Connect with us

ព័ត៌មានជាតិ

លោកជំទាវ ម៉ែន សំអន អរគុណក្រុមគ្រូពេទ្យ ស.ស.យ.ក ដែលបានចូលរួមយ៉ាងសកម្ម ក្នុងការប្រយុទ្ធ​ប្រឆាំងកូវីដ

បានផុស

នៅ

លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងអំណរគុណដល់ថ្នាក់ដឹកនាំ ក្រុមគ្រូពេទ្យសហភាពសហព័ន្ធយុវជនកម្ពុជា (ស.ស.យ.ក) ដែលបានចូលរួមយ៉ាងសកម្ម ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវ ម៉ែន សំអន ថ្លែងបែបនេះ ខណៈពេលអនុញ្ញាតឲ្យលោក ហេង សុខគង់ រដ្ឋលេខាធិការ ក្រសួងឧស្សាហកម្ម វិទ្យាសាស្ត្រ និងនវានុវត្តន៍ និងជាប្រធានក្រុមប្រឹក្សាភិបាល សម្ព័ន្ធក្រុមគ្រូពេទ្យសហភាពសហព័ន្ធយុវជនកម្ពុជា បានចូលជួបសម្តែងការគួរសម និងនាំយកនូវអំណោយរបស់ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកជំទាវ យឹម ឆៃលីន ប្រធានកិត្តិ​យសសម្ព័ន្ធគ្រូពេទ្យ សហភាពសហព័ន្ធយុវជនកម្ពុជា ជូនលោកជំទាវសម្រាប់ជួយដល់សកម្មភាពមនុស្សធម៌ផ្សេងៗ នៅព្រឹកថ្ងៃទី ៣១ ខែធ្នូ ឆ្នាំ ២០២១នេះ។

លោក ហេង សុខគង់ បានរាយការណ៍អំពីវឌ្ឍនៈភាព របស់សម្ព័ន្ធក្រុមគ្រូពេទ្យ សហភាពសហព័ន្ធយុវជនកម្ពុជា ដែលបានចូលរួមក្នុងប្រតិបត្តិការ ទប់ស្កាត់ការឆ្លងរីករាលដាលនូវជំងឺកូវីដ-១៩ នៅកម្ពុជា តាមរយៈការព្យាបាល និងការផ្តល់នូវការចាក់វ៉ាក់សាំង ជូនប្រជាពលរដ្ឋនៅទូទាំងប្រទេស ផងដែរ។

ជាការឆ្លើយតប លោកជំទាវឧបនាយករដ្ឋមន្ត្រី ក៏បានថ្លែងអំណរគុណ ដល់លោក ហេង សុខគង់ ក៏ដូចជាក្រុមគ្រូពេទ្យទាំងអស់ ដែលបានលះបង់ទាំងកលាំងកាយចិត្ត ចូលរួមយ៉ាងសកម្មក្នុងសកម្មភាពប្រយុទ្ធប្រឆាំងនឹងជំងឺកូវីដ-១៩ ដោយទទួលបាននូវលទ្ធផលល្អ និងគ្រប់គ្រងនូវស្ថានការណ៍ នៃការឆ្លងរីករាលដាល បានយ៉ាងល្អប្រសើរ ក្រោមការដឹកនាំប្រកបដោយកិត្តិបណ្ឌិត របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសូមថ្លែអំណរគុណ ដល់ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដែលបានបង្កើតសម្ព័ន្ធក្រុមគ្រូពេទ្យ សហភាពសហព័ន្ធយុវជនកម្ពុជា នេះឡើង ជួយដល់ការងាររបស់សុខាភិបាល ដើម្បីជួយដល់សុខុមាលភាព របស់ប្រជាពលរដ្ឋ។

សម្ភារៈដែលបានផ្ដល់ជូន រួមមាន៖ អង្ករ ១តោន, មី១០០កេស, ស្បែកជើងសុវត្ថិភាព ២០០គូ, ម៉ាស់ ៨កេស, និងថ្នាំប៉ារ៉ាសេតាមុល ៤កេស, ថ្នាំ Bromhexine ៥០ប្រអប់, និង ថ្នាំ Cetrizine ៥០ប្រអប់៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣២ នាទី មុន

លោក ស៊ី ជីន​ពីង អញ្ជើញ​សម្តេច​តេ​ជោ ហ៊ុន សែន ចូលរួម​កិច្ច​សន្ទនា​ជាន់ខ្ពស់ ស្តីពី​ការអភិវឌ្ឍន៍​សកល​

ជីវិតកម្សាន្ដ១ ម៉ោង មុន

Kim ឆ្លើយតបពាក្យចចាមអារ៉ាមថានាងធ្វើរហែករ៉ូបតម្លៃជិត ៥លានដុល្លារ

សន្តិសុខសង្គម២ ម៉ោង មុន

ចាប់​បាន​ខ្មាំង​កាំភ្លើង​ និង​ជនសង្ស័យ​ជួញដូរ​អាវុធ​ រួម​នឹង​បក្ខពួក​ស្រីប្រុស​សរុប៦នាក់

ព័ត៌មានជាតិ៣ ម៉ោង មុន

​ថ្ងៃទី​២៨ ខែមិថុនា​ ​រដ្ឋបាល​រាជធានី​នឹង​បញ្ចៀស​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​ចាប់ពី​ស្តុ​ប​ជលផល​ដល់ស្ពាន​អាកាស​ក្បាលថ្នល់

ព័ត៌មានជាតិ៣ ម៉ោង មុន

មន្ទីរ​សាធារណការ​ខេត្តព្រះវិហារ ជួសជុល ថែទាំ ផ្លូវ​ក្រាល​គ្រួស​ក្រហម តាមផ្លូវ​ក្រវ៉ាត់​ព្រំដែន កម្ពុជា​-​ថៃ ប្រវែង​ជិត​១០​គីឡូម៉ែត្រ

Sokha Hotels

ព័ត៌មានពេញនិយម