ឆ្មក់ហ៊ុមព័ទ្ធយកសំណាក ក្រុមអាជីវករជិត ២០០ នាក់ លួចលក់ដូរក្នុងតំបន់បិទខ្ទប់

លោក ហាយ យ៉ុង ប្រធានការិយាល័យសាធារណៈការ អនាម័យបរិស្ថាន និងសណ្តាប់ធ្នាប់ ក្រុងសៀមរាប បានប្រាប់កម្ពុជាថ្មីថា អាជ្ញាធរបានចុះហ៊ុមព័ទ្ធខ្ទប់ចាប់ក្រុមអាជីវករមកលួច លក់ដូរពេលយប់ក្នុងតំបន់ក្រហមនៅតាមដងផ្លូវជាតិលេខ៦ នៅមុខផ្សារសាមគ្គី ខេត្តសៀមរាប។

ប្រតិបត្តិការនេះដឹកនាំដោយ លោក ទៀ សីហា អភិបាលខេត្តសៀម និងលោក អភិបាលរងខេត្ត និងស្នងការនគរបាលខេត្តបានចុះប្រមូលពួកគាត់យកមកធ្វើតេស្ត យកសំណាក់ចំនួន១៨៦នាក់ទាំងប្រុសទាំងស្រីរកឃើញអ្នកមានវិជ្ជមាន (គូវីដ ១៩)ចំនួន១០នាក់ប្រុស៨នាក់ និងស្រី២នាក់ បញ្ជូនទៅព្យាបាលនៅមណ្ឌល ចំណែកឯអ្នកអវិជ្ជមាន ឲ្យពួកគាត់ទៅធ្វើចត្តាឡីស័ក ១៤ថ្ងៃនៅតាមផ្ទះ។

លោក ប្រធានការិយាល័យក្រុងរូបនេះបានបញ្ចាក់ទៀតថា អ្នកវិជ្ជមានកូវីដ ១៩ ទាំង១០នាក់ដែលក្រុមគ្រូ
ពេទ្យបានធ្វើ​តេស្ត យកសំណាក់ វិជ្ជមាន កូវិដ ១៩ នេះមកពីស្រុកពួក១ម្នាក់ ស្រុកសូទ្រនិគម ២នាក់ និង
៧នាក់នៅក្នុងក្រុងសៀមរាប គឺជាតំបន់ក្រហម។

លោកក៏បានបន្តទៀតថា ពលរដ្ខដែលល្មើសនិងបំរាមនេះមិនបានធ្វើការផាកពិន័យគាត់នោះទេ តែហាមមិនឲ្យល្មើសបន្តទៀតនោះទេ។

សូមបញ្ចាក់ថា ការហ៊ុមព័ទ្ធចាប់ធ្វើតេស្តយកសំណាក់ នេះជាលើកទី២ហើយ នៅផ្សារសាមគ្គីនេះ ហើយលើកទី២នេះដឹកនាំដោយលោកអភិបាលខេត្តចាប់ពីម៉ោងជាង ១ ក្នុងថ្ងៃទី២៧ ខែកញ្ញា ឆ្នាំ ២០២១ ស្ថិនៅក្នុងភូមិបន្ទាយចាស់សង្កាត់ ស្លក្រាម ក្រុងសៀមរាប៕

អត្ថបទៈ គឿនវេត