ព័ត៌មានជាតិ

កម្ពុជាស្នើភាគីថៃអនុញ្ញាតឱ្យពលរដ្ឋខ្មែរចេញចូលព្រំដែន ៣.០០០ នាក់ក្នុងមួយថ្ងៃ

បានផុស

៤ years មុន

នៅ

ថ្ងៃព្រហស្បតិ៍ ២៥ វិច្ឆិកា ២០២១

ដោយ

ភាគីកម្ពុជានិងភាគីថៃបានជួបប្រជុំពិភាក្សាគ្នានៅស្នាក់ការអន្តរជាតិក្លងលឹក ក្នុងស្រុកអារ័ញ្ញ ខេត្តស្រះកែវ ប្រទេសថៃ នៅរសៀលថ្ងៃទី២៥ ខែវិច្ឆិកា ឆ្នាំ២០២១ ផ្តោតលើការ បើកច្រកអន្តរជាតិនិងច្រកតំបន់ក្នុងភូមិសាស្គ្រខេត្តបន្ទាយមានជ័យនិងខេត្តបាត់ដំបង ជាប់ខេត្តស្រះកែវប្រទេសថៃ។

ភាគីកម្ពុជាបានស្នើសុំឲ្យពលរដ្ឋចេញចូល ១ ថ្ងៃចំនួន ៣.០០០នាក់ចាប់ពីម៉ោង៦ព្រឹកដល់ម៉ោង១០យប់។ ក្នុងកិច្ចពិភាក្សានោះភាគីកម្ពុជាមានលោក អ៊ុំ រាត្រីអភិបាលខេត្តបន្ទាយ មានជ័យ និង លោក សុខ លូ អភិបាលខេត្តបាត់ដំបងចំណែកភាគីថៃលោក បរិនបញ្ញា ភោធិសាធ អភិបាលខេត្តស្រៈកែវ និងមន្ត្រីរាជការកងកម្លាំងប្រដាប់អាវុធពាក់ព័ន្ធមួយចំនួន។ ក្នុងកិច្ចពិភាក្សានោះភាគីកម្ពុជាបានស្នើសុំឱ្យពលរដ្ឋចេញចូល១ថ្ងៃចំនួន ៣.០០០នាក់ចាប់ ពីម៉ោង៦ព្រឹកដល់ម៉ោង១០យប់។

ដោយឡែកចំពោះអ្នកអូសរទេះ១ថ្ងៃអនុញ្ញាតសុំចំនួន៣០០ជើងក្នុង១រទេះអនុញ្ញាត ៦ នាក់ តែត្រូវអនុវត្តតាមការណែនាំរបស់ក្រសួងសុខាភិបាល។ ចំពោះពលករដែលមាន Border Pass ឬប័ណ្ណឆ្លងព្រំដែនត្រូវអនុញ្ញាតរយៈពេល៣ខែចំនួន ៩០ថ្ងៃដែលធ្វើកសិកម្មតាមបន្ទាត់ព្រំដែន។

ក្នុងកិច្ចពិភាក្សានោះទោះជាភាគីកម្ពុជាស្នើសុំយ៉ាងនេះក៏ដោយភាគីថៃបានត្រឹមទទួលយកសំណើដើម្បីស្នើសំទៅរាជរដ្ឋាភិបាលថៃដើម្បីសម្រេចនៅពេលក្រោយ។ចំពោះច្រកព្រំដែនដែលស្នើសុំបើកគឺខេត្តបន្ទាយមានជ័យច្រកអន្តរជាតិប៉ោយប៉ែត ច្រកតំបន់ម៉ាឡៃ និង បឹងត្រកួន និង ខេត្តបាត់ដំបង ច្រកអន្តរជាតិគីឡូ១៣ ស្រុកសំពៅលូនឈម ភាគីថៃច្រកខៅឌិន ស្រុកក្លងហាត ខេត្តស្រះកែវ៕

ដោយ ៖ ណារី