ព័ត៌មានជាតិ
មិននឹកស្មានថា វ៉ាក់សាំង Pfizer ត្រូវការរក្សានៅសីតុណ្ហភាពត្រជាក់ខ្លាំងដល់ម៉្លឹង
លោកស្រី យក់ សម្បត្តិ រដ្ឋលេខាធិការ ក្រសួងសុខាភិបាល មានប្រសាសន៍ថា វ៉ាក់សាំងនេះនឹងត្រូវដឹកទៅទុកនៅឃ្លាំងកណ្ដាលទាំងអស់ ដោយសារវ៉ាក់សាំងនេះត្រូវការស៊ីតុណ្ហភាពត្រជាក់ខ្លាំង ដក ៨០អង្សាសេ។
លោកស្រី យក់ សម្បត្តិ ថ្លែងបែបនេះ នៅក្នុងការទទួលវ៉ាក់សាំង Pfizer ចំនួន ១ ៥៦៧ ៥៣០ លានដូសទៀត ដែលជាអំណោយរបស់រដ្ឋាភិបាល និងប្រជាជនអូស្ត្រាលី លើកទី ២ នឹងមកដល់ កម្ពុជា នៅរាត្រីថ្ងៃទី ២៨ ខែធ្នូ ឆ្នាំ ២០២១ នេះ។
លោកស្រីវេជ្ជបណ្ឌិត យក់ សម្បត្តិ មានប្រសាសន៍ថា ការរៀបចំទុកដាក់ត្រូវប្រយ័ត្នប្រយែង ហើយក្រុមបច្ចេកទេសនឹងមកពិនិត្យ ហើយធ្វើការងារនេះឱ្យបានចប់សព្វគ្រប់នៅយប់នេះតែម្ដង អាច១យប់ទល់ភ្លឺ ដោយសារការទុកដាក់វ៉ាក់សាំងនេះត្រូវការប្រយ័ត្នប្រយែង បច្ចេកទេសខ្ពស់។
រដ្ឋលេខាធិការ ក្រសួងសុខាភិបាល ខាងលើ បានបញ្ជាក់ថា ខាងជំនាញការយូនីសេហ្វ និងមន្ត្រីសុខាភិបាលនឹងធ្វើការងារនេះ ឱ្យបានចប់សព្វគ្រប់ ដោយត្រូវរក្សាគុណភាពវ៉ាក់សាំងតាមបច្ចេកទេសដែលកំណត់ដោយក្រុមហ៊ុន Pfizer។
លោកស្រី យក់ សម្បត្តិ បានអះអាងថា កម្ពុជាមានទូរក្សាវ៉ាក់សាំង Pfizer នេះ គ្រប់គ្រាន់ ដែលទូអាចរក្សាសីតុណ្ហភាពត្រជាក់រហូតដល់ ដក ៩០ អង្សាសេ។
គួររំលឹកថា រដ្ឋាភិបាលអូស្ត្រាលីផ្តល់ផ្តល់វ៉ាក់សាំង Pfizer ចំនួន ២,៣៥ លានដូសដល់រាជរដ្ឋាភិបាលកម្ពុជាដែលវ៉ាក់សាំងទាំងនេះផ្តល់ជាពីរលើកគឺ លើកទី១ បានដឹកមកដល់កម្ពុជាកាលពីយយប់ថ្ងៃទី ២៦ ខែធ្នូ ឆ្នាំ ២០២១ចំនួន ៧៨៣ ០០០ ដូស ដោយអញ្ជើញទៅទទួលដោយផ្ទាល់ពីប្រមុខរដ្ឋាភិបាលកម្ពុជាសម្តេចតេជោ ហ៊ុន សែន។
សម្តេចតេជោ ហ៊ុន សែន បានមានប្រសាសន៍ថា អំណោយដ៏ថ្លៃថ្លានេះ គឺជាកាយវិការដ៏ប្រពៃ របស់ប្រជាជន និងរដ្ឋាភិបាលប្រទេសអូស្ត្រាលី ចំពោះប្រជាជន និងរាជរដ្ឋាភិបាលកម្ពុជា ក៏ដូចជាមនុស្សជាតិទាំងមូល នៅក្នុងបុព្វហេតុប្រយុទ្ធនឹងជំងឺកូវីដ-១៩ ជាពិសេសនៅពេលដែលកម្ពុជា កំពុងតែព្យាយាមសម្រប និងរស់នៅតាមគន្លងប្រក្រតីភាពថ្មី ក្នុងបរិបទកូវីដ-១៩។ សម្តេចតេជោ ហ៊ុន សែន មានប្រសាសន៍ទៀតថា ចាប់តាំងពីផ្ទុះជំងឺកូវីដ-១៩ រាជរដ្ឋាភិបាលកម្ពុជាបានកំណត់យ៉ាងច្បាស់ថា មានតែវ៉ាក់សាំងទេ ទើបអាចយកឈ្នះជំងឺនេះ។
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore