ព័ត៌មានជាតិ
លោកឧបនាយករដ្ឋមន្ត្រី ប្រាក់ សុខុន បញ្ជាក់ពីហេតុផល ដែលថ្នាក់ដឹកនាំកម្ពុជាមិនសុំជួបលោក ស្រី អ៊ុង សានស៊ូជី
លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានផងនោះបានថ្លែងប្រាប់អ្នកសារព័ត៌មាននៅឯព្រលានយន្តហោះអន្តរជាតិភ្នំពេញ ក្រោយពីត្រឡប់ពីប្រទេសមីយ៉ាន់ម៉ាវិញថា បញ្ហានៅមីយ៉ាន់ម៉ា គឺជាបញ្ហាដែលត្រូវធ្វើមួយជំហានម្តងៗ មានន័យថា យើងត្រូវបេះផ្លែណាដែលនៅកៀកដៃសិន ពេញកន្រ្តកសិនចាំគិតទៀត។
ឆ្លើយតបសំណួរអ្នកសារព័ត៌មាន លោកឧបនាយករដ្ឋមន្ត្រី ប្រាក់ សុខុន បានលើកឡើងថា បញ្ហាសុំជួបលោកស្រី អ៊ុង សានស៊ូជី ជាបញ្ហាដែលធ្វើឲ្យរាំងស្ទះដល់ទស្សនៈកិច្ចរបស់ប្រេសិតពិសេសប្រុយណេ គឺរដ្ឋមន្រ្តីការប្រទេសប្រុយណេ ដូច្នេះយើងមើលឃើញថា បញ្ហានេះជាបញ្ហាដែលខ្ទាស់មិនឱ្យទៅមុខ យើងមិនត្រូវទៅរកអាកន្លែងដដែលហ្នឹងទៀតទេ។ លោកថា “បើកន្លែងហ្នឹងមានគេសង់ជញ្ជាំងក្រាស់ហើយយើងយកក្បាលទៅបុកដូចជាអត់បានប្រយោជន៍អីទេ ដូច្នេះហើយទើបខ្ញុំជម្រាបជូនថា កម្ពុជាប្រកាន់អភិក្រមផ្សេង ក្នុងការឈានឆ្ពោះទៅសម្រេចកិច្ចព្រមព្រៀង៥ចំណុចនេះ”។
បើតាមលោកឧបនាយករដ្ឋមន្ត្រី ប្រាក់ សុខុន សម្ដេចតេជោនាយករដ្ឋមន្ត្រីមិនដែលបានដាក់កម្មវិធីកំណត់យ៉ាងណាទៅមីយ៉ាន់ម៉ាទេ ហើយចំណែកភាគីមីយ៉ាន់ម៉ាក៏ដឹងដែរ នៅពេលសម្ដេចតេជោអញ្ជើញទៅមីយ៉ាន់ម៉ា ដើម្បីពង្រឹងពង្រីកទំនាក់ទំនងទ្វេភាគីផង ស្វែងជួយមានម៉ាកតាមលទ្ធភាព ដែលអាចធ្វើទៅបាន។ ដូច្នេះកម្មវិធីជួបជាមួយអ្នកណា កុំថាឡើយលោកជំទាវអ៊ុងសានស៊ីជី សូម្បីតែអ្នកផ្សេងក៏ដោយក៏សម្ដេចមិនបានដាក់សំណើសុំជួបដែរ។ ពីព្រោះលោកយល់ថា យើងត្រូវធ្វើមួយជំហានម្ដងៗ យើងគិតថា យើងត្រូវបេះផ្លែណាដែលនៅកៀកជាងគេ ឈោងចាប់បេះយកបាន ឱ្យបានមួយកន្ត្រកសិន ហើយចាំបន្ទាប់មកយើងគិតបន្តទៅទៀត។
លោកឧបនាយករដ្ឋមន្ត្រី ប្រាក់ សុខុន អះអាងថា នេះជាអភិក្រម ប្រសិនបើទ្វារមិនបើក ទ្វានៅតែបិទ ការវាអត់មានពន្លឺអីសម្រាប់ទៅអនាគត សម្រាប់ដំណើរការអនុវត្តនូវកិច្ចព្រមព្រៀង៥ ចំណុចនោះទេ ហើយកម្មវិធីដាក់ពេលណាពេលណា យើងនឹងគិតបន្តទៀត ហើយក៏មិនទាន់អាចជម្រាបជូនបានដែរ៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ