Connect with us

ព័ត៌មានជាតិ

មន្រ្តីជាន់ខ្ពស់ ប្រាប់វិធីបង្ការជំងឺកូវីដ-១៩ ក្នុងឱកាសដំណើរកម្សាន្ត បុណ្យភ្ជុំបិណ្ឌ

បានផុស

នៅ

ពិធិបុណ្យភ្ជុំបិណ្ឌនឹងខិតមកដល់នៅរយៈពេល៥ថ្ងៃទៀតនេះ ពោលនៅចាប់ពីថ្ងៃអង្គារទី៥ រហូតដល់ថ្ងៃទី៦ ខែកញ្ញានេះ ទន្ទឹមពេលរាជរដ្ឋាភិបាលក៏បានអនុញ្ញាតមន្ត្រីរាជការសាធារណៈ បុគ្គលិកក្រុមហ៊ុនឯកជន រោងចក្រជាដើម អាចឈប់សម្រាកក្នុងឱកាសបុណ្យភ្ជុំនេះ មន្ត្រីជាន់ខ្ពស់របស់ក្រសួងសុខាភិបាល បានរំលឹកណែនាំដល់អាជ្ញាធរ និងប្រជាពលរដ្ឋ ឱ្យពង្រឹង និងអនុវត្តវិធានការបង្ការជំងឺកូវីដ-១៩ តាំងពីការធ្វើដំណើរ ការជួបជុំនៅ ភោជនីយដ្ឋាន ទីរមណីដ្ឋាន និងកន្លែងស្នាក់ជាដើម ដើម្បីបញ្ចៀសការឆ្លង និងការរាលដាលនៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល មានប្រសាសន៍ថា ការយកចិត្តទុកដាក់ និងបង្ការជំងឺកូវីដ-១៩ ក្នុងកំឡុងឱកាសបុណ្យភ្ជុំបិណ្ឌ គឺជារឿងសំខាន់ណាស់ ជាមួយគ្នានេះអាជ្ញាធរមូលដ្ឋានត្រូវខិតខំរៀបចំឱ្យបានរួចរាល់ជាមុន មានយន្តការតាមដាន ពីព្រោះប្រជាពលរដ្ឋមួយចំនួនមិនបានអនុវត្តតាមវិធានបង្ការបានត្រឹមត្រូវទេ។

លោកស្រី ឱ វណ្ណឌីន មានប្រសាសន៍បន្តថា៖ “អ៊ីចឹងបើយើងខ្វះយន្តការតាមដានការអនុវត្តនូវវិធានការការពារនេះ មិនយូរមិនឆាប់យើងនឹងជួបប្រទះការផ្ទុះការចម្លងវីរុសកូវីដ-១៩ ទៀតជាមិនខាន។ អ៊ីចឹងសំខាន់ណាស់ ខ្ញុំសូមអំពាវនាវដល់អាជ្ញធរមូលដ្ឋានទាំងអស់ មុននឹងដល់ថ្ងៃត្រូវឈប់៣ថ្ងៃនេះ គឺត្រូវចាត់ចែងរៀបចំពីឥឡូវឱ្យហើយ ត្រៀមសម្រាប់អ្នកប្រុងប្រៀបធ្វើដំណើរ និងទីកន្លែងដែលគាត់ត្រូវទៅដល់”។

រដ្ឋលេខាធិការក្រសួងសុខាភិបាលខាងលើ បានបញ្ជាក់ថា ចំពោះទីតាំងកន្លែងកម្សាន្ដដែលប្រជាពលរដ្ឋទៅដល់ ពួកគាត់អាចសម្រាក១យប់ ២យប់ ដែលគាត់អាចស្នាក់នៅតាមផ្ទះសំណាក់ ឬសណ្ឋាគារ។ ដូចនេះការចាត់ចែងទី១ត្រូវឱ្យច្បាស់ថា ផ្ទះសំណាក់ សណ្ឋាគារ មិនមែនជាទីតាំងដែលមានការផ្ទុះចេញនូវមេរោគកូវីដ-១៩  ព្រោះបើមិនមានការសម្អាត និងសម្លាប់មេរោគបានត្រឹមត្រូវទេ អ្នកចូលទៅស្នាក់បន្ត អាចទទួលការចម្លង។

មន្ត្រីអ្នកនាំពាក្យក្រសួងសុខាភិបាលរូបនេះ បានមានប្រសាសន៍ថា ដោយឡែកសម្រាប់ ភោជនីយដ្ឋាន អាហារដ្ឋាន ក៏ត្រូវអនុវត្តឱ្យបានត្រឹមត្រូវ កុំឱ្យដូចមុនមានប្រជ្រៀតគ្នា ពិសាអាហារជុំគ្នា ដោយគួរទិញហើយខ្ចប់ ឬពិសាក្នុងគ្រួសារតូចៗវិញទៅ ហើយត្រូវចៀសវាងទីតាំងបិទជិត។

លោកស្រី ឱ វណ្ណឌីន មានប្រសាសន៍បន្តថា៖ “ចំណែកនៅកន្លែងដើរកម្សាន្ត ក៏ត្រូវចាត់ចែងរៀបចំឱ្យមានការតាមដាន ប្រសិនមានបុគ្គលមិនពាក់ម៉ាស គឺត្រូវណែនាំគាត់ភ្លាម ហើយប្រសិនមានការជួបជុំគ្នាច្រើន ត្រូវណែនាំពួកគាត់ឱ្យបំបែកគ្នា ជាក្រុមតូចៗ។ ម៉្យាងទៀតត្រូវមានអ្នកត្រួតពិនិត្យ ចាំវាស់កម្ដៅ បាញ់អាល់កុលសម្រាប់់អ្នកចេញចូលទីរមណីដ្ឋាននោះផងដែរ”។

លោកស្រីវេជ្ជបណ្ឌិត មានប្រសាសន៍បន្ថែមថា៖ “ដោយឡែកសម្រាប់អ្នកធ្វើដំណើរ ត្រូវមានការសម្រេចចិត្តឱ្យបានត្រឹមត្រូវ មុននឹងទៅកន្លែងណាមួយ ត្រូវគិតថា តើចាំបាច់ត្រូវទៅទេ? បើមិនចាំបាច់ទេ យើងនៅផ្ទះជួបជុំរីករាយជាមួយគ្រួសារយើងទៅ។ តែបើចាំបាច់ថាត្រូវទៅហើយ ត្រូវចេះជ្រើសរើសមធ្យោបាយធ្វើដំណើរឱ្យបានត្រឹមត្រូវ ហើយចៀសវាងការប្រមូលមនុស្សច្រើនពីកន្លែងផ្សេងគ្នាឱ្យជិះឡានជាមួយគ្នា គឺជិះឡានតែជាមួយសមាជិកគ្រួសារបានហើយ”។

មន្ត្រីជាន់ខ្ពស់ក្រសួងសុខាភិបាលរូបនេះ បញ្ជាក់ទៀតថា ទន្ទឹមនេះ បើមិនមានមធ្យោបាយធ្វើដំណើរផ្ទាល់ខ្លួនទេ គឺត្រូវចេះជ្រើសរើសនូវមធ្យោបាយធ្វើដំណើរសាធារណៈ ហើយអាជ្ញាធរត្រូវរៀបចំនូវមធ្យោបាយធ្វើដំណើរសាធារណៈនេះឱ្យបានត្រឹមត្រូវ ដោយឱ្យអ្នកបើករថយន្ត ឬតាក់ស៊ី ត្រូវអនុវត្តតាមសេចក្ដីណែនាំរបស់ក្រសួងសុខាភិបាលឱ្យបានខ្ជាប់ខ្ជួន។

គួររំលឹកថា ក្នុងការថ្លែងសារពិសេសជូនជនរួមជាតិពាក់ព័ន្ធស្ថានភាពជំងឺកូវីដ-១៩ កាលពីថ្ងៃ​ទី ២៥ ខែកញ្ញានេះ សម្ដេចតេជោ ក៏បានបញ្ជាក់ពីការឈប់សម្រាកចំនួន ៣ ថ្ងៃរបស់មន្ត្រីរាជការ បុគ្គលិក​ក្រុម​ហ៊ុន និង​កម្មករកម្មការិនីរោងចក្រ ដែលត្រូវបានការ​អនុញ្ញាត​ឱ្យឈប់សម្រាក​ដោយមិន​មានការហាមឃាត់ ​និងកាត់​ប្រាក់បៀវត្សរ៍​នោះទេ។ សម្ដេចតេជោ បានបញ្ជាក់ថា ប្រជាពលរដ្ឋអាចធ្វើដំណើរដើរលេងទៅតាមទីកន្លែងនានា ដោយមានវិធាន​ការសុខាភិបាលទៅជាមួយ៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៨ នាទី មុន

មិនធ្លាប់ដឹង! មុនពេលស្លាប់ ស្ដេចចម្រៀងប៉ុប Michael Jackson មានបំណងធំមួយមិនទាន់សម្រេច

ព័ត៌មានជាតិ៤៨ នាទី មុន

សម្តេច​តេ​ជោ ហ៊ុន សែន អញ្ជើញ​ជួប​នាយករដ្ឋមន្ត្រី​ជប៉ុន និង​ភរិយា ឯកឧត្តម អា​បេ ស៊ីន​ហ្សូ​

ព័ត៌មានជាតិ៥២ នាទី មុន

ភាពយន្ត​ចម្រៀង ខ្សែ​ជីវិត​សម្តេច​តេ​ជោ ពេល​ជាក្មេង​វត្ត ដាក់​បង្ហាញ​ជា​ផ្លូវការ​នៅ​ថ្ងៃស្អែក

ជីវិតកម្សាន្ដ១ ម៉ោង មុន

ធ្លាយពាក្យចចាមអារ៉ាម អតីតស្វាមី Angelina សាងស្នេហ៍លួចលាក់ជាមួយស្ត្រីមេម៉ាយម្នាក់

កីឡា១ ម៉ោង មុន

ពាន​សម្តេច​តេ​ជោ ហ៊ុន សែន ប្ដូរ​កាលបរិច្ឆេទ​វគ្គ​ផ្ដាច់ព្រ័ត្រ ទៅ​ប្រកួត​ចុង​សប្ដាហ៍

Sokha Hotels

ព័ត៌មានពេញនិយម