មកដឹងមូលហេតុ ការចាក់វ៉ាក់សាំងកូវីដ-១៩ ហាក់នៅទ្រឹង ខណៈជិតគ្រប់គោលដៅយូរហើយ
Connect with us

ព័ត៌មានជាតិ

មកដឹងមូលហេតុ ការចាក់វ៉ាក់សាំងកូវីដ-១៩ ហាក់នៅទ្រឹង ខណៈជិតគ្រប់គោលដៅយូរហើយ

បានផុស

នៅ

យុទ្ធនាការចាក់វ៉ាក់សាំងកូវីដ-១៩ ជូនប្រជាពលរដ្ឋដែលមានអាយុចាប់ពី១៨ឆ្នាំឡើងទៅ មានសម្ទុះលឿនជិតដល់ចំនួនកំណត់ចំពោះប្រជាពលរដ្ឋ ១០លាននាក់ គួរឱ្យចាប់អារម្មណ៍។ ទន្ទឹមពេលកម្ពុជាមានវ៉ាក់សាំងគ្រប់គ្រាន់សម្រាប់ចាក់វ៉ាក់សាំងជូនប្រជាពលរដ្ឋតាមចំនួនគោលដៅកំណត់នេះ ប៉ុន្តែមួយរយៈចុងក្រោយនេះ យើងសង្កេតឃើញថា ចំនួនប្រជាជនដែលបានចាក់វ៉ាក់សាំងកូវីដ-១៩ ហាក់នៅទ្រឹង មិនសូវឡើងឱ្យគ្រប់ចំនួនកំណត់។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងទៅនឹងករណីនេះ លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ (គ.វ.ក-១៩) មានប្រសាសន៍ថា ជាធម្មតាទេ កាលណាយើងរត់ជិតដល់ទិសដៅ អ្នករត់ហត់ ហើយជាពិសេសយើងត្រូវខិតខំជំរុញថែមទៀត ដើម្បីឱ្យយើងទៅដល់ទិសដៅ។ តែតាមការសង្កេត អ្នករត់អត់ហត់ទេ គឺគាត់កំពុងតែប្រឹងធ្វើម៉េចឱ្យទៅដល់ទិសដៅ។

លោកស្រី ឱ វណ្ណឌីន មានប្រសាសន៍បន្តថា៖ “ប៉ុន្តែរឿងមួយទៀត នៅពេលយើងជិតមកដល់គោលដៅកំណត់នេះ មានន័យថា ប្រជាពលរដ្ឋដែលបានចាក់វ៉ាក់សាំងកូវីដ-១៩នោះ គឺសឹងតែអស់ នៅសល់រប៉េះរប៉ោះ ដែលអ្នកនៅសល់រប៉េះរប៉ោះទាំងនោះ នៅទីឆ្ងាយដាច់ស្រយាល។ ហើយយើងមានកត្តាមួយចំនួន ប្រសិនយើងពិនិត្យលើតួលេខ គ្រាន់តែអ្នកមានបញ្ហាសុខភាពដែលគ្រូពេទ្យមិនអនុញ្ញាតិឱ្យចាក់វ៉ាក់សាំង គឺមានជាង ៧ម៉ឺននាក់ទៅហើយ នៅក្នុងចំនួនគោលដៅ ១០លាននាក់នេះ”។

រដ្ឋលេខាធិការក្រសួងសុខាភិបាលដដែលនេះ បានបង្ហាញថា តាមការសង្កេត រឿងមួយទៀតគឺប្រជាពលរដ្ឋដែលនៅទីឆ្ងាយដាច់ស្រយាល គាត់មិនអាចធ្វើដំណើរមកចាក់វ៉ាក់សាំងបាន ដូច្នេះ គ.វ.ក-១៩ បានធ្វើការណែនាំទៅដល់រដ្ឋបាលថ្នាក់ក្រោមជាតិ តាំងពី១ខែមុន សូមឱ្យជំរុញការចាក់វ៉ាក់សាំងកូវីដ-១៩ ដោយរុញគ្រូពេទ្យចល័តចាក់វ៉ាក់សាំងទៅដល់ទីតាំង។ ទោះបីលំបាកយ៉ាងណាក៏ដោយ ក្រុមគ្រូពេទ្យត្រូវតែស្ពាយធុងវ៉ាក់សាំងទៅរកប្រជាពលរដ្ឋទៅដល់ទីតាំងដែលនៅឆ្ងាយដាច់ស្រយាល។

លោកស្រីវេជ្ជបណ្ឌិត ឱ វណ្ណឌីន មានប្រសាសន៍បញ្ជាក់ថា៖ “កន្លងមកនេះ តាមរយៈការអនុវត្តនេះ យើងឃើញថា យើងមានកំណើនតួលេខមួយចំនួន ប៉ុន្តែកំណើនតួលេខនេះក៏មិនទាន់ច្រើនឆាប់ដល់គោលដៅ ប៉ុន្តែយើងត្រូវគិតថា ការណ៍ដែលយើងខិតខំប្រមែប្រមូលប្រជាពលរដ្ឋប្រជាពលរដ្ឋដែលនៅសេសសល់នេះ ជាកិច្ចការដែលត្រូវការពេលវេលាដែរ។ ជាក់ស្ដែងដូចជា នៅខេត្តរតនគិរី គ្រាន់តែទីតាំងមួយដែលគ្រូពេទ្យត្រូវស្ពាយធុងវ៉ាក់សាំងចុះទៅចាក់ជូនប្រជាជនតំបន់នោះ គឺត្រូវសម្រាកតាមផ្លូវ៣យប់ទើបទៅដល់ ហើយពេលខ្លះក៏មិនបានជួបបងប្អូនប្រជាពលរដ្ឋទៀត ដោយសារពួកគាត់ត្រូវទៅប្រកបរបរនៅកន្លែងផ្សេង ដែលគ្រូពេទ្យមិនបានជួប ហើយត្រូវការពេលវេលាដើម្បីគៀងគរ”។

ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ រូបនេះ បានលើកឡើងថា បញ្ហាមួយទៀត គឺនៅសល់ប្រជាពលរដ្ឋមួយចំនួនដែលធ្វើការចំណាកស្រុក ដែលគាត់ទើបវិលត្រឡប់ ហើយអត់ទាន់បានចាក់វ៉ាក់សាំង ដូចនេះយើងកំពុងជំរុញការងារនេះ។ ករណីមួយទៀត គឺអ្នកដែលឈឺជំងឺកូវីដ-១៩ ដែលបានព្យាបាលជាសះស្បើយ ហើយមិនទាមទារឱ្យចាក់វ៉ាក់សាំង មានជាង១០ម៉ឺននាក់។ ដូចនេះបើយើងយកចំនួននេះមកបូកជាមួយចំនួនអ្នកដែលបានចាក់វ៉ាក់សាំងមកនេះ គឺបានជាង១០លាននាក់ហើយ។

លោកស្រី ឱ វណ្ណឌីន មានប្រសាសន៍ថា៖ “សម្ដេចតេជោលោកមើលឃើញចំណុចនេះ ហើយស្របជាមួយអនុសាសន៍ណែនាំរបស់អង្គការសុខភាពពិភពលោក បានចេញផ្សាយនៅចុងខែឧសភា ឆ្នាំ២០២១នេះ សម្ដេចតេជោ បានណែនាំមក គ.វ.ក-១៩ ឱ្យធ្វើការផ្សព្វផ្សាយអំពាវនាវប្រជាពលរដ្ឋដែលបានជាសះស្បើយកូវីដ-១៩ រយៈពេល៤ខែឡើងទៅ ឱ្យឆាប់មកចាក់វ៉ាក់សាំងវិញ។ ជាមួយគ្នានេះ យើងនៅសល់ស្រ្តីមានផ្ទៃពោះ ស្រ្តីបំបៅកូនដោយទឹកដោះ ដោយពួកគាត់នៅញញើតញញើម ដោយពួកគាត់មិនទាន់សម្រេចិត្តមកចាក់វ៉ាក់សាំង ដែលយើងកំពុងអំពាវនាវចំពោះកិច្ចការនេះ”។

មន្ត្រីជាន់ខ្ពស់របស់ក្រសួងសុខាភិបាលរូបនេះ លើកឡើងថា ទោះបីយ៉ាងណាក៏ដោយយើងត្រូគិតថា ការចាក់វ៉ាក់សាំងកូវីដ-១៩ មកដល់ពេលនេះ ដែលមានតួលេខជិត ៩៩ភាគរយ គឺជាតួលេខខ្ពស់បំផុតហើយ មិនងាយមានប្រទេសណាធ្វើបានទេ តែដោយឡែកកម្ពុជាធ្វើបាន ក្រោមការដឹកនាំរបស់សម្ដេចតេជោ។ លោកស្រីសង្ឃឹមថា នៅខែតុលាខាងមុខ កម្ពុជានឹងឈានដល់ចាក់វ៉ាក់សាំងកូវីដ១៩ ជូនប្រជាពលរដ្ឋអាយុពី១៨ឆ្នាំឡើងទៅ បានគ្រប់តាមចំនួនគោលដៅកំណត់។

គួរបញ្ជាក់ថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី២៩ ខែកញ្ញា ឆ្នាំ២០២១ មាន ៩៨,៩៩%  ធៀបជាមួយចំនួនប្រជាជនគោលដៅ ១០លាននាក់។ ចំណែកការចាក់វ៉ាក់សាំងចំពោះកុមារ-យុវជនអាយុពី ១២ឆ្នាំ ទៅក្រោម ១៨ឆ្នាំ បានចំនួន ៨៩,៤១% ធៀបជាមួយចំនួនប្រជាជនគោលដៅ ១,៩៦៦,៩៣១ នាក់ និងការចាក់វ៉ាក់សាំងលើកុមារអាយុពី ០៦ឆ្នាំ  ដល់ក្រោម ១២ឆ្នាំ បានចំនួន ៨៨,០៦% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៣ ម៉ោង មុន

លី​គ​អេឡិចត្រូនិក​អាជីព 2022 MPL-KH Pro League រកឃើញ​ក្រុម​ឡើង​វគ្គ​វិលជុំ​សន្សំ​ពិន្ទុ​

ព័ត៌មានជាតិ៣ ម៉ោង មុន

រដ្ឋាករ​ទឹក​ស្វយ័ត​ក្រុង​ភ្នំពេញ​ ផ្អាក​ផ្គត់ផ្គង់​ទឹក​ស្អាត​នៅលើ​ផ្លូវ​៣K នា​ថ្ងៃ​ទី២៧នេះ ចាប់​ពី​ម៉ោង​១០​ព្រឹក​រហូត​ដល់​បញ្ចប់​ការជួស​ជុល​

បច្ចេកវិទ្យា៥ ម៉ោង មុន

iPhone ដំណើរការមុខងារ ដោះសោទ្វារបន្ទប់សណ្ឋាគារ

ជីវិតកម្សាន្ដ៦ ម៉ោង មុន

ត្រឹមស្លៀកពាក់ស្ដើងឃើញសាច់ក្នុងតិចៗសោះ តារាកូរ៉េ ៥រូបនេះ ឡើង Hot

ព័ត៌មានជាតិ៧ ម៉ោង មុន

ការស្ថាបនា​កំណាត់​ផ្លូវជាតិ​លេខ​៩៥ ដោយ​ក្រាល​កៅស៊ូ​ប្រភេទ​DBST សម្រេចបាន ៧៥%​ហើយ គ្រោង​នឹង​បញ្ចប់​ក្នុង​ខែកុម្ភៈនេះ

Sokha Hotels

ព័ត៌មានពេញនិយម