Connect with us

ព័ត៌មានជាតិ

អភិបាល​ខេត្ត​បាត់ដំបង​ថ្មី មានប្រវត្តិ​​ជា​អ្នក​ស្រុក​បវេល គឺ​ជា​អ្នក​ខេត្ត​បាត់​ដំបងចំ​តែម្តង

បានផុស

នៅ

​យោង​តាម​ជីវប្រវត្តិ​អភិបាល​ខេត្ត​បាត់ដំបង​ថ្មី​ ឯកឧត្តម សុខ លូគឺ​ជាអ្នក​ខេត្ត​បាត់ដំបង។ ជាអ្នក​ខេត្ត​បាត់ដំបង តែលោក​បាន​ចូល​ទៅ​បម្រើ​ការងារ​រដ្ឋ​ជា​មន្រ្តី​សាលា​ខេត្ត​កំពង់ធំ​តាំងពី​ឆ្នាំ​២០០៤ និង​​ឆ្នាំ ២០១៦ ទើប​ត្រូវ​បាន​រដ្ឋាភិបាល​ប្រកាស​​តែងតាំង​ជា​អភិបាល​ខេត្ត​កំពង់ធំ​ជំនួសឯកឧត្តម​ អ៊ុត សំអន។

កុមារភាព

ក្នុង​ជីវប្រវត្តិលោក សុខ លូ លោក​កើតថ្ងៃទី ០៩ ខែ កញ្ញា ឆ្នាំ ១៩៧១ នៅភូមិ សង្កែវារ ឃុំបវេល ស្រុកបវេល ខេត្ត បាត់ដំបង​។

ប្រវត្តិសិក្សា

ក្នុង​ប្រវត្តិ​សិក្សា លោកទទួលបានការសិក្សាអប់រំមធ្យមកំរិត ២ នៃវិទ្យាល័យព្រះមុនីវង្ស (ខេត្តបាត់ដំបង) ១៩៨០-១៩៨៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

-ឆ្នាំ ១៩៩០-១៩៩៧ បានបញ្ចប់ថ្នាក់វេជ្ជបណ្ឌិតនៅមហាវិទ្យាល័យវេជ្ជសាស្រ្តឱសថសាស្ត្រ និងវេជ្ជសាស្ត្រ ។

-ឆ្នាំ ១៩៩៥-១៩៩៩ បានបញ្ចប់មហាវិទ្យាល័យ នីតិសាស្រ្ត និង វិទ្យាសាស្ត្រសេដ្ឋកិច្ច ផ្នែកនីតិសាស្ត្រ ។

 -ឆ្នាំ ២០០១ ទទួលបានលិខិតបញ្ជាក់ការសិក្សានៅសាកលវិទ្យាល័យបរទេសឆ្នាំទី៣។

-ឆ្នាំ២០០០-២០០១ បញ្ចប់ការសិក្សាសញ្ញាប័ត្រមន្ត្រីជាន់ខ្ពស់នៃសាលាភូមិន្ទរដ្ឋបាល ។ 

លោក សុខ លូ ទទួលបានការបណ្ដុះបណ្ដាលលើចំណេះដឹងភាសាបរទេសនៅមជ្ឈមណ្ឌលភាសាអូស្ត្រាលី,វប្បធម៌ភាសាបារាំង និង ចូលរួមវគ្គបណ្តុះបណ្តាលជាមួយ ជប៉ុន ឥណ្ឌា ជាដើម ។

បទពិសោធន៍ការងារ

ក្នុង​ប្រវត្តិការងារ​វិញ លោក​បានចូលទៅ​បំរើការងារក្របខ័ណ្ឌរដ្ឋនៅថ្ងៃទី ០១ ខែ មិថុនា ឆ្នាំ ១៩៩៨។ លោកក៏​ធ្លាប់​មានបទពិសោធន៍ការងារក្រុមហ៊ុន​ឯកជន​ ជាបុគ្គលិកផ្សព្វផ្សាយឱសថឲ្យក្រុមហ៊ុន Inntech International andaguettan ក្នុងឆ្នាំ ១៩៩៤-១៩៩៨។

-ឆ្នាំ ១៩៩៨-២០០០ ជាគ្រូពេទ្យនៅក្រសួងសុខាភិបាល ។

-ឆ្នាំ ២០០២-២០០៤ ជាមន្ត្រីនៅអគ្គលេខាធិការដ្ឋានក្រុមប្រឹក្សាកំណែទម្រង់រដ្ឋបាល(ទីស្តីការគណៈរដ្ឋមន្ត្រី)។

-ឆ្នាំ ២០០៤-២០០៤ ជាមន្ត្រីជំនួយការសាលាខេត្តកំពង់ធំ។

-ឆ្នាំ ២០០៤-២០០៥ ជានាយរងខុទ្ទកាល័យសាលាខេត្តកំពង់ធំ។

-ឆ្នាំ ២០០៥-២០០៩ ជានាយខុទ្ទកាល័យសាលាខេត្តកំពង់ធំ។

 -ឆ្នាំ ២០០៩ ជាអភិបាលរងខេត្តកំពង់ធំ។

-ឆ្នាំ ២០១៦ ជា​អភិបាល​ខេត្តកំពង់ធំ។

ព្រះករុណាព្រះបាទ​សម្ដេច​ព្រះបរមនាថ នរោត្តម សីហនុ ព្រះមហាក្សត្រ នៃ​ព្រះរាជាណាចក្រ​កម្ពុជា នៅ​ថ្ងៃទី​៣០ ខែកញ្ញា ឆ្នាំ​២០២១ នេះ បានចេញ​ព្រះរាជក្រឹត្យ ត្រាស់បង្គាប់ ផ្ទេរ​ភារកិច្ច លោក សុខ លូ ឋានន្តរស័ក្ដិឧត្ដមមន្ត្រីថ្នាក់​លេខ​១ ពី​អភិបាល នៃ​គណៈ​អភិបាល ខេត្តកំពង់ធំ ទៅជា​អភិបាល នៃ​គណៈ​អភិបាល ខេត្តបាត់ដំបង​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម