ព័ត៌មានជាតិ

ស្ត្រីម្នាក់តែងតែដោះខ្សែក ក្មេងៗនៅតាមផ្សារ ត្រូវនគរបាលឃាត់ខ្លួន

បានផុស

៣ years មុន

នៅ

ថ្ងៃសៅរ៍ ៥ ធ្នូ ២០២០

ដោយ

សមត្ថកិច្ចបានឲ្យដឹងថា បន្ទាប់ពីកម្លាំងនគរបាលទទួលបានបណ្តឹងរបស់ជនរងគ្រោះ កម្លាំងនគរបាលមូលដ្ឋាននៃក្រុងសៀមរាប បានសហការគ្នាស្រាវជ្រាវរហូតឈានដល់ឃាត់ខ្លួនស្ត្រីជនសង្ស័យម្នាក់ ដោយជាប់ពាក់ព័ន្ធនឹងករណីលួចដោះខ្សែក ក្មេងៗនៅតាមផ្សារនសខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រី ភឹង ចិន្តារ៉េត ស្នងការរងខេត្តសៀមរាប បានឲ្យដឹងថា កម្លាំងនគរបាលមូលដ្ឋាននៃក្រុងសៀមរាប បានឃាត់ខ្លួន ជនសង្ស័យឈ្មោះ ផន ឌី ភេទស្រី អាយុ៣២ឆ្នាំស្នាក់នៅភូមិទ្រាំងសង្កាត់ស្លក្រាម ពាក់ព័ន្ធករណីអំពើលួច(លួចខ្សែក)។ លោកបានបន្តថា ករណីលួចដោះខ្សែក កូនក្មេងនេះ បានកើតឡើងកាលពីថ្ងៃទី០៧ ខែវិច្ឆិកាឆ្នាំ ២០២០ នៅចំណុចតូបលក់ចានឆ្នាំង(ផ្សារក្រោម)ភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប។ ដោយជនសង្ស័យ បានជិះម៉ូតូម៉ាកហុងដាឌ្រីមសេរីឆ្នាំ២០២០ ពាក់ស្លាកលេខសៀមរាប1AJ-8333 លួចដោះខ្សែ.ក ប្លាទីន ទម្ងន់៥៥៦លី តំលៃ៤១៨ដុល្លារ ពីកុមារឈ្មោះ ហាក់ សៅឧត្តម អាយុ៤ឆ្នាំ ដែលជាកូនរបស់ជនរងគ្រោះឈ្មោះ រ័ត្ន សៅសីហា ភេទប្រុស អាយុ៣៧ឆ្នាំ រស់នៅភូមិកើតហេតុខាងលើ ខណៈពេលដែលជនរងគ្រោះរវល់លក់ ហើយទុកកូននៅលេងម្នាក់ឯង។

លើសពីនេះលោកបានបន្តថា ក្រោយពីទទួលពាក្យបណ្តឹងសមត្ថកិច្ចបានចុះទៅកន្លែងកើតហេតុ និងស្រាវជ្រាវព្រមទាំងឆែកកាមេរ៉ា សុវត្ថិភាពក៏ឃើញសកម្មភាពជនសង្ស័យខាងលើរួមទាំងម៉ូតូជនសង្ស័យ ហើយយើងក៏បានផ្សព្វផ្សាយតាមបណ្តាប៉ុស្តិ៍ជួយស្រាវជ្រាវ។ លោកក៏បានបន្ថែមទៀតថា ជាក់ស្តែងកាលពីថ្ងៃទី០៤ ខែធ្នូ ឆ្នាំ២០២០កម្លាំងនគរបាលមូលដ្ឋាននៃក្រុងសៀមរាប បានប្រទះឃើញជនសង្ស័យនិងម៉ូតូ ដែលជនសង្ស័យកំពុងជិះធ្វើសកម្មភាពនៅចំណុចផ្សារដើមក្រឡាញ់ ក្នុងភូមិត្រពាំងសេះ សង្កាត់គោកចក ក្រុងសៀមរាប។ គ្រានោះកម្លាំងសមត្ថកិច្ចបាននាំជនសង្ស័យខាងលើមកសួរនាំ ហើយក្រោយពីសួរនាំជនសង្ស័យបានសារភាពថា ខ្លួនពិតជាបានលួចខ្សែ.ក របស់កូនជនរងគ្រោះពិតមែន។ ដោយឡែកវត្ថុតាង(ខ្សែក)ជនសង្ស័យ បានយកឲ្យបក្ខខ្លួនជាមនុស្សស្រី(មិនស្គាល់ឈ្មោះនឹងទីលំនៅ)។ បច្ចុប្បន្នកម្លាំងនគរបាលជំនាញកំពុងកសាងសំណុំរឿង បញ្ជូនខ្លួនជនសង្ស័យទៅតុលាការដើម្បីចាត់ការតាមផ្លូវច្បាប់៕

អត្ថបទ៖ កុសល

សូមចុចអាន៖ ចុះបង្រ្កាបបទល្មើសនេសាទ រឹបអូសសម្ភារះល្មើសជាច្រើន

Related Topics:ឃាត់ខ្លួន