ បានពាំនាំនូវការសាកសួរសុខទុក្ខពីលោកជំទាវកិត្តិសង្គហបណ្ឌិត ម៉ែន សំអន ជូនចំពោះសមាជិកក្រុមប្រឹក្សាសង្កាត់ មេភូមិ និងបងប្អូនប្រជាពលរដ្ឋក្នុងក្រុងបាវិត ទាំង​មូលព្រមទាំងបានណែនាំ​ឲ្យសមាជិកគណបក្សតាមសង្កាត់នីមួយៗបន្តពង្រឹងសកម្មភាព គណបក្សនៅតាមមូលដ្ឋាន និងលើ​កកម្ពស់ការយកចិត្តទុកដាក់ចំពោះសមាជិកសមាជិកាគណបក្ស តាមរយៈការរក្សានូវទំនាក់ទំនងឲ្យបានល្អ និងជិតស្និតរវាងសមាជិកក្នុងក្រុម។

លោកក៏បានជំរុញឲ្យសមាជិកគណបក្សទាំងអស់ត្រូវត្រៀមឲ្យបានរួចរាល់នូវសកម្មភាពលម្អិត​សម្រាប់មុនពេល និងក្រោយការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ខាងមុខ នេះ ដើ​ម្បីភាពជោគជ័យរបស់គណបក្សប្រជាជនកម្ពុជា និងរាជរដ្ឋាភិបាលកម្ពុជា ក្រោមការដឹកនាំ របស់សម្ដេចតេ​ជោ ។

លោកក៏បានបញ្ជាក់បន្ថែមថា មានតែគណបក្សប្រជាជនកម្ពុជា តែមួយគត់ដែលបានបង្កើតនូវសុខ សន្តិភាព និងស្ថិរភាពពាសពេញផ្ទៃប្រទេសជូនប្រជាជនកម្ពុជា រហូតមកដល់សព្វថ្ងៃនេះ ជាពិសេស តែងតែរស់នៅរួមសុខរួមទុក្ខជាមួយប្រជាពលរដ្ឋគ្រប់កាលៈទេសៈ ដែលថ្មីៗនេះ សម្ដេចតេ​ជោបាន ផ្តល់នូវជីវិតថ្មីទៀតបន្ទាប់ពីរំដោះប្រជាជនចេញពីរបបប្រល័យពូជសាសន៍ គឺការសង្គ្រោះអាយុជីវិត របស់ប្រជាពលរដ្ឋតាមរយៈការខិតខំប្រឹងប្រែងរិះរកវ៉ាក់សាំងបង្ការជំងឺកូ​វីដ-១៩ និងការជួយជ្រោម​ជ្រែងដល់សេដ្ឋកិច្ចជាតិក៏ដូចជាសេដ្ឋកិច្ចគ្រួសាររបស់ប្រជាជនកម្ពុជា ដែលកំពុងជួបបញ្ហាដោយ សារជំងឺឆ្លងនេះ ។

ប្រជាពលរដ្ឋ​ដែលទទួលបាននូវអំណោយដ៏ថ្លៃថ្លារបស់សម្ដេចតេ​ជោថ្ងៃនេះមានភាពសប្បាយរីក​រាយ និងថ្លែងអំណរគុណយ៉ាងជ្រាលជ្រៅបំផុតជូនថ្នាក់ដឹកនាំសមាជិកសមាជិកាគណបក្សប្រជាជន កម្ពុជាទាំងអស់ ដែលតែងតែយកចិត្តទុកដាក់ និងព្រួយបារម្ភ​អំពីសុខទុក្ខរបស់ប្រជាពលរដ្ឋនៅ​គ្រប់ ទីកន្លែង និងគ្រប់ពេលវេលា ៕

អត្ថបទ៖ ភក្ដី​