ព័ត៌មានជាតិ

អាល់កុលក្លែងក្លាយជាង៩០០ប៊ីដុង ត្រូវរឹបអុស ហើយយកបំផ្លាញចោល

បានផុស

៤ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

អាល់កុលក្លែងក្លាយ (មេតាណុល) ចំនួន៩៤៤ប៊ីដុង ត្រូវបានអាជ្ញាធរចាក់បំផ្លាញចោល ក្រោយប្រតិបត្តិការបង្ក្រាប និងរឹបអូសដកហូតបាន នៅពីរទីតាំងផ្សេងគ្នា ក្នុងស្រុកគីរីវង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាក់បំផ្លាញចោលអាកុលក្លែងក្លាយនេះធ្វើឡើង កាលពីថ្ងៃទី០៨ ខែកញ្ញា ឆ្នាំ២០២១ នៅទីបញ្ជាការដ្ឋាន វរៈសេនាតូចនគរបាលការពារព្រំដែនគោកលេខ៦០៣ ក្រោមវត្តមានលោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ លោក ខាន់ សុខា អភិបាលរងខេត្តតាកែវ និងមន្ត្រីពាក់ព័ន្ធមួយចំនួនផងដែរ។ ទឹកអាល់កុលក្លែងក្លាយ(មេតាណុល) ដែលបានចាក់បំផ្លាញចោល មានចំនួន៩៤៤ប៊ីដុងស្មើនឹង២៨៣២០លីត្រ។

សូមរំឭកថា កាលពីថ្ងៃអាទិត្យទី០៥ ខែកញ្ញា ឆ្នាំ២០២១ វេលាម៉ោង១៤និង៣០នាទីកម្លាំងជំនាញបានប្រទះឃើញរ៉ឺម៉កម៉ូតូចំនួន០២គ្រឿង ដឹកទឹកអាល់កុលក្លែងក្លាយ នៅតាមបណ្តោយផ្លូវជាតិ០២ស្ថិតក្នុងភូមិផ្សារ ឃុំភ្នំដិន ស្រុកគីរីវង់ ខេត្តតាកែវ។ ក្រោយពីទទួលបានព័ត៌មានលោកឧត្តមសេនីយ៍ទោ សុខ សំណាង ស្នងការនគរបាលខេត្ត បានបញ្ជាកម្លាំងនគរបាលជំនាញ សហការណ៍ជាមួយមន្ត្រីសាខាកាំកុងត្រូលប្រចាំខេត្តតាកែវ អាជ្ញាធរពាក់ព័ន្ធ និងមានការសម្របសម្រួលនីតិវិធីពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវផងនោះ បានរឹបអូសដកហូតទឹកអាល់ក្លែងក្លាយ(មេតាណុល)ចំនួនពីរទីតាំងផ្សេងគ្នាដែលមានតំណាងម្ចាស់ទំនិញឈ្មោះ ហុង ស្រី ម៉ាច និងឈ្មោះ ច័ន្ទ សុណា មានចំនួន៩៤៤ប៊ីដុងស្មើនិង២៨៣២០លីត្រ៕

អត្ថបទ៖ វីរៈ