ខេត្តបន្ទាយមានជ័យ ចាប់ផ្ដើមចាក់វ៉ាក់សាំង ការពារជំងឺកូវីដ​ដល់កុមារអាយុចាប់ពី ៦ឆ្នាំ ដល់ក្រោម១២ឆ្នាំ

នៅថ្ងៃទី ១៨ ខែកញ្ញា ឆ្នាំ ២០២១ ខេត្តបន្ទាយមានជ័យ បើកយុទ្ធនាការចាក់វ៉ាក់សាំងការពារជំងឺកូវីដ-១៩ ដល់កុមារអាយុចាប់ពី ៦ឆ្នាំដល់ក្រោម ១២ឆ្នាំ នៅតាមមណ្ឌសុខភាពជិតផ្ទះលោកអ្នក។

រដ្ឋបាលខេត្តបានជូនដំណឹង ដល់សាធារណជន និងមាតាបិតា ឬអាណាព្យាបាលទាំងអស់ ជ្រាបថា មន្ទីរសុខាភិបាលនៃរដ្ឋបាលខេត្តបន្ទាយមានជ័យ នឹងបើកយុទ្ធនាការចាក់វ៉ាក់សាំងការពារជំងឺកូវីដ-១៩ ដល់កុមារមានអាយុចាប់ពី ៦ឆ្នាំ ដល់អាយុក្រោម ១២ឆ្នាំ នៅតាមទីកន្លែង ក្រុងសិរីសោភ័ណ ចាប់ពីថ្ងៃទី ១៨ ដល់ថ្ងៃទី ២៩ ខែកញ្ញា​ ក្រុងប៉ោយប៉ែត ចាប់ពីថ្ងៃទី ១៨ ដល់ថ្ងៃទី ៦ ខែតុលា ស្រុកអូរជ្រៅ ពីថ្ងៃទី ១៨ ខែកញ្ញា ដល់ថ្ងៃទី ២២ ខែកញ្ញា ស្រុកមង្គលបូរី ពីថ្ងៃទី ១៨ ខែកញ្ញា ដល់ថ្ងៃទី ៣០ ខែកញ្ញា ស្រុកម៉ាឡៃ ពីថ្ងៃទី ១៨ ខែកញ្ញា ដល់ថ្ងៃទី ២៧ ខែកញ្ញា ស្រុកស្វាយចេក ពីថ្ងៃទី ១៨ ខែកញ្ញា ដល់ថ្ងៃទី ២៨ ខែកញ្ញា ស្រុកថ្មពួក ពីថ្ងៃទី ១៨ ខែកញ្ញា ដល់ថ្ងៃទី ០៤ ខែវិច្ឆិកា ស្រុកភ្នំស្រុក ពីថ្ងៃទី១៨ ខែកញ្ញា ដល់ថ្ងៃទី ២៤ ខែកញ្ញា ឆ្នាំ២០២១។ ស្រុកព្រះនេត្រព្រះ ពីថ្ងៃទី១៨ ខែកញ្ញា ឆ្នាំ២០២១ ដល់ថ្ងៃទី២៨ ខែកញ្ញា ឆ្នាំ២០២១។

សម្រាប់ ទីកន្លែងដែលត្រូវមកទទួលការចាក់វ៉ាក់សាំង នៅតាមមណ្ឌលសុខភាព ស្ថិតនៅក្នុងឃុំសង្កាត់ របស់ស្រុកក្រុង ទូទាំងខេត្តបន្ទាយមានជ័យ រៀងរាល់ថ្ងៃច័ន្ទដល់ ថ្ងៃអាទិត្យ ពេលព្រឹកពីម៉ោង ៧ និង៣០នាទី ដល់ម៉ោង១១៖៣០ នាទីពេលរសៀលពីម៉ោង១៣ ដល់ម៉ោង១៦ ល្ងាច។

ម្តាយ ឪពុកកូន រំពឹងថា នៅពេលដែលកូនៗបានចាក់វ៉ាក់សាំង ពួកគេនឹងមានសុខភាពល្អ ហើយអាចចូលរៀននៅតាមសាលារដ្ឋនិងឯកជនបានឆាប់ៗដែរគាត់បានថ្លែងអំណរអរគុណយ៉ាងជ្រោលជៅជូនសម្តេចតេជោ ដែលបានយកចិត្តទុកដាក់ខ្ពស់លើការផ្តល់វ៉ាក់សាំងដល់ក្រុមកុមារតូចៗ ក្រោយចាក់ថ្នាំរួចបន្តអនុវត្តវិធានការសុខាភិបាល៣កុំ៣ការពារជាប្រចាំមិនអាចធ្វេសប្រហែសបានឡើយ៕

អត្ថបទៈ វ៉ាន់ ណាង