ព័ត៌មានជាតិ
រៀនពេទ្យចំណាយលុយគុណនឹង១០ មុនសម្រេចចិត្តរៀនគិតឱ្យបានវែងឆ្ងាយ
មុខវិជ្ជាពេទ្យ គឺជាមុខវិជ្ជាមួយដែលទាមទារឲ្យមានការតាំងចិត្តខ្ពស់ និងការខិតខំប្រឹង ប្រែងខ្លាំងក្នុងការសិក្សា។ តាមបទពិសោធន៍រៀមច្បងបានប្រាប់ថា និស្សិតចង់រៀនពេទ្យ ត្រូវតែពូកែ ឧស្សាហ៍ព្យាយាម។
លោក វេជ្ជបណ្ឌិត ហ៊ាង រតនា បានប្រាប់កម្ពុជាថ្មីថា មុខវិជ្ជាពេទ្យ មានពីរ ទី១ គឺរៀនដុកទ័រ និងហ្វាម៉ាស៊ី ហើយសិស្សចប់ថ្នាក់ទី១២ ត្រូវប្រឡងចូល មាន ៣ មុខវិជ្ជាគឺ គណិតវិទ្យា គីមីវិទ្យា ជីវៈវិទ្យា ហើយត្រូវប្រកួតប្រជែង ជម្រើសជាមួយបេក្ខជនរាប់ពាន់ រាប់ម៉ឺននាក់ ខណៈការជ្រើសរើសត្រឹមតែខ្ទង់រយនាក់ប៉ុណ្ណោះក្នុងមួយឆ្នាំៗ។
លោក វេជ្ជបណ្ឌិត ហ៊ាង រតនា បានបញ្ជាក់ថា ចំពោះការចំណាយ គឺទៅតាមសាលា បើមុខវិជ្ជាដុកទ័រ នៅសាកលវិទ្យាល័យវិទ្យាសាស្ត្រសុខាភិបាល ហៅសាលាក្រហម មួយឆ្នាំចាប់ពី ១៨០០ ដុល្លារ ចាប់ពីឆ្នាំទី១ ដល់ឆ្នាំទី ៨ បូកនិងការស្នាក់នៅ ហូបចុកទៀត ការចំណាយខ្ទង់ ៤ ពាន់ដុល្លារក្នុងមួយឆ្នាំៗ។
ប៉ុន្តែបើសាលាឯកជនវិញគឺថ្លៃជាងនេះទៀត ដូចជាសាលា IU ឆ្នាំទី១ ជំនាញពេទ្យខ្ទង់ ២០០០ ទៅ ២៥០០ ដុល្លារ ហើយពីរឆ្នាំបន្ទាប់ឡើងថ្លៃ ៥០០ ដុល្លារទៀត សរុបទៅ ការចំណាយគុណនឹង ១០ បើប្រៀបធៀបជាមួយជំនាញផ្សេងៗនៅសាលាឯកជន។ ក្រៅពីនេះ ក៏នៅមានសាលាផ្សេងៗទៀត មានតម្លៃចាប់ពី ៣ ពាន់ដុល្លារ ដល់ ៥ ពាន់ដុល្លារ ក្នុងមួយឆ្នាំក៏មាន។
បើតាម លោក ហ៊ាង រតនា មុនពេលយើងចូលរៀន យើងត្រូវប្ដេជ្ញាចិត្ត ត្រូវគិតឱ្យបានវែងឆ្ងាយ គិតតាំងពីពេលវេលា សមត្ថភាព ស្ថានភាពគ្រួសារ និងថវិកា។ លោករំឭកថា ” កាលពីពេលខ្ញុំរៀនតាំងពីឆ្នាំទី១ ដល់ឆ្នាំទី ៨ មាននិស្សិតបោះបង់ការសិក្សាច្រើនដែរទី១ ពេលរៀនទៅអត់ចេះ រៀនមិនចូល ដូចថាពេលចូលដំបូងគាត់ស្រលាញ់អត់ដល់ មួយទៀតដោយសារជីវភាពគ្រួសារ ដោយសារពេលវេលា អាចជាហេតុធ្វើឱ្យបោះបង់ការសិក្សា ឆ្នាំទី ១ ដល់ទី៤ នៅមានសិស្សបោះបង់ច្រើនណាស់”។
វេជ្ជបណ្ឌិតរូបនេះ បន្ថែមថា សិស្ស និស្សិតដែលចង់រៀនជំនាញពេទ្យ ពួគាត់ត្រូវគិតទៅលើការស្រលាញ់ គិតទៅលើស្ថានភាពគ្រួសារ សេដ្ឋកិច្ច និងមានលំនឹង ប្រសិនបើស្ថានភាពគ្រួសារគាត់មិនមានលំនឹងទេ គឺគាត់អាចប្រឈមហានិភ័យរៀនមិនបានចប់៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង