ព័ត៌មានជាតិ
ចិនផ្តល់ឱសថព្យាបាលជំងឺកូវីដ-១៩ ជាង១តោន ដល់កម្ពុជា
រដ្ឋាភិបាលចិន បានផ្ដល់ឱសថព្យាបាលជំងឺកូវីដ-១៩ ចំនួនជាង១ តោន(១១២៥គីឡូ ក្រាម )ដល់គណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិននាព្រឹកថ្ងៃទី ២៨ ខែ មករា ឆ្នាំ ២០២២ ។ ពិធីប្រគល់ និងទទួលនេះ ធ្វើឡើងនៅក្រសួងសុខាភិបាល ក្រោមអធិបតីភាពលោកឧបនាយករដ្ឋមន្ត្រី ហោ ណាំហុង ឧបនាយករដ្ឋមន្រ្តី និងជាសហប្រធានគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន និងលោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា ដើម្បីចាត់ចែងព្យាបាលអ្នកកើតជំងឺកូវីដ-១៩ ជាពិសេសមេរោគបន្លែងថ្មីអូមីក្រុង។
ដោយមានការណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជាដែលមានក្រសួង សុខាភិបាលជាសេនាធិការកម្ពុជា លោកឧបនាយករដ្ឋមន្រ្តី ហោ ណាំហុង បានថ្លែងថា ការទប់ស្កាត់ការរាតត្បាតនូវជំងឺកូវីដ-១៩ព្រមទាំងការចាក់វ៉ាក់សាំងការពារជំងឺនេះបានចំនួន ៨៩,៦៦ភាគរយ។ ជោគជ័យនៃការ ទប់ស្កាត់កូវីដ១៩នៅកម្ពុជាក៏មានការរួមចំណែករបស់រដ្ឋាភិបាលនៃសាធារណរដ្ឋប្រជាមានិតចិននូវវ៉ាក់សាំងជាច្រើនលានដូសមកកម្ពុជា ព្រមទាំងបរិក្ខាពេទ្យទំនើបៗផ្សេងទៀតជាច្រើន។
ជាមួយគ្នានេះដែរ លោកឧបនាយករដ្ឋមន្ត្រី ក៏បានថ្លែងអំណរគុណដល់រដ្ឋាភិបាលនៃសាធារណរដ្ឋប្រជាមានិតនិងប្រជាជនចិន ដែលបានផ្តល់ឱសថព្យាបាលជំងឺកូវីដ-១៩ ជាង១តោនដល់គណៈកម្មាធិការសម្របសម្រួលអន្តរដ្ឋាភិបាលកម្ពុជា-ចិន។ លោកឧបនាយករដ្ឋមន្តី ហោ ណាំហុង ក៏បានប្រគល់ដល់លោក ម៉ម ប៊ុនហេង រដ្ឋមន្រ្តីសុខាភិបាលសម្រាប់ព្យាបាលអ្នកជំងឺកូវីដ-១៩ នៅទូទាំងប្រទេស ។ លោកបានលើកការសរសើរដល់ក្រុមគ្រូពេទ្យនិងបុគ្គលិកពេទ្យទាំង អស់ដែលបានចូលរួមព្យាបាលអ្នកជំងឺកូវីដ-១៩ បានជោគជ័យពេញលេញ។
ជាមួយគ្នានេះ លោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជាបានថ្លែងថា ទាំងរដ្ឋាភិបាលនិងប្រជាជនចិនមានការគាំទ្រនិងចូលរួមទប់ស្កាត់កូវីដ១៩ព្រមទាំងផ្តល់វ៉ាក់សាំងតាម លទ្ធភាព ដែលអាចធ្វើទៅបានជូនដល់កម្ពុជា។ តាំងពីមានការផ្ទុះកូវីដ១៩ ដំបូងនៅកម្ពុជាលោកបានបញ្ជាក់រួចហើយថា ប្រសិនបើកម្ពុជានៅតែមានកូវីដ១៩នោះជំនួយពីប្រទេសចិនមិនអាចបញ្ឍប់បានឡើយ ។ លោកឯកអគ្គរដ្ឋទូតបន្តថា កន្លងមកលោកធ្លាប់បានជម្រាបជូនសម្តេចតេជោ ហ៊ុន សែន ថា ការចាក់វ៉ាក់សាំងដូសជំរុញប្រទេសចិន មានការគាំទ្រពេញទំហឹងនឹងផ្តល់ជំនួយឥតសំណងតាមតម្រូវការប្រទេសកម្ពុជា ក៏ដូចជាកំពុងតែជម្រុញការបង្កើតរោងចក្រផលិតវ៉ាក់សាំងកូវីដ ១៩ នៅក្នុងប្រទេសកម្ពុជា។
លោកឯកអគ្គរដ្ឋទូតចិនក៏បានបញ្ជាក់ថា ប្រទេសចិនបានបញ្ជូនក្រុមគ្រូពេទ្យបុរាណចិនមកព្យាបាលជំងឺកូវីដ១៩ ទោះបីប្រទេសកម្ពុជាមានភាពធូរស្រាលនៃជំងឺកូវីដ ១៩នេះក្តី ហើយក្រុមគ្រូពេទ្យបុរាណចិននេះ បានជ្រើសរើសយកប្រទេសកម្ពុជាមុនគេដំបូងគេ ក្នុងការព្យាបាលសម្រាប់ការងាររបស់ខ្លួននៅបរទេសព្រោះកម្ពុជាជាមិត្ត ដែកថែប៕ ដោយ៖ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត