ព័ត៌មានជាតិ

ផ្សារច្បារអំពៅគម្រោង៣ នឹងរួចរាល់ នៅដើមឆ្នាំ២០២១នេះ

បានផុស

៦ years មុន

នៅ

ថ្ងៃអង្គារ ១ ធ្នូ ២០២០

ដោយ

Sorn Phanith

គម្រោងទី៣នៃសំណង់ផ្សារច្បារអំពៅ និងសាងសង់រួចរាល់ នៅដើមឆ្នាំ២០២១នេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមប្រភពពីលោក គួច ចំណាន ប្រធានគ្រប់គ្រងផ្សារច្បារអំពៅ បានឲ្យដឹងនៅព្រឹកថ្ងៃទី១ ខែធ្នូនេះថា គម្រោងទី៣នៃសំណង់ផ្សារច្បារអំពៅ នឹងរួចរាល់ នៅដើមឆ្នាំ២០២១នេះហើយ ខណៈដែលគម្រោងទី១និងទី២ កំពុងត្រូវបានដំណើរការលក់ជាបន្តបន្ទាប់ ដែលគិតមកដល់ថ្ងៃនេះជិត១ឆ្នាំ។

លោកប្រធានគ្រប់គ្រងផ្សារបន្តថា ពេលនេះគម្រោង៣ គឺសាងសង់ដំបូលរួមនឹងសំយាបបានរួចរាល់ទាំងស្រុង នៅសល់តែសាងសង់តូបជូនដល់អាជីវករប៉ុណ្ណោះ។ តាមប្រភពពីអាជីវករ ដែលបានដាក់លក់ឥវ៉ាន់ នៅគម្រោងទី១និងទី២ បានប្រាប់ថា ផ្សារច្បារអំពៅ ដែលទើបសាងសង់រួចនេះ គឺមានខ្យល់ចេញចូលត្រជាក់ ដោយពុំចាំបាច់ដាក់កង្ហារ។ ដោយឡែកដំបូលផ្សា រក៏មានកម្ពស់ខ្ពស់មិនមានចំហាយក្តៅដល់ក្រោមនោះទេ។ បងប្អូនអាជីវករ បានសំដែងនូវក្តីត្រេកអរព្រមទាំងសម្តែងការអរគុណដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលសម្តេចបានផ្តល់ថវិកាផ្ទាល់របស់សម្តេច មកចំណាយលើការសាងសង់និងសំណង់ផ្សារច្បារអំពៅបានល្អស្អាតបែបនេះ។