ព័ត៌មានជាតិ
លោកជំទាវ ម៉ែន សំអន ៖ ប្រទេសមានសុខសន្តិភាព នាំមកនូវការអភិវឌ្ឍលើគ្រប់វិស័យ ទាំងពុទ្ធចក្រនិងអាណាចក្រ
លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា ប្រទេសមានសុខសន្តិភាព បាននាំមកនូវការអភិវឌ្ឍលើគ្រប់វិស័យ ទាំងពុទ្ធចក្រ និងអាណាចក្រ ដូចសព្វថ្ងៃនេះ គឺផ្តើមចេញពីការប្រឹងប្រែងយ៉ាងមុះមុត របស់រាជរដ្ឋាភិបាលដែលមានសម្តេចតេជោ ហ៊ុន សែន ជានាយករដ្ឋមន្ត្រីដ៏ឈ្លាសវៃ។
លោកជំទាវ ម៉ែន សំអន បានថ្លែងបែបនេះ គឺពេលអញ្ជើញក្នុងពិធីបុណ្យអភិសេក និងសម្ពោធឆ្លង ព្រះបដិមាព្រះសិអារ្យ បុស្បុក និងសមិទ្ធផលនានា នៅលើកំពូល ភ្នំសន្លុង ក្នុងបរិវេណវត្តរស្មីមហារះភ្នំសន្លុង ស្ថិតនៅឃុំសន្លុង ស្រុកទ្រាំង ខេត្តតាកែវ នាថ្ងៃទី ១៧ ខែមករា ឆ្នាំ ២០២២នេះ។
ឆ្លៀតក្នុងឱកាសនោះ លោកជំទាវឧបនាយករដ្ឋមន្ត្រី បាននាំមកនូវការផ្តាំផ្ញើសួរសុខទុក្ខ ពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនដល់អង្គពិធី និងបានថ្លែងអំណរគុណ ដល់ថ្នាក់ដឹកនាំខេត្តគ្រប់លំដាប់ថ្នាក់ និងលោកស្រី និន សាផុន តំណាងរាស្ត្រមណ្ឌល ខេត្តតាកែវ និងជាប្រធានគណៈកម្មការទី ៩ នៃរដ្ឋសភា ដែលបានផ្តួចផ្តើមគំនិត ក្នុងការកសាងព្រះបដិមាព្រះសិអារ្យបុស្បុក សម្រាប់ទុកជាទីសក្ការៈ និងគោរពបូជា។
លោកជំទាវ ម៉ែន សំអន បានបន្តទៀតថា កាលពី ៤៣ឆ្នាំមុន ប្រទេសកម្ពុជា បានឆ្លងកាត់នូវសង្គ្រាមរាំរ៉ៃ ដោយវិស័យទាំងអស់ត្រូវបានបំផ្លិចបំផ្លាញ។ ក្នុងនោះ វិស័យព្រះពុទ្ធសាសនា ក៏ត្រូវបានបំផ្លិចបំផ្លាញ ផងដែរ។ ចំណែកឯព្រះសង្ឃ ត្រូវបានចាប់ផ្សឹក ហើយវត្តអារាមបានក្លាយជាទីកន្លែងឃុំឃាំងមនុស្សទៅវិញ។ ប៉ុន្តែក្រោយថ្ងៃរំដោះ ៧ មករា ឆ្នាំ១៩៧៩ ក្រោមការដឹកនាំប្រកដោយកិត្តិបណ្ឌិត របស់សម្តេចតេជោ ហ៊ុន សែន នាយករដ្ឋមន្ត្រី ដោយអនុវត្តនូវនយោបាយឈ្នះ-ឈ្នះ បានកសាងប្រទេសពីបាតដៃទទេ រហូតដល់មានការអភិវឌ្ឍដូចសព្វថ្ងៃ។
លោកជំទាវបន្តទៀតថា តាមរយៈសមិទ្ធិផលទាំងនេះ គឺពិតជាបានចូលរួមចំណែក ក្នុងការពង្រឹងវស័យពុទ្ធចក្រ និងវិស័យអាណាចក្រ ឲ្យកាន់តែរីកចំរើនថែមទៀត។ ម៉្យាងទៀត បានចូលរួមចំណែក ក្នុងការ លើកសោភ័ណ្ឌភាពរបស់ខេត្តផង ហើយក៏អាចទាញចំណូលពីវិស័យទាំងនេះ តាមរយៈរមណីយដ្ឋាន ទេសចរណ៍ព្រះពុទ្ធសានាផង។
លោកជំទាវ ក៏បានអំពាវនាវឲ្យព្រះសង្ឃ និងប្រជាពលរដ្ឋទាំងអស់គ្នា ត្រូវតែប្រុងប្រយ័ត្នខ្ពស់ និងចូលរួមគោរពតាមគោលការណ៍ណែនាំ របស់ក្រសួងសុខាភិបាល ៣ការពារ ៣កុំ ដើម្បីទប់ស្កាត់នូវការឆ្លងរីករាលដាល នៃជំងឺកូវីដ-១៩ ខណៈមេរោគបំប្លែងខ្លួនថ្មី អូមីក្រុង កំពុងតែរីករាលដាលនៅលើពិភពលោក និងប្រទេសកម្ពុជា ផងដែរ៕
អត្ថបទ៖ វិមាន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)