ព័ត៌មានជាតិ
សម្ដេចក្រឡាហោម ស ខេង៖ បញ្ហាបើអាចដោះស្រាយគ្នាក្រៅ ប្រព័ន្ធតុលាការ ដោះទៅ កុំចង់ឡើងតុលាការ
មានប្រសាសន៍នៅ ក្នុងពិធីសម្ពោធអគារមណ្ឌលទទួលពលករកំរៀង ស្ថិតនៅ ភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង នាព្រឹកថ្ងៃចន្ទ ទី ២០ ខែធ្នូ ឆ្នាំ ២០២១ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា អាជ្ញាធរក្នុងមូលដ្ឋានត្រូវខិតខំដោះស្រាយ តាមគោលនយោបាយភូមិឃុំមានសុវត្ថិភាព ឱ្យបានល្អ ឱ្យបានត្រឹមត្រូវ ដើម្បីជៀសវាងការឡើងតុលាការ។
សម្ដេចក្រឡាហោម ស ខេង មានប្រសាសន៍ថា៖ “ការឡើងតុលាការយើងជៀសមិនបំផុតទេ ប៉ុន្តែបើចេះដោះស្រាយគ្នា សម្របសម្រួលគ្នា ក្រៅ ប្រព័ន្ធតុលាការ ប្រហែលជាឆាប់ជាង អស់លុយតិចជាង។ ខ្ញុំមិនចង់និយាយថា ទៅ តុលាការសូកប៉ាន់អីទេ ប៉ុន្តែចង់និយាយថា ធ្វើដំណើរចុះឡើង។ ឥឡូវសាលាឧទ្ធរណ៍បង្កើតនៅ តាមភូមិភាគ បើពីមុនមាននៅ រាជធានីភ្នំពេញឯណោះ ដូច្នេះបើចង់ឡើងឧទ្ធរណ៍ គឺត្រូវតែទៅ ភ្នំពេញ ទាំងថ្លៃដេកផង ធ្វើដំណើរផង ថ្លៃបាយទឹកផង ចុះឡើងពីរបីដង ទំរាំដឹងចាញ់ឈ្នះ ហើយបើឈ្នះមិនអីទេ ប៉ុន្តែបើចាញ់អស់តែម្ដង។ អ៊ីចឹងបានថា អាដោះនៅនឹងកន្លែងនេះ បើដោះបាន ដោះទៅ ដោះឱ្យស្រុះស្រួលគ្នា”។
សម្ដេចក្រឡាហោម ស ខេង បញ្ជាក់ដែរថា កន្លងមកក្រសួងយុត្តិធម៌ គឺជាអ្នករៀបចំយន្តការដោះស្រាយក្រៅ ប្រព័ន្ធតុលាការនេះ ប៉ុន្តែមិនដឹងថា រហូតមកដល់ពេលនេះ បានឈានដល់ដំណាក់កាលណាហើយនោះទេ។
ទាក់ទងបញ្ហានេះ លោក ជិន ម៉ាលីន អ្នកនាំពាក្យក្រសួងយុត្តិធម៌ ធ្លាប់បានបញ្ជាក់ថា ក្រសួងយុត្តិធម៌កំពុងរៀបចំឱ្យមានយន្តការដោះស្រាយវិវាទក្រៅ ប្រព័ន្ធតុលាការនៅ កម្ពុជា ដែលជាផ្នែកមួយនៅ ក្នុងកំណែទម្រង់ប្រព័ន្ធយុត្តិធម៌ និងកាត់បន្ថយការកកស្ទះសំណុំរឿងនៅ តុលាការ។ លោកមានប្រសាសន៍ថា យន្តការនេះ កំពុងត្រូវបានពិភាក្សា និងពិគ្រោះយោបល់ជាមួយភាគីពាក់ព័ន្ធ ហើយគ្រោងនឹងបញ្ចប់ការរៀបចំជាបឋមនៅ ខែមីនា។
លោក ជិន ម៉ាលីន បញ្ជាក់ទៀតថា យន្តការដោះស្រាយវិវាទក្រៅ ប្រព័ន្ធតុលាការនៅ កម្ពុជានេះ នឹងជួយលុបបំបាត់ចោលនូវរាល់ការសម្របសម្រួលនៅ ក្រៅ ប្រព័ន្ធតុលាការផ្សេងៗដែលកំពុងតែមាននាពេលបច្ចុប្បន្ននេះ៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore