ចាប់បានមេខ្លោងជួញដូរគ្រឿងញៀនជនជាតិឡាវ ដែលបានទម្លុះពន្ធនាគាររត់ នោះហើយ
Connect with us

ព័ត៌មានជាតិ

ចាប់បានមេខ្លោងជួញដូរគ្រឿងញៀនជនជាតិឡាវ ដែលបានទម្លុះពន្ធនាគាររត់ នោះហើយ

បានផុស

នៅ

សមត្ថកិច្ចខេត្តស្ទឹងត្រែង ចាប់បានមេខ្លោងជួញដូរគ្រឿងញៀន ជនជាតិឡាវ ដែលត្រូវផ្ដន្ទាទោសអស់មួយជីវិត ដែលបានទម្លុះពន្ធនាគាររត់ នោះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរដ្ឋបាលខេត្តស្ទឹងត្រែង លោក ម៉ែន គង់ មានប្រសាសន៍ប្រាប់ “កម្ពុជាថ្មី” នៅរសៀលថ្ងៃទី ១២ ខែវិច្ឆិកា នេះថា មកដល់ពេលនេះ សមត្ថកិច្ចបានស្រាវជ្រាវចាប់អ្នកទោសទម្លុះពន្ធនាគារបានចំនួន ៤នាក់ហើយ ដោយសារយប់មិញ សមត្ថិកិច្ចចាប់បានបន្ថែមម្នាក់ទៀត ជាជនជាតិឡាវ។

លោក ម៉ែន គង់ មានប្រសាសន៍បន្តថា អ្នកទោសជនជាតិឡាវនោះបានរត់ចេញពីភូមិសាស្ត្រតំបន់គោលដៅ ហើយគាត់ឆ្ពោះទៅតំបន់ព្រំដែនឡាវ។ ដូចនេះមកដល់ពេលនេះ សមត្ថកិច្ចយើងចាប់បាន ៤នាក់ហើយ គឺជនជាតិខ្មែរ ២នាក់ និងជនជាតិឡាវ ២នាក់។ សម្រាប់គោលដៅបន្តទៀត គឺក្រុមការងារកំពុងបន្តស្រាវជ្រាវ។

គួរបញ្ជាក់ថា អ្នកទោសដែលត្រូវបានចាប់ឃាត់ខ្លួនមកវិញចុងក្រោយនេះ គឺជាជនជាតិឡាវ ឈ្មោះ ចាក់លី ចឺតាលី ដែលមានទោសជាប់ពន្ធនាគារមួយជីវិត ពាក់ព័ន្ធនឹងជំនួញគ្រឿងញៀន។  

គួររំលឹកថា ទណ្ឌិតចំនួនប្រាំពីរនាក់ដែលរត់គេចខ្លួនពីពន្ធនាគារកាលពីទៀបភ្លឺថ្ងៃទី ៨ ខែវិច្ឆិកាកន្លងមកនោះ ត្រូវកម្លាំងសមត្ថកិច្ចឡោមព័ទ្ធចាប់បានចំនួនបីនាក់មកវិញហើយ។ គឺនៅភូមិសាស្ត្រស្រុកថាឡាបរិវ៉ាត់។ អ្នកទោសដែលចាប់ខ្លួន បានមកវិញនៅថ្ងៃទី ១០ ខែវិច្ឆិកានេះ មានឈ្មោះ វ៉ាន់តូ ជនជាតិខ្មែរ និងឈ្មោះ ភីតងិន ជាជនជាតិឡាវ។ ដោយឡែកកាលពេលព្រលប់ថ្ងៃទី ៩ ខែវិច្ឆិកា សមត្ថកិច្ចចាប់ខ្លួនបានម្នាក់ឈ្មោះ ទូច វ៉ាត់ ជនជាតិខ្មែរ។
សរុបមក ទណ្ឌិតទាំង ៤ នាក់ដែលចាប់បានមកវិញនោះ ជាប់ចោទពីបទជួញដូរដោយខុសច្បាប់នូវសារធាតុញៀន។ ដោយឡែក ទណ្ឌិត ៣ នាក់ទៀតក្នុងបទល្មើសផ្សេងគ្នាពុំទាន់ចាប់ខ្លួនបាននៅឡើយទេ។ សមត្ថកិច្ចកំពុងបន្តដាក់កម្លាំងនៅតាមគោលដៅសំខាន់ៗដើម្បីចាប់ខ្លួនពួកគេដែលរត់គេចនៅសេសសល់មកទទួលទោសវិញ៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២១ នាទី មុន

យុវជន​​ជប៉ុន​​ប្តឹង​​​​ម្ចាស់​​រោង​​ចក្រ​​នុយក្លេអ៊ែរ Fukushima​ ព្រោះ​​កើត​​មហារីក​

ជីវិតកម្សាន្ដ២៦ នាទី មុន

Seungri អតីតសមាជិកក្រុម Big Bang ត្រូវតុលាការបន្ថយទោស ពី ៣ ឆ្នាំ មកត្រឹម ១៨ ខែវិញ

នយោបាយ៣៣ នាទី មុន

លោក ប្រាក់ សុខុន ៖ កម្ពុជា និងអាល្លឺម៉ង់ ទើបតែសម្រេចបានសេចក្តីប្រកាសរួមស្តីពីការពិគ្រោះយោបល់ទ្វេភាគី

ព័ត៌មានជាតិ៣៩ នាទី មុន

ប្រធានគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ ជួបពិភាក្សាការងារ ដើម្បីកសាងភាពជឿទុកចិត្តគ្នា

ព័ត៌មានជាតិ៥១ នាទី មុន

អភិបាលខេត្តព្រះសីហនុ ស្នើសេវាកម្មស្នាក់នៅ និងអាហារ កុំដំឡើងថ្លៃនៅថ្ងៃបុណ្យចូលឆ្នាំចិន

Sokha Hotels

ព័ត៌មានពេញនិយម