ព័ត៌មានជាតិ
រដ្ឋបាលស្រុកថ្មគោល ពិនិត្យករណីទន្ទ្រានដីព្រៃលិចទឹក រកឃើញពលរដ្ឋអាស្រ័យខុសច្បាប់ ៥១,៥ ហិកតា
ដីព្រៃលិចទឹក ៥១,៥ ហិកតា ក្នុងតំបន់ ៣ នៅក្នុងខេត្តបាត់ដំបង ត្រូវប្រជាពលរដ្ឋចំនួន ១២ គ្រួសារបានទន្ទ្រានយកមកធ្វើកម្មសិទ្ធិខុសច្បាប់។
រដ្ឋបាលស្រុកថ្មគោលអំពាវនាវដល់ប្រជាពលរដ្ឋឲ្យបញ្ឈប់ការបន្តសកម្មភាពទន្ទ្រានលើដីព្រៃលិចទឹកខណះដែលពលរដ្ឋខ្លះមិនទាន់បានដឹងអំពីព័ត៌មានតាមបណ្តាញសង្គម។ ការអំពាវនាវរបស់រដ្ឋបាលស្រុកនេះ បានធ្វើឡើងស្របពេលដែលលោក ជា .សម្បត្តិ អភិបាលនៃគណៈអភិបាលស្រុក និងជាប្រធានគណៈបញ្ជាការឯកភាពស្រុក បានដឹកនាំក្រុមការងារចុះពិនិត្យនិងកំណត់មុខសញ្ញាអ្នកទន្ទ្រានដីព្រៃលិចទឹកនៅថ្ងៃទី ០៣ ខែធ្នូម្សិលមិញ។
រដ្ឋបាលស្រុកបានឲ្យដឹងថា ការចុះពិនិត្យលើករណីខាងលើ បានធ្វើឡើងទៅលើគោលដៅចំនួន០៣រួមមាន ស្ថិតក្នុងភូមិសាស្ត្រឃុំតាម៉ឺន ដឹកនាំដោយលោកជា សម្បត្តិអភិបាលនៃគណៈអភិបាលស្រុក។ គោលដៅទី២ដឹ កនាំដោយលោក ហ៊ីង ប៊ុនថាន់ អភិបាលរងស្រុកដឹកនាំក្រុមការងារចុះពិនិត្យ និងកំណត់មុខសញ្ញាអ្នកទន្ទ្រានដីព្រៃលិចទឹក ស្ថិតក្នុងភូមិសាស្ត្រឃុំជ្រោយស្តៅ។ គោលដៅទី៣ដឹកនាំដោយលោក ស៊ូ ណារ៉ាត អភិបាលរងស្រុកដឹកនាំក្រុមការងារចុះពិនិត្យ និងកំណត់មុខសញ្ញាអ្នកទន្ទ្រានដីព្រៃលិចទឹក និងចុះកំណត់បង្គោលព្រំដីស្ថិតក្នុងភូមិសាស្ត្រឃុំតាពូង។
ចំណែកលោក ភួង ស៊ីល្យា អភិបាលរងស្រុកដឹកនាំក្រុមការងារចុះពិនិត្យ និងកំណត់មុខសញ្ញាអ្នកទន្ទ្រានដីព្រៃលិចទឹក និងបានធ្វើការហាមឃាត់ប្រជាពលរដ្ឋចំនួន ១២ គ្រួសារ ដែលបានអាស្រ័យផលលើដីតំបន់ ៣ សរុបចំនួន ៥១.៥ ហិកតាស្ថិតក្នុងភូមិសាស្ត្រឃុំបឹងព្រីង។ ដោយឡែក ៣ ឃុំខាងលើនៅមិនទាន់សរុបលើផ្ទៃដី ដែលពលរដ្ឋបានទន្ទ្រាន និងអាស្រ័យផលនៅឡើយរហូតមកដល់ថ្ងៃទី ០៤ ខែធ្នូនេះ៕
អត្ថបទ៖ សៅ សារិទ្ធ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)