ព័ត៌មានជាតិ
លោកជំទាវ ម៉ែន សំអន អំពាវនាវឲ្យពលរដ្ឋ ទៅចាក់វ៉ាក់សាំងដូសទី ៤គ្រប់ៗគ្នា នៅពេលដល់វេនរបស់ខ្លួន
លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិ ចុះជួយរាជធានីភ្នំពេញ បានអំពាវនាវឲ្យប្រជាពលរដ្ឋអញ្ជើញទៅទទួល ការចាក់វ៉ាក់សាំងកូវីដ-១៩ ដូសទី ៤ គ្រប់ៗគ្នា នៅពេលដល់វេនរបស់ខ្លួន ដើម្បីបន្តប្រឆាំងនឹងមេរោគបំប្លែងថ្មី អូមីក្រុង ដែលកំពុងរាតត្បាតនៅលើពិភពលោក និងនៅប្រទេសកម្ពុជាផងដែរ។ លោកជំទាវ ម៉ែន សំអន បានអំពាវនាវបែបនេះ ខណៈអញ្ជើញទៅទទួលការចាក់វ៉ាក់សាំងកូវីដ-១៩ នៅមន្ទីរពេទ្យកាល់ម៉ែត កាលរសៀលថ្ងៃទី ១៦ ខែមករា ឆ្នាំ ២០២២។
នាឪកាសទទួល ការចាក់វាក់សាំងនោះ លោកឧបនាយករដ្ឋមន្ត្រី ក៏បានថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាល ក្រោមការដឹកនាំប្រកបដោយកិត្តិបណ្ឌិត របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដែលបានខិតខំកៀរគរគ្រប់មធ្យោបាយ ដើម្បីទទួលបានវ៉ាក់សាំង មកចាក់ជូនប្រជាពលរដ្ឋដោយឥតគិតថ្លៃ ចាប់ពីអាយុ ៦ឆ្នាំ ដល់ ១២ឆ្នាំ និង ១៧ឆ្នាំ រហូតដល់មនុស្សចាស់ ដើម្បីបង្កើតភាពស៊ាំសហគមន៍ ឈានទៅគ្រប់គ្រងបានលើវីរុស កូវីដ-១៩ សំដៅស្តារសេដ្ឋកិច្ច និងសង្គមជាតិឡើងវិញ ដើម្បីឲ្យប្រទសបានចាកចេញពីវិបត្តិជាសកលនេះ ក្នុងពេលឆាប់ៗ ខាងមុខ។
លោកជំទាវ ម៉ែន សំអន ក៏បានអំពាវនាវ និងលើកទឹកចិត្តដល់ប្រជាពលរដ្ឋ សូមអញ្ជើញទៅទទួលវ៉ាក់សាំងដោយឥតគិតថ្លៃដូសទី ៤ នៅតាមមូលដ្ឋានរៀងៗខ្លួន ដើម្បីការពារអាយុជីវិត ក្រុមគ្រួសារ និងសហគមន៍របស់ខ្លួន និងបានអំពាវនាវដល់ប្រជាពលរដ្ឋ បន្តអនុវត្តវិធានសុខាភិបាល «៣ការពារ ៣កុំ»ឲ្យបានខ្ជាប់ខ្ជូនគ្រប់ៗគ្នា ទោះជាបានទទួលវ៉ាក់សាំង ការពាររួចហើយយ៉ាងណាក្តី ជាពិសេសបង្កើនការប្រុងប្រយ័ត្នមេរោគបំប្លែងថ្មី អូមីក្រុង នេះតែម្ដង៕
អត្ថបទ៖ វិមាន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ