ឃាត់ខ្លួនយុវជនម្នាក់ ដែលបានរួមភេទជាមួយក្មេងស្រី អាយុក្រោម ១៥ ឆ្នាំ

យុវជនម្នាក់ ត្រូវបានកម្លាំងសមត្ថកិច្ចជំនាញនៃអធិការដ្ឋាននគរបាលស្រុកថ្មគោល ចុះឃាត់ខ្លួនយកមកសាកសួរ បន្ទាប់ពីសមត្ថកិច្ចទទួលបានពាក្យបណ្តឹង ពីអាណាព្យាបាលក្មេងស្រីរងគ្រោះ ដែលបានចោទប្រកាន់ថា បានរួមភេទជាមួយកូនស្រីរបស់ខ្លួន។

ការឃាត់ខ្លួននេះដោយមានការអនុញ្ញាតពីឯកឧត្តមស្នងការ សាត គឹមសាន និងដោយមានការឯកភាពពីឯកឧត្តមព្រះរាជអាជ្ញា កែវ សុជាតិ បានធ្វើឡើងនៅថ្ងៃទី ១៥ ខែ តុលា ឆ្នាំ២០២១ វេលាម៉ោ ង ១ និង ២០នាទី នៅឃុំអូរតាគី ស្រុកថ្មគោល ខេត្តបាត់ ដំបង ។

តាមពាក្យបណ្តឹងគឺបានបញ្ជាក់ថា ក្មេងស្រីដែលជាអនីតិជនអាយុក្រោម ១៥ឆ្នាំ គឺនៅផ្ទះម្នាក់ឯង ហើយក៏បានទូរស័ព្ទឲ្យជនសង័្សយឈ្មោះ រ .ស.ធ ភេទប្រុស អាយុ១៨ ឆ្នាំ រស់នៅក្នុងមូលដ្ឋានខាងលើ ទិញរបស់មកឲ្យញុាំ នៅពេលនោះគឺភាគីខាងប្រុសក៏បានរួមភេទជាមួយក្មេងរហូតបានសម្រេច ប៉ុន្តែត្រូវបានបងប្អូនខាងក្មេងស្រីមកទាន់ក៏បានចាប់ខ្លួនប្រគល់ទៅឲ្យសមត្ថកិច្ច។

សមត្ថកិច្ចនគរបាលស្រុកថ្មគោល បានសម្រេចធ្វើការឃាត់ខ្លួនជនសង្ស័យខាងលើ បន្ទាប់ពីទទួលបាននូវពាក្យបណ្តឹងរបស់អាណាព្យាបាល ដោយបានសាកសួរ និងកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តបាត់ដំបង ហើយ ក្នុងការអនុវត្តតាមច្បាប់៕

អត្ថបទ​៖ សោ និយមរ័ត្ន