ព័ត៌មានជាតិ

អាជ្ញាធរក្រុងប៉ោយប៉ែតចុះផ្សព្វផ្សាយវិធានការក្រសួងសុខាភិបាល ៣កុំ និង៣ការពារ

បានផុស

៥ years មុន

នៅ

ថ្ងៃពុធ ១៥ កញ្ញា ២០២១

ដោយ

ក្រោយពីជំងឺកូវិដ១៩ប្រភេទដែលតា បានចាប់ផ្ដើមវាយលុកជាថ្មីនៅក្នុងក្រុងប៉ោយប៉ែតក្នុងរយៈពេលប៉ុន្មានថ្ងៃនេះ ក្រោយមកគេបានសង្កេតឃើញអាជ្ញាធរនិងសមត្ថកិច្ចបានចាប់ផ្ដើមចាត់វិធីនៃការអនុវត្តបម្រាមគោចរសារជាថ្មី ទាក់ទិនទៅនឹងការវាយលុកពីជំងឺកូវិដ១៩ប្រភេទដែលតា ដែលធ្វើឲ្យប៉ះពាល់យ៉ាងធ្ងន់ធ្ងរទៅលើសុខភាពរបស់ប្រជាពលរដ្ឋនៅក្នុងក្រុងប៉ោយប៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ដែរថា នៅយប់ថ្ងៃទី១៤ ខែកញ្ញា ឆ្នាំ២០២១ នេះ អាជ្ញាធរមូលដ្ឋាននៅក្នុងសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដែលមានកម្លាំងប្រជាការពារ និងកម្លាំងសមត្ថកិច្ចចម្រុះទៀតនោះ បានចុះផ្សព្វផ្សាយតាមគោលដៅធំៗជាច្រើននៅក្នុងក្រុងប៉ោយប៉ែត តែម្តង ដូចជា នៅតាមតំបន់ផ្សាររាត្រី និងផ្សារផ្សេងៗទៀត ដែលអាជីវករកំពុងតែប្រកបមុខរបរលក់ដូរប្រចាំថ្ងៃនោះ ធ្វើយ៉ាងណាឲ្យប្រជាពលរដ្ឋយើងចូលរួមសហការជាមួយអាជ្ញាធរ និងក្រសួងសុខាភិបាលឲ្យបានល្អបំផុត ទាក់ទងនឹងការរក្សាគម្លាត ការជួបជុំគ្នា និងការពាក់ម៉ាសជាដើមនោះ។

សូមបញ្ជាក់ដែរថា ចាប់ពីថ្ងៃទី៩ ខែកញ្ញា ឆ្នាំ២០២១នេះ ក្រោយពីអាជ្ញាធរមូលដ្ឋាននិងក្រសួងសុខាភិបាលបានរកឃើញអ្នកឆ្លងកូវិដ១៩ប្រភេទដែលតានៅតាមមូលដ្ឋានមួយចំនួន និងនៅតាមទីផ្សារមួយចំនួនទៀតផង ។

លោក ភោក លន ចៅសង្កាត់ប៉ោយប៉ែតបានឲ្យដឹងថា យើងត្រូវតែពង្រឹងច្បាប់បម្រាមគោលចរឲ្យបានល្អបំផុតដើម្បីអោយក្រុមអាជីវករតាមផ្សារតូចធំ និងអ្នកធ្វើដំណើរថ្មើរជើងក្តីនិងរថយន្តម៉ូតូក្តី ដើម្បីឲ្យពួកគាត់ចូលរួមសហការឲ្យបានល្អបំផុតជាមួយក្រសួងសុខាភិបាលឲ្យបានល្អបំផុត។

លោកបានបន្តទៀតថា មួយរយៈនេះយើងបានរកឃើញប្រជាពលរដ្ឋយើងមានវិជ្ជមានកូវិដ១៩ នៅតាមមូលដ្ឋាននិងនៅតាមទីផ្សារហូតដល់មានអត្រាកើនឡើងខ្ពស់បំផុតដែលមិនធ្លាប់មានពីមុនមក។ លោកថា ដោយមានការឯកភាពពីគណៈបញ្ជាការខេត្តក្រុង បានតម្រូវឲ្យអាជ្ញាធរមូលដ្ឋានចុះសុខធ្វើការផ្សព្វផ្សាយជាបន្ទាន់លើវិធានការរបស់ក្រសួងសុខាភិបាល និងរាជរដ្ឋាភិបាលកម្ពុជា ដើម្បីឲ្យពលរដ្ឋរបស់យើងមានការប្រុងប្រយ័ត្នខ្ពស់បំផុតនោះ៕

អត្ថបទ៖ ពៅរិ

Related Topics: