ព័ត៌មានជាតិ
អភិបាលខេត្តពោធិ៍សាត់ស្នើឲ្យពន្លឿនការស្ថាបនាផ្លូវជាតិលេខ៥ឲ្យរួចរាល់យ៉ាងយូរនៅដើមឆ្នាំ២០២២
លោក ជាវ តាយ អភិបាលនៃគណៈអភិបាលខេត្តពោធិ៍សាត់ បានស្នើឱ្យក្រុមការងារគណៈកម្មការអន្តរក្រសួង ពិនិត្យ និងជួយពន្លឿនការស្ថាបនាផ្លូវជាតិលេខ៥ ក្នុងភូមិសាស្ត្រខេត្តពោធិ៍សាត់ឲ្យរួចរាល់ក្នុងដំណាច់ឆ្នាំ២០២១ ឬយ៉ាងយូរនៅដើមឆ្នាំ២០២២ខាងមុខដើម្បីងាយស្រួលដល់ប្រជាពលរដ្ឋធ្វើចរាចរណ៍។
ការស្នើរបស់លោក ជាវ តាយ នេះបានធ្វើឡើងនៅសាល Video Conferenceខេត្ត ក្នុងកិច្ចប្រជុំពិភាក្សាការងារ ជុំវិញការដោះស្រាយផលប៉ះពាល់ ការស្ថាបនាស្ថានីយ៍ថ្លឹងយានយន្តលើសទម្ងន់ នៃគម្រោងស្តារឡើងវិញកំណាត់ផ្លូវជាតិលេខ៥ ក្នុងភូមិសាស្ត្រខេត្តពោធិ៍សាត់។
លោក ជាវ តាយ បានបន្តថា « ផ្លូវមួយចំនួន នៃគម្រោងខាងលើនេះ យើងបានស្ថាបនារួចខ្លះហើយដែរ ហើយមួយចំនួនទៀតក៏មានការលំបាក ជាក់ស្តែងដូចនៅព្រំប្រទល់ នៃខេត្តពោធិ៍សាត់ និងខេត្តកំពង់ឆ្នាំង គឺមានលំបាកពិតប្រាកដ ដែលធ្វើឱ្យរថយន្តតូចធំគ្រប់ប្រភេទពិបាកក្នុងការធ្វើដំណើរឆ្លងកាត់។ ជាការពិតណាស់ថា រដូវវស្សាពិបាកក្នុងការស្ថាបនា តែការយឺតយ៉ាវនេះ អាចមកពីក្រុមហ៊ុនខ្វះខាតធនធានមនុស្ស ឬខ្វះខាតគ្រឿងចក្រ? ត្រង់ចំណុចនេះសូមឲ្យក្រុមហ៊ុន និងក្រុមការងារអន្តរក្រសួង ជួយបន្ថែមគ្រឿងចក្រ និងជំរុញពន្លឿនការស្ថាបនាគម្រោងនេះ ឲ្យបានឆាប់រហ័ស ឬអាចធ្វើដំណើរបានក្នុងគន្លងណាមួយក៏បាន នៅដំណាច់ឆ្នាំ២០២១ ឬដើមឆ្នាំ២០២២ ដើម្បីឲ្យងាយស្រួលដល់បងប្អូនពុកម៉ែប្រជាពលរដ្ឋធ្វើចរាចរណ៍បាន មុនពិធីបុណ្យចូលឆ្នាំថ្មីខាងមុខ»។
លោកអភិបាលខេត្តបានបន្តទៀតថា ជុំវិញការស្ថាបនារង្វង់មូលផ្លូវវាងក្រុង យើងត្រូវពិនិត្យ និងកំណត់ទីតាំងឲ្យបានច្បាស់លាស់ ដើម្បីជាសោភណ្ឌភាព និងភាពទាក់ទាញ ជៀសវាងស្ថាបនាហើយ រថយន្តធ្វើដំណើរទៅផុត ដែលនាំឲ្យខាតបង់នូវសេដ្ឋកិច្ច និងប្រាក់ចំណូលរបស់ប្រជាពលរដ្ឋយើង។
ចំពោះទីតាំងស្ថាបនាស្ថានីយថ្លឹងយានយន្តលើសទម្ងន់នោះទៀតសោត លោកអភិបាលខេត្តបានណែនាំដល់អនុគណៈកម្មការខេត្ត ដែលដឹកនាំដោយលោក ខូយ រីដា ត្រូវសហការជាមួយក្រុមការងារអន្តរក្រសួង ធ្វើយ៉ាងណាកំណត់សម្រេចឲ្យបានជាលទ្ធផលផ្លែផ្កា។
លោកអភិបាលខេត្តបានសូមឲ្យបន្តភារកិច្ច នៃការអនុវត្តន៍នេះឲ្យបានខ្លាំងក្លាបន្ថែមទៀត ហើយយើងនឹងជំរុញទាំងអស់គ្នា ដើម្បីឲ្យគម្រោងស្តារឡើងវិញផ្លូវជាតិលេខ៥នេះ ឈានដល់កម្រិតមួយដ៏ល្អ អាចស្រូបយកភ្ញៀវទេសចរណ៍ និងបង្កើនសេដ្ឋកិច្ចសម្រាប់ខេត្តយើង។
សូមបញ្ជាក់ថា គម្រោងកែលំអផ្លូវជាតិលេខ៥ មានប្រវែងសរុប ៣៦៦គីឡូម៉ែត្រ លើផ្លូវចាស់ពីព្រែកក្តាមទៅប៉ោយប៉ែតមានប្រវែង ៣០៤គីឡូម៉ែត្រ។ គម្រោងផ្លូវនេះ ជាប្រភេទផ្លូវបេតុងកៅស៊ូAC ដោយការសាងសង់ចែកចេញជា៣ផ្នែក ក្នុងនោះផ្នែកខាងជើងចាប់ពីបាត់ដំបង ដល់ប៉ោយប៉ែត (រួចរាល់) មានប្រវែង ៨៤,៧២គីឡូម៉ែត្រ, ផ្នែកកណ្តាលចាប់ពីធ្លាម្អម ដល់បាត់ដំបង មានប្រវែងសរុប ១៤៦,០៤គីឡូម៉ែត្រ ទទឹងប្រវែង ២៣ម៉ែត្រ ចែកជាពី២គន្លង ទៅ៤គន្លង និងផ្នែកផ្លូវភាគខាងត្បូង ចាប់ពីព្រែកក្តាម ខេត្តកណ្តាល ដល់ធ្លាម្អម ខេត្តពោធិ៍សាត់ មានប្រវែងសរុប ១៣៥,២៤គីឡូម៉ែត្រ ចែកជា២គន្លង ទៅ២គន្លងមក។
គម្រោងផ្លូវនេះ ជាចំណែកមួយនៃផ្លូវអាស៊ានហាយវ៉េលេខ១ ដែលតភ្ជាប់ពីប្រទេសចិន មកភូមា ថៃ កម្ពុជា និងវៀតណាម និងជាផ្លូវសេដ្ឋកិច្ចយ៉ាងសំខាន់ សម្រាប់ការដឹកជញ្ជូនផលិតផលកសិកម្ម និងជាពិសេសជាសរសៃឈាមដ៏ធំមួយក្នុងការធ្វើឱ្យសេដ្ឋកិច្ចជាតិកាន់តែមានការអភិវឌ្ឍន៍ថែមទៀត៕
ដោយ ៖ សំអឿន
លេខាធិការដ្ឋានរៀបចំការបោះឆ្នោតខេត្តសៀមរាប បើកវគ្គបណ្ដុះបណ្តាលដល់មន្ត្រី ដើម្បីត្រៀមអនុវត្តភារកិច្ចរៀងៗខ្លួន
ក្រសួងការងារ ដាក់ចេញយន្តការមួយចំនួនដោះស្រាយវិវាទការងារ ក្រៅប្រព័ន្ធតុលាការ ឱ្យកាន់តែមានប្រសិទ្ធភាព
អគ្គនាយកដ្ឋានពន្ធដារ ធ្វើសិក្ខាសាលាផ្សព្វផ្សាយពីច្បាប់ និងលិខិតបទដ្ឋានគតិយុត្តស្ដីពីពន្ធដារថ្មីៗ នៅខេត្តសៀមរាប
រដ្ឋមន្ត្រីបរិស្ថាន៖ កុំយកលេសស្រឡាញ់បរិស្ថាន ឈ្លៀតកាប់ឈើ ទន្រ្ទានដីព្រៃ បិទបាំងសកម្មភាពខិលខូចរបស់ខ្លួន
រដ្ឋាភិបាលប្រកាសជោគជ័យបន្ថែមទៀតនៃនយោបាយការទូតក្រោយទស្សនៈកិច្ចមេដឹកនាំចិន និងថៃ
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
ហ្សេលេនស្គី ប្រញាប់ប្រញាល់ទៅអ៊ុយក្រែនវិញទាំងដែលទស្សនកិច្ចនៅអាហ្វ្រិកខាងត្បូងមិនទាន់ចប់
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៥ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ