ព័ត៌មានជាតិ
ផ្លូវលេខ១១៥ ក្រុងតាខ្មៅ ហុយខ្លាំងដោយសាររថយន្តដឹកដីធំៗ ពលរដ្ឋបន្តស្នើអាជ្ញាធរដោះស្រាយ
បច្ចុប្បន្ន ផ្លូវ ថ្នល់ តូចធំ នៅក្នុងព្រះរាជាណាចក្រកម្ពុជា ត្រូវបានរាជរដ្ឋាភិបាល ខិតខំប្រឹងប្រែង កសាង ជួសជុល ស្ថាបនា និងអភិវឌ្ឍជាបន្តបន្ទាប់សម្រាប់បម្រើផលប្រយោជន៍ជូនប្រជាពលរដ្ឋទូទៅ។ ផ្លូវ ថ្នល់ មួយចំនួនត្រូវបានបំពុលបរិស្ថាន អនាម័យ ធ្វើឱ្យប៉ះពាល់យ៉ាងខ្លាំងទៅដល់ប្រជាពលរដ្ឋរស់នៅតំបន់នោះ។ ចំពោះបរិស្ថាន អនាម័យ នៅលើកំណាត់ផ្លូវលេខ ១១៥ នៃមូលដ្ឋាន ក្រុងតាខ្មៅ ខេត្តកណ្តាល បច្ចុប្បន្នកំពុងកើតមានបញ្ហា ព្រោះមានដីហុយទ្រលោម ខណៈរថយន្តដឹកដី ដឹកខ្សាច់ បើករដោយគ្មានសណ្តាប់ធ្នាប់។
ពលរដ្ឋរស់នៅក្រុងតាខ្មៅ ខេត្តកណ្តាល បានត្អូញត្អែរសារជាថ្មីម្តងទៀតថា ចំពោះស្ថានភាពផ្លូវលេខ ១១៥ នាពេលបច្ចុប្បន្ន មានសភាពយ៉ាប់យ៉ឺនបំផុត ពីព្រោះមានដីហុយទ្រលោមរាល់ថ្ងៃបង្កឱ្យមានផលប៉ះពាល់ដល់សុខភាព បរិស្ថានយ៉ាងធ្ងន់ធ្ងរទៅដល់ប្រជាពលរដ្ឋដែលរស់នៅតាមបណ្តោយផ្លូវនេះ ពិសេសនោះ គឺប៉ះពាល់ដល់សោភ័ណភាពក្រុងតាខ្មៅ ដោយសារវត្តមានរបស់ក្រុមរថយន្តដឹកដី និង រថយន្តដឹកខ្សាច់យ៉ាងច្រើនបើកបរលឿនៗ។
ពលរដ្ឋលើកឡើងថា តំបន់ដែលប៉ះពាល់បរិស្ថាន អនាម័យ ខ្លាំងជាងគេ ចាប់ពីស្ពានព្រែកសំរោងត្រើយខាងលិចរហូតដល់ស្តុប ៦០ម៉ែត្រ ព្រំប្រទល់ខណ្ឌមានជ័យ រាជធានីភ្នំពេញ និងមួយផ្នែកទៀតនៅ តាមបណ្ដោយផ្លូវលេខ ២១A ស្វាយរលំ សង្កាត់ស្វាយរលំ សង្កាត់តាខ្មៅ សង្កាត់កំពង់សំណាញ់ សង្កាត់តាក្ដុល និងសង្កាត់ព្រែកហូរ នៃក្រុងតាខ្មៅ។ ដោយសារបញ្ហាទាំងនេះ ប្រជាពលរដ្ឋរស់នៅក្នុងមូលដ្ឋានក្រុងតាខ្មៅ ខេត្តកណ្តាល សូមសំណូមពរអាជ្ញាធរជំនាញ ឬ លោកអភិបាលក្រុងតាខ្មៅ មេត្តាចុះត្រួតពិនិត្យអំពីស្ថានភាពផ្លូវ និងបរិស្ថាន អនាម័យក្នុងតំបន់។
ពាក់ព័ន្ធព័ត៌មាននេះ កម្ពុជាថ្មី បានព្យាយាមទាក់ទងលោក នូ សុវណ្ណារ៉ា អភិបាលក្រុងតាខ្មៅ តាមរយៈទូរស័ព្ទ តែនិយាយគ្នាស្តាប់មិនបាន លុះហៅទូរស័ព្ទម្តងទៀត មិនមានការទទួល។
គួររំលឹកថា នៅក្នុងកិច្ចជុំ ក្រុមការងារអាជីវកម្មខ្សាច់ ដោយមានការចូលរួម ពីបណ្តាមន្ទីរពាក់ព័ន្ធ កងកម្លាំងមានសមត្ថកិច្ច អាជ្ញាធរក្រុង-ស្រុក និងមន្ត្រីជំនាញ តាមរយៈប្រព័ន្ធវីដេអូ Zoom Meeting នៅសាលាខេត្តកណ្តាល កាលពីថ្ងៃទី១៧ សីហា ឆ្នាំ២០២១ លោក ណុប ដារ៉ា អភិបាលរងខេត្តកណ្តាល បានជំរុញដល់អាជ្ញាធរក្រុង-ស្រុក ត្រូវគ្រប់គ្រងដេប៉ូខ្សាច់ឱ្យបានល្អ បើដេប៉ូខ្សាច់ណាមួយមិនមានអាជ្ញាប័ណ្ណស្របច្បាប់ ត្រូវបញ្ឈប់អាជីវកម្មជាបន្ទាន់។
លោកអភិបាលរងខេត្ត បានណែនាំទៀតថា រាល់ការដឹកខ្សាច់ ត្រូវអនុវត្ត តាមបទដ្ឋានបច្ចេកទេសត្រឹមត្រូវ កុំឱ្យហុយ និងជ្រុះខ្សាច់មកលើផ្លូវ ធ្វើឱ្យប៉ះពាល់ដល់អ្នកធ្វើដំណើរ និងប្រជាពលរដ្ឋរស់នៅតាមដងផ្លូវ។ លោក ណុប ដារ៉ា បានបញ្ជាក់ទៀតថា អាជ្ញាធរគ្រប់លំដាប់ថ្នាក់ ត្រូវផ្ដល់ព័ត៌មានមកដល់ថ្នាក់ខេត្ត ដើម្បីមានវិធានការ នៅពេលដែលមានភាពមិនប្រក្រតី កើតឡើងក្នុងមូលដ្ឋានរបស់ខ្លួន៕
អត្ថបទ៖ រ៉ាវុទ្ធ
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)