Connect with us

ព័ត៌មានជាតិ

មន្ត្រីជំនាញតាមបណ្តាខេត្តត្រូវបន្តលើកកម្ពស់វិស័យគាំពារសង្គម ការពារកុមារ ជនមានពិការភាព​

បានផុស

នៅ

លោក​ តូច ចាន់នី អគ្គនាយក​បច្ចេកទេស នៃ​ក្រសួង​សង្គមកិច្ច អតីតយុទ្ធជន និង​យុវនីតិសម្បទា បាន​ថ្លែង​នូវ​ការ​ជំរុញ​ឲ្យ​មន្ត្រី​ជំនាញ​តាម​បណ្តា​រាជធានី-ខេត្ត​ បន្តសកម្មភាព​លើកកម្ពស់​វិស័យ​គាំពារ​សង្គម ការពារ​កុមារ ជន​មាន​ពិការភាព​ និង​មនុស្ស​ចាស់​ស្របតាម​គោលនយោបាយ​គាំពារ​សង្គម ២០១៦-២០២៥ ។

ថ្លែង​បែបនេះ​នៅ​ព្រឹក​ថ្ងៃ​ព្រហស្បតិ៍ ៣​កើត ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវ​នឹង​ថ្ងៃទី​០៩ ខែកញ្ញា ឆ្នាំ​២០២១ ខណៈ​បើក​វគ្គ​សិក្ខាសាលា​ពិគ្រោះ​យោបល់​ស្តីពី​ការរៀបចំ​ផែនការ​ប្រតិបត្តិ​រួម​សម្រាប់​ថ្នាក់​ខេត្ត​ស្តីពី​កិច្ចការពារ​កុមារ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ​តូច ចាន់នី ​បាន​ថ្លែងថា ក្រសួង​សង្គមកិច្ច អតីតយុទ្ធជន និង​យុវនីតិសម្បទា​មាន​ទិសដៅ​យុទ្ធសាស្ត្រ​ជាច្រើន​សម្រាប់​អនុវត្តតាម​ការចង្អុល​បង្ហាញ​របស់​រាជរដ្ឋាភិបាល​ក្នុងនោះ​ក៏មាន​វិស័យ​គាំពារ​សង្គម ការពារ​សិទ្ធិសេរីភាព​កុមារ ជន​មាន​ពិការភាព​ និង​សមាគម​មនុស្ស​ចាស់​នៅ​កម្ពុជា​ផងដែរ​។ បន្ថែម​ពីនេះ​ទៀត ​មន្ត្រី​អនុគណ​:​ក​ម្មា​ធិការ​ជំនួយ​សង្គម​ត្រូវ​យកចិត្តទុកដាក់​បន្ត​ចូលរួម​សហការ​ជាមួយ​អ្នកជំនាញការ​ធនាគារពិភពលោក​ដើម្បី​ពិភាក្សា​លើ​ការរៀបចំ​យន្តការ​ក្នុងការ​អភិវឌ្ឍ​ការងារ​ជំនួយ​សង្គម​តែម្ដង​។​

លោក​បានបង្ហាញ​នូវ​សុច្ឆន្ទៈ​ដ៏​ប្រសើរ​មួយ​ក្នុងការ​ចូលរួម​លើកកម្ពស់​វិស័យ​គាំពារ​សង្គម ​និង​សមាគម​មនុស្ស​ចាស់​ក្នុង​វិស័យ​សង្គមកិច្ច​ដើម្បី​ឆ្លើយតប​ទៅនឹង​ក្របខណ្ឌ​ជាតិ​គោលនយោបាយ​គាំពារ​សង្គម ២០១៦​-២០២៥ នាពេល​ថ្មីៗ​នេះ​ដែល​ស្របគ្នា​ជាមួយ​ទិសដៅ​យុទ្ធសាស្ត្រ​របស់​រាជរដ្ឋាភិបាល​កម្ពុជា​បានរៀបចំ​រួចជាស្រេច​៕

អត្ថបទ៖ វិមាន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៩ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៩ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១១ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១១ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១១ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម