ពលរដ្ឋទីទាល់ក្រចំនួន ៣៥គ្រួសាររបានទទួលគ្រឿងឧបភោគ បរិភោគពីមូលនិធិសប្បុរសធម៌ឆឺជីកម្ពុជា

ប្រជាពលរដ្ឋមានជីវភាពក្រលំបាកចំនួន ៣៥គ្រួសារនៅក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ បានទទួលគ្រឿងឧបភោគ បរិភោគពីមូលនិធិសប្បុរសធម៌ឆឺជីកម្ពុជា ដោយសហការជាមួយ នាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទានៅព្រឹកថ្ងៃអាទិត្យ ៩រោច ខែកត្តិក ឆ្នាំឆ្លូវ ត្រី ស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែវិច្ឆិកា ឆ្នាំ២០២១។

ពិធីនេះប្រព្រឹត្តទៅក្រោមអធិបតីភាពលោក តូច ចាន់នី អគ្គនាយក នៃអគ្គនាយកដ្ឋានបច្ចេកទេស តំណាងដ៏ខ្ពង់ខ្ពស់ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ដោយមានការចូលរួមពីលោក ហួត លាភពិសិដ្ឋ អភិបាលរង នៃគណអភិបាលខណ្ឌព្រែកព្នៅ លោក ឈួរ សុបញ្ញា ប្រធាននាយកដ្ឋាន និងបុគ្គលិកតំណាងមូលនិធិសប្បុរសធម៌ឆឺជីកម្ពុជាមួយចំនួន។

ប្រជាពលរដ្ឋមានជីវភាពក្រលំបាកទាំង ៣៥គ្រួសារដែលទទួលអំណោយខាងលើដោយក្នុងមួយគ្រួសារទទួលបានអង្ករចំនួន ២០គ.ក មី ១កេះ នំបុ័ង ១ថង់ធំ និងម៉ាស ១ប្រអប់ ផងដែរ៕

អត្ថបទ៖ វិមាន