Connect with us

ព័ត៌មានជាតិ

លោក ហ៊ុន ម៉ានី៖ ការចូលទិវង្គតរបស់សម្តេចក្រុមព្រះ ជាការបាត់បង់ឥស្សរជនក្នុងព្រះរាជវង្សានុវង្សដ៏ឆ្នើមមួយព្រះអង្គ

បានផុស

នៅ

លោក ហ៊ុន ម៉ានី ប្រធានគណៈកម្មការ អប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ ដែលជាគណៈកម្មការទី៧ នៃរដ្ឋសភា និងអ្នកតំណាងរាស្រ្តមណ្ឌលខេត្តកំពង់ស្ពឺ បានចូលរួមរំលែកទុក្ខចំពោះការយាងចូលទិវង្គតរបស់សម្តេចក្រុមព្រះ នរោត្តម រណឬទ្ធិ។ ជាមួយនឹងការចូលរួមរំលែកទុក្ខនេះ លោកហ៊ុន ម៉ាលី ក៏បានចាត់ទុកការយាងចូលទិវង្គតរបស់សម្តេចក្រុមព្រះនេះ ថាជាការបាត់បង់ឥស្សរជនក្នុងព្រះរាជវង្សានុវង្សដ៏ឆ្នើមមួយព្រះអង្គ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈទំព័រហ្វេសប៊ុកនៅថ្ងៃចន្ទនេះ លោក ហ៊ុន ម៉ានី បានសរសេរដូច្នេះថា៖«ទូលព្រះបង្គំ សូមសម្តែងនូវព្រះមរណទុក្ខយ៉ាងក្រៀមក្រំជាមួយ ព្រះអង្គម្ចាស់ក្សត្រីយ៍ នរោត្តម ម៉ារី រណឬទ្ធិ និងព្រះរាជបុត្រា បុត្រីគ្រប់ព្រះអង្គ ចំពោះការយាងចូលទិវង្គត របស់សម្តេចក្រុមព្រះ នរោត្តម រណឬទ្ធិ ព្រះប្រធានក្រុមឧត្តមប្រឹក្សាព្រះមហាក្សត្រ កាលពីព្រឹកថ្ងៃទី២៨ ខែវិច្ឆិកា ឆ្នាំ២០២១ នៅសាធារណរដ្ឋបារាំង»។

លោកបានបន្តទៀតថា៖«ក្នុងបរិយាកាសដ៏សែនវិយោគនេះ ទូលព្រះបង្គំ និងក្រុមគ្រួសារ សូមសម្តែងនូវសាមានចិត្តថ្វាយសម្តេចព្រះអង្គម្ចាស់ក្សត្រីយ៍ និងព្រះរាជបុត្រា បុត្រីគ្រប់ព្រះអង្គ ចំពោះការបាត់បង់ព្រះស្វាមី ព្រះបិតា និងព្រះអយ្យកោ និងជាឥស្សរជនក្នុងព្រះរាជវង្សានុវង្សដ៏ឆ្នើមមួយព្រះអង្គ។ ទូលបង្គំ សូមបួងសួងឧទ្ទិសព្រះមហារាជកុសល ថ្វាយដួងព្រះវិញ្ញាណក្ខ័ន្ធ សម្តេចក្រុមព្រះ សូមព្រះអង្គបានយោនយោគកំណើតក្នុងឋានព្រះបរមសុខ កុំបីឃ្លៀងឃ្លាតឡើយ»។

សូមជម្រាបជូនថា សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ្វ៊ុនស៊ិនប៉ិចបានយាងសោយព្រះទិវង្គត ក្នុងព្រះជន្ម ៧៧ ព្រះវស្សា នាសាធារណរដ្ឋបារាំង វេលាម៉ោង៣ និង៤០នាទី ម៉ោងនៅទីក្រុងភ្នំពេញ ថ្ងៃទី២៨ ខែវិច្ឆិកា ឆ្នាំ២០២១ ដោយព្រះជរាពាធ។ ព្រះអង្គប្រសូតនៅថ្ងៃទី០២ ខែមករា ឆ្នាំ១៩៤៤ នារាជធានីភ្នំពេញ។ ទ្រង់ជាព្រះរាជបុត្រានៃព្រះករុណា ព្រះបាទ សម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ  និងអ្នកម្នាង ផាត់ កាញ៉ុល នាដការីនៃរបាំព្រះរាជទ្រព្យ។

គណបក្សហ៊្វុនស៊ិនប៉ិច បានបញ្ជាក់ឱ្យដឹងថា ព្រះសព សម្តេចក្រុមព្រះ នរោត្តម រណឫទ្ធិ នឹងត្រូវយាងដង្ហែពីប្រទេសបារាំងមកកាន់ប្រទេសកម្ពុជាក្នុងពេលដ៏ខ្លីខាងមុខនេះ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ នាទី មុន

បបែល​យក្ស​ជាង​មួយរយ​គីឡូ​មួយ​ក្បាល​ទៀតហើយ​ត្រូវបាន​អ្នកនេសាទ​ចាប់បាន

ព័ត៌មានជាតិ១ ម៉ោង មុន

សម្តេច​ ហ៊ុន សែន ៖ សង្គ្រាម​​រុស្ស៊ី​-​អ៊ុយ​ក្រែ​ន ​មិន​ត្រឹម​​​បន្ទច់បង្អាក់​​​ការ​ងើប​ឡើងវិញ​នៃ​ស្ថានភាព​សង្គម​-​សេដ្ឋកិច្ច​​ទេ តែ​អាច​ជះឥទ្ធិពល​ដល់ សង្គម​-​សេដ្ឋកិច្ច និង​ភូមិសាស្ត្រ​នយោបាយ​រយៈពេល​វែង​

ព័ត៌មានជាតិ១ ម៉ោង មុន

លោក​បណ្ឌិត ហ៊ុន ម៉ា​ណែ​ត ប្រៀបធៀប​ការ​ជ្រើសរើស​បក្ស​នយោបាយ​ដើម្បី​ដឹកនាំ​ប្រទេស ទៅនឹង​ដំណើរ​ការកសាង​សំណង់​អគារ

ព័ត៌មានជាតិ២ ម៉ោង មុន

រដ្ឋបាលរាជធានី ត្រៀមបើកការដ្ឋានសាងសង់ស្ថានីយ ប្រព្រឹត្តកម្មសំណល់ភក់បង្គន់ ថ្ងៃស្អែក

ព័ត៌មានជាតិ២ ម៉ោង មុន

កិច្ចសហប្រតិបត្តិការរវាងរាជធានីភ្នំពេញ និងសមាគម AIMF នឹងជួយលើកកម្ពស់ដល់ជីវភាពពលរដ្ឋ

Sokha Hotels

ព័ត៌មានពេញនិយម