ព័ត៌មានជាតិ
JICA សហការផ្តល់បច្ចេកទេសសម្រាប់គម្រោង ទីក្រុងឆ្លាតវៃ ជាមួយ រដ្ឋបាលខេត្តសៀមរាប
ទីភ្នាក់ងារសហប្រតិបត្តិការអន្តរជាតិជប៉ុនប្រចាំនៅ កម្ពុជា (JICA) និងរដ្ឋបាលខេត្តសៀមរាប បានឈានដល់ការចុះហត្ថលេខាលើកំណត់ត្រានៃកិច្ចពិភាក្សានៃការអនុវត្តគម្រោងកិច្ចសហប្រតិបត្តិការបច្ចេកទេសសម្រាប់គម្រោងទីក្រុងឆ្លាតវៃ។
ពិធីចុះហត្ថលេខាលើកំណត់ត្រានៃកិច្ចពិភាក្សា នៃការអនុវត្តគម្រោងកិច្ចសហប្រតិបត្តិការបច្ចេកទេសសម្រាប់គម្រោងទីក្រុងឆ្លាតវៃ រវាងទីភ្នាក់ងារសហប្រតិបត្តិការអន្តរជាតិជប៉ុន ប្រចាំនៅកម្ពុជា ដោយលោកស្រី Kamei Haruko និង រដ្ឋបាលខេត្តសៀមរាបដោយ លោក ទៀ សីហា អភិបាលខេត្ត នាព្រឹកថ្ងៃទី ៨ ខែធ្នូ ឆ្នាំ ២០២១ នេះនៅសាលាខេត្តសៀមរាប។
ទីភ្នាក់ងារសហប្រតិបត្តិការអន្តរជាតិជប៉ុន (JICA) បានទទួលយកសំណើរបស់រដ្ឋបាលខេត្តសៀមរាប ដើម្បីជួយរៀបចំក្រុងសៀមរាបឱ្យក្លាយជាទីក្រុងឆ្លាតវៃអាស៊ាន ក្នុងរយៈពេលជាងមួយឆ្នាំនៃការសិក្សាទិន្នន័យបឋមអំពីគម្រោងទីក្រុងឆ្លាតវៃក្នុងក្រុងសៀមរាបនេះ ក្រុមការងារបានរៀបចំជាសេចក្តីព្រាងផែនការមេចង្អុលផ្លូវគឺផ្តោតលើផ្នែកសំខាន់ៗចំនួន ៤ គឺ ការរៀបចំទេសចរណ៍ឆ្លាតវៃ (Smart Tourism), ការរៀបចំប្រព័ន្ធសន្តិសុខឆ្លាតវៃ (Smart Security), ការរៀបចំប្រព័ន្ធចល័តឆ្លាតវៃ (Smart Mobility) និងការរៀបចំប្រព័ន្ធ គ្រប់គ្រងកាកសំណល់ឆ្លាតវៃ (Smart Waste Management)។
លោក ទៀ សីហា មានសង្ឃឹមយ៉ាងមុតមាំថា តាមរយៈគម្រោងនេះនឹងធ្វើឱ្យសមត្ថភាពមន្រ្តីរបស់រដ្ឋបាលក្រុង និងខេត្តសៀមរាបត្រូវបានពង្រីកឱ្យបានកាន់តែស៊ីជម្រៅ ថែមទៀតពាក់ព័ន្ធទៅ នឹងបច្ចេកវិទ្យាទីក្រុងឆ្លាតវៃរួមជាមួយនឹងប្រព័ន្ធបច្ចេកវិទ្យា និងការគ្រប់គ្រងបែបឆ្លាតវៃនឹងពិតជាចូលរួមចំណែកអភិវឌ្ឍន៍ខេត្តសៀមរាបឱ្យបានកាន់តែល្អប្រសើរឡើងថែមទៀត។
លោកស្រី Kamei Haruko ប្រធានទីភ្នាក់ងារសហប្រតិបត្តិការអន្តរជាតិជប៉ុនប្រចាំនៅកម្ពុជា បានមានប្រសាសន៍ថា ខេត្តសៀមរាបជាខេត្តវប្បធម៌ប្រវត្តិសាស្ត្រនៃព្រះរាជាណាចក្រកម្ពុជា ដែលជាគោលដៅ ទេសចរណ៍ដ៏សំខាន់ ហើយនៅពេលខាងមុខនឹងធ្វើឱ្យក្រុងសៀមរាបក្លាយជាក្រុងគំរូក្នុងតំបន់អាស៊ានជាក្រុងឆ្លាតវៃ ប្រកបទៅ ដោយបច្ចេកវិទ្យាទីក្រុងឆ្លាតវៃរួម ជាមួយនឹងប្រព័ន្ធបច្ចេកវិទ្យា និងការគ្រប់គ្រងបែបឆ្លាតវៃនឹងពិតជាចូលរួមចំណែកអភិវឌ្ឍន៍ខេត្តសៀមរាប។
ខេត្តសៀមរាប ត្រូវបានដាក់បញ្ចូលទៅ ក្នុងសមាជិកនៃបណ្តាញទីក្រុងឆ្លាតវៃអាស៊ាន កាលពីឆ្នាំ ២០១៨ កន្លងទៅ រដ្ឋបាល ក្រុងសៀមរាបបានធ្វើការរៀបចំផែនការជាមួយនឹងការបង្កើនការចំណាយសាធារណៈក្នុងការវិនិយោគទៅ លើគម្រោងហេដ្ឋារចនាសម្ព័ន្ធក្នុងក្រុង ដើម្បីបង្កលក្ខណៈងាយស្រួលសម្រាប់ការធ្វើដំណើររបស់ប្រជាពលរដ្ឋការបង្កើនសោភណភាពក្នុងក្រុង ក៏ដូចជាចូលរួមក្នុងការអនុវត្តនូវផែនការអភិវឌ្ឍទីក្រុងឆ្លាតវៃអាស៊ានសម្រាប់ក្រុងសៀមរាប។
ដើម្បីសម្រេចបាននូវការកសាងទីក្រុងឆ្លាតវៃឱ្យស្របតាមផែនការទីក្រុងឆ្លាតវៃរបស់បណ្តាញទីក្រុងឆ្លាតវៃអាស៊ានរដ្ឋបាលខេត្តក៏បានរៀបចំជាសំណើដើម្បីដាក់ស្នើសុំជូនទៅ ទីភ្នាក់ងារសហប្រតិបត្តិការអន្តរជាតិជប៉ុនក្នុងការស្នើសុំគម្រោងកិច្ចសហប្រតិបត្តិការបច្ចេកទេស សម្រាប់រៀបចំទីក្រុងឆ្លាតវៃក្នុងក្រុងសៀមរាបឱ្យក្លាយជាទីក្រុងឆ្លាតវៃកាលពីឆ្នាំ ២០១៩ កន្លងទៅ ៕
អត្ថបទ៖ ណារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ