ព័ត៌មានជាតិ
ពលរដ្ឋ ២៨០ គ្រួសារ នៅស្រុកគាស់ក្រឡ ទទួលវិញ្ញាប័នបត្រកាន់កាប់ដីធ្លីស្របច្បាប់
ខេត្តបាត់ដំបង÷ ប្រជាពលរដ្ឋ ២៤០ គ្រួសារ បានថ្លែងអំណរគុណដល់សម្តេចតេជោហ៊ុន សែន ដែលបានចាត់ក្រុមការងារដោះស្រាយជូនប្រជាពលរដ្ឋ ដោយផ្តល់ដីធ្លីកាន់កាប់ស្របច្បាប់ ដើម្បីប្រកបមុខរបរចិញ្ចឹមគ្រួសារ។
ការថ្លែងអំណរគុណរបស់ប្រជាពលរដ្ឋ ខណះដែលលោក សុខ លូ អភិបាលខេត្តបាត់ដំបងនៅ ថ្ងៃទី១៥ខែធ្នូឆ្នាំ២០២១បានចុះចែកវិញ្ញាបនបត្រស្របច្បាប់ដល់ពលរដ្ឋស្ថិតក្នុងភូមិសំរោង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបងដល់ម្ចាស់កម្មសិទ្ធិចំនួន ២៨០គ្រួសារស្មើនឹង៣៤៩ក្បាលស្មើជាង ១ ០០០ហិចតា។
លោក សុខ លូ បានមានប្រសាសន៍ថា រដ្ឋាភិបាលបានសម្រេចក្នុងការប្រគល់ដីជូនប្រជាពលរដ្ឋឲ្យជាម្ចាស់កម្មសិទ្ធិពេញលេញ បន្ទាប់ពីធ្វើការវាស់វែងនិងចុះបញ្ជីទៅ តាមនីតិវិធីនៃច្បាប់។
លោកអភិបាលបានបន្តថា ចំពោះសន្លឹកវិញ្ញាណបនបត្រនេះមិនអាចមានការក្លែងបន្លំបានឡើយ ព្រោះនៅ លើសន្លឹកប័ណ្ណមានភ្ជាប់ជាមួយ QRCode ដែលគ្រាន់តែស្កេនភ្លាមចេញទិន្នន័យច្បាស់មកទាំងអស់ ទោះបីជាព្យាយាមបំផ្លាញសន្លឹកប័ណ្ណបំបាត់ភស្ដុតាងក៏ដោយ ក៏ទិន្នន័យមាននៅ ក្នុងប្រព័ន្ធកុំព្យូទ័រទាំងអស់។
លោកបានធ្វើការក្រើនរំលឹកដល់ប្រជាពលរដ្ឋដែលមានប័ណ្ណកម្មសិទ្ធិ ហើយនៅ តែបន្តឈូសឆាយរំលោភបំពានដល់ដីព្រៃ ដែលជាសម្បត្តិរបស់រដ្ឋឬដីដែលជាសម្បត្តិរបស់រដ្ឋបាលខេត្ត នឹងធ្វើការចាត់វិធានការទៅ តាមផ្លូវច្បាប់បើរកឃើញមេខ្លោងដោយមិនមានការលើកលែងឡើយ។ ក្រៅ ពីនេះលោកបានណែនាំដល់រដ្ឋបាលស្រុកជួយពិនិត្យ និងរក្សាភ្នំធម្មជាតិឲ្យបាន ដើម្បីទុកដល់ផលប្រយោជន៍រួមរបស់ប្រជាពលរដ្ឋជាគោលដៅ ទេសចរណ៍នាពេលអនាគត។
លោកអភិបាលក៏បានអំពាវនាវដល់ប្រជាពលរដ្ឋ ដែលទទួលបានកម្មសិទ្ធិដីធ្លី សូមកុំយកដីទៅ លក់ដូរដើម្បីអាចប្រើប្រាស់ដីនេះក្នុងការដាំដុះដំណាំផ្សេងៗចិញ្ចឹមជីវិត និងផ្គត់ផ្គង់ក្នុងគ្រួសារព្រមទាំងអាចទុកបន្តដល់កូនចៅ ជំនាន់ក្រោយៗផងដែរ៕
អត្ថបទ៖ សៅ សារិទ្ធ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?