ព័ត៌មានជាតិ
លោក ឈាង វុន នឹងឡើងជាប្រធានគណៈកម្មការទី ២ ក្រោយលោក ជាម យៀប ទៅអនុប្រធានទី ១ រដ្ឋសភា
តាមប្រភពព័ត៌មានច្បាស់ការមួយ បានបង្ហើបថា ក្រោយពីលោកបណ្ឌិត ងួន ញ៉ិល បានទទួលមរណភាព សម្តេច តេជោ ហ៊ុន សែន ក្នុងនាមជាប្រធានគណបក្សប្រជាជនកម្ពុជា កាលពីថ្ងៃទី ១១ ខែវិច្ឆិកា ឆ្នាំ ២០២១ បានដាក់លិខិតទៅសម្តេចអគ្គមហាពញាចក្រី ហេង សំរិន ប្រធានរដ្ឋសភា ដើម្បីស្នើសុំដាក់បេក្ខភាពអនុប្រធានទី ១ រដ្ឋសភា និងបានស្នើសុំផ្លាស់ប្តូរសមាសភាព នៅក្នុងគណៈកម្មការមួយចំនួន របស់រដ្ឋសភាផងដែរ។
បើតាមប្រភពនោះ សម្តេចតេជោនាយករដ្ឋមន្ត្រី បានស្នើសុំផ្លាស់ប្តូរសមាសភាពមួយចំនួន ដូចជា៖
ទី១- ជ្រើសតាំងលោកបណ្ឌិតរដ្ឋ ជាម យៀប ជាអនុប្រធានទី ១ រដ្ឋសភា ជំនួសលោកបណ្ឌិត ងួន ញ៉ិល។
ទី២- ជ្រើសតាំងលោក ឈាង វុន ជាប្រធានគណៈកម្មការទី ២ (គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម) ជំនួសលោកបណ្ឌិត ជាម យៀប។
ទី៣- ជ្រើសតាំងលោក សួស យ៉ារ៉ា ជាប្រធានគណៈកម្មការទី ៥ (គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន) ជំនួសលោក ឈាង វុន។
ទី៤- ជ្រើសតាំងលោក នឹម ច័ន្ទតារា ជាអនុប្រធានគណៈកម្មការទី ៥ (គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន) ជំនួសលោក សួស យ៉ារ៉ា។
ទី៥- ជ្រើសតាំងលោក ទី សុគន្ធ ជាលេខាធិការគណៈកម្មការទី ៥ (គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន) ជំនួសលោក នឹម ច័ន្ទតារា។
ទី៦- ជ្រើសតាំងលោក ជៀប ស៊ីវន ជាសមាជិកគណៈកម្មការទី ៥ (គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន) ជំនួសលោក ទី សុគន្ធ។
គួររំលឹកថា ការស្នើសុំផ្លាស់ប្តូរសមាសភាពខាងលើនេះ បានធ្វើឡើងបន្ទាប់ពីលោកបណ្ឌិត ងួន ញ៉ិល អតីតអនុប្រធានទី ១ នៃរដ្ឋសភា បានទទួលមរណភាព ដោយរោគាពាធ កាលពីថ្ងៃទី ៥ ខែវិច្ឆិកា ឆ្នាំ ២០២១ ហើយតាមនីតិវិធី ក្រោយពីទទួលបានការស្នើសុំពីតំណាងគណបក្ស គណៈកម្មាធិការអចិន្ត្រៃយ៍រដ្ឋសភា នឹងបើកកិច្ចប្រជុំនៅថ្ងៃទី ២២ ខែវិច្ឆិកា ឆ្នាំ ២០២១ខាងមុខនេះ ដើម្បីពិភាក្សា និងពិនិត្យលើសំណើស្នើសុំនេះ៕
អត្ថបទ៖ កោះកែវ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ