ព័ត៌មានជាតិ
ចិន ផ្តល់ថវិកា ១០លានដុល្លារទៅក្នុងមូលនិធិសហប្រតិបត្តិការអាស៊ាន-ចិន
ប្រមុខដឹកនាំអាស៊ានចិនបានឯកភាពគ្នាដំឡើងកិច្ចសហប្រតិបត្តិការពីភាពជាដៃគូយុទ្ធសាស្ត្រ ទៅជាដៃគូយុទ្ធសាស្ត្រគ្រប់ជ្រុងជ្រោយ ។ ជាមួយគ្នានេះចិនបានផ្តល់ថវិកា១០លានដុល្លារទៅក្នុងមូលនិធិកិច្ចសហការអាស៊ាន-ចិន ជាពិសេសដើម្បីជំរុញការគាំទ្រដល់និស្សិតពីអាស៊ានទៅសិក្សានៅប្រទេសចិន ។ នេះបើយោងតាមលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រីឲ្យដឹងនៅល្ងាចថ្ងៃទី២៦ ខែតុលាឆ្នាំ២០២១ ដែលជាលទ្ធផលនៃកិច្ចប្រជុំកំពូលអាស៊ានចិនលើកទី២៤ ។
លោក កៅ គឹមហួន បានមានប្រសាសន៍ឲ្យដឹងថា ជាលទ្ធផលនៃកិច្ចប្រជុំកំពូលអាស៊ាន-ចិន លើកទី២៤ ប្រមុខរដ្ឋាភិបាលអាស៊ាន-ចិន បានអនុម័តទៅលើឯកសារចំនួន៣ និងធ្វើការកត់សម្គាល់ទៅលើឯកសារចំនួន២ ។
ការអនុម័តទៅលើឯកសារចំនួន៣រួមមានទី១-សេចក្ដីប្រកាសរួមនៅក្នុងកិច្ចប្រជុំកំពូលអាស៊ាន-ចិនដើម្បីអបអរសាទរខួបអនុស្សាវរីយ៍លើកទី៣០ នៃទំនាក់ទំនងដៃគូសន្ទនាអាស៊ាន-ចិន។ ទី២- សេចក្ដីប្រកាសរួមអាស៊ាន-ចិនស្ដីពីកិច្ចសហប្រតិបត្តិការក្រោមក្របខ័ណ្ឌអាស៊ានស្ដារឡើងវិញគ្រប់ជ្រុងជ្រោយ និងទី៣- សេចក្ដីប្រកាសរួមអាស៊ាន-ចិន ស្ដីពីការពង្រឹងការអនុវត្តបៃតងនិងប្រកបដោយចីរភាព ។ ឯកសារចំនួន២ ដែលធ្វើការកត់សម្គាល់រួមមានទី១-វឌ្ឍនភាពស្ដីពីការអនុវត្ត ផែនការសកម្មភាពដើម្បីអនុវត្តជាភាពជាដៃគូយុទ្ធសាស្ត្រអាស៊ាន-ចិន ដើម្បីសន្តិភាពនិងវិបុលភាពឆ្នាំ២០២១-២០២៥, ទី២- ឯកសារទស្សនទានស្តីពីការពង្រឹងកិច្ចសហប្រតិ បត្តិការបច្ចេកទេសរបស់ចិនជាមួយអាស៊ាន ។
លោកបានបន្តឲ្យដឹងថា ឆ្នាំនេះអាស៊ាន-ចិនបានធ្វើមិត្តជាមួយគ្នា៣០ឆ្នាំហើយ, ក្នុងរយៈពេល ៣០ឆ្នាំ ,ធ្វើជាដៃគូសន្ទនារយៈ ២៥ឆ្នាំ ,ដៃគូយុទ្ធសាស្ត្រ ១៨ឆ្នាំ ។ អ្វីដែលសំខាន់ ប្រមុខរដ្ឋាភិបាលអាស៊ាន-ចិនបានឯកភាពដំឡើងភាពជាដៃគូនេះពីដៃគូយុទ្ធសាស្ត្រទៅជាដៃគូយុទ្ធសាស្ត្រគ្រប់ជ្រុងជ្រោយហើយប្រមុខរដ្ឋាភិបាលអាស៊ាន-ចិន បានឯកភាពគ្នា នឹងមានកិច្ចប្រជុំដើម្បីប្រារព្ធខួបអនុស្សាវរីយ៍លើកទី៣០ នៃទំនាក់ទំនងដៃគូសន្ទនាអាស៊ាន-ចិន នៅខែក្រោយ ។ ក្នុងរយៈពេល៣០ឆ្នាំកន្លងមកនេះ ចិនបានក្លាយជាប្រទេស មានពាណិជ្ជកម្មធំជាងគេជាមួយអាស៊ាន ហើយវិនិយោគក៏មានច្រើនជាងគេដែរ ។ ចិនបានក្លាយជាប្រភពទី៤ នៃវិនិយោគក្នុងប្រទេសអាស៊ានផងដែរ ។
ប្រមុខរដ្ឋាភិបាលអាស៊ានបានអបអរសាទរ និងចាត់ទុកឆ្នាំ២០២១ នេះ ជាឆ្នាំកិច្ចសហប្រតិបត្តិការការអភិវឌ្ឍដោយចីរភាពអាស៊ាន-ចិន ។ លើសពីនេះទៀតប្រមុខរដ្ឋាភិបាលអាស៊ានបានថ្លែងអំណរគុណដល់លោកនាយករដ្ឋមន្ត្រីចិនដែលបានផ្ដល់នូវការគាំទ្រជាច្រើនជាពិសេសការផ្តលវ៉ាក់សាំងដល់បណ្ដាប្រទេសអាស៊ានផ្ដល់ការគាំទ្រក្នុងការកសាង សហគមន៍អាស៊ាន បន្តគាំទ្រដល់សមាហរណកម្មអាស៊ាន ហើយជាពិសេសទៀតគឺបន្តធ្វើយ៉ាងណាគាំទ្រដល់កិច្ចសហប្រតិបត្តិការជាច្រើនវិស័យជាពិសេសទៀតនោះគឺលោក នាយករដ្ឋមន្ត្រីចិនបានលើកឡើងដោយធ្វើយ៉ាងណាកសាងសម្ព័ន្ធភាពនិងកិច្ចសហការលើវិស័យសុខាភិបាល ហើយនឹងបន្តពង្រឹងនិងពង្រីកសមាហរណកម្មសេដ្ឋកិច្ចជាមួយគ្នា ។ជាពិសេសទៀតក្នុងការលើកតម្កើងក្នុងការអភិវឌ្ឍដើម្បីគាំទ្រគ្នាទៅវិញទៅមកហើយនឹងបន្តគាំទ្រលើនវានុវត្តទាំងសងខាងផងដែរនឹងបន្តជំរុញកិច្ចសហការបៃតង។លើសពីនេះ ទៀតភាគីចិននឹងបង្កើនថវិកាចំនួន ១០លានដុល្លារទៀតទៅក្នុងមូលនិធិកិច្ចសហប្រតិបត្តិការអាស៊ាន-ចិន ជាពិសេសដើម្បីជំរុញការគាំទ្រដល់និស្សិតពីអាស៊ានទៅសិក្សានៅ ប្រទេសចិន ។ ជារួមកិច្ចប្រជុំទទួលបានលទ្ធផលជាច្រើនហើយភាគីទាំង២ ក៏បានផ្លាស់ប្ដូរយោបល់គ្នាជុំវិញសមុទ្រចិនខាងត្បូងបន្តជំរុញកិច្ចសហប្រតិបត្តិការនិងការបន្តចរចា ទៅមុខទៀតពាក់ព័ន្ធនឹង COC ៕
អត្ថបទ៖ ណារី
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ក្រុមហ៊ុន អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ
ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត