ព័ត៌មានជាតិ

មានជនអនាមិកបានក្លែងបន្លំឈ្មោះ ឯកឧត្តម នាយឧត្តមសេនីយ៍ នេត សាវឿន ឆាតទៅបំផុសបំផុល ធ្វើអោយមានការភ័ន្តច្រលំ

បានផុស

២ years មុន

នៅ

ថ្ងៃសុក្រ ១១ ធ្នូ ២០២០

ដោយ

អគ្គស្នងការដ្ឋាននគរបាលជាតិ ច្រានចោលគណនី Telegram មួយ ដែលយករូបថត និងដាក់ឈ្មោះ ឯកឧត្តម នាយឧត្តមសេនីយ៍ នេត សាវឿន អគ្គស្នងការដ្ឋាននគរបាលជាតិ ឆាតទៅបំផុសបំផុល ធ្វើអោយមានការភ័ន្តច្រលំ។

យោងតាមសេចក្តីប្រកាសព័ត៌មានរបស់អ្នកនាំពាក្យអគ្គស្នងការនគរបាលជាតិ ថ្មីៗនេះមានជនអនាមិកបានបង្កើតគណនេយ្យ និងក្រុមទំនាក់ទំនងការងារតាមប្រព័ន្ធ Telegram ដោយប្រើប្រាស់រូបថត ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ និងធ្វើការទាក់ទងទៅអង្គភាពចំណុះ បញ្ជការដ្ឋានកងទ័ពជើងទឹក នៃអគ្គបញ្ជាការដ្ឋានកងយោពលខេមរភូមិន្ទ ក្រសួងការពារជាតិ ក្នុងគោលបំណងទុច្ចរិត ធ្វើឱ្យមានការភ័ន្តច្រឡំ បំផុសបំផុលនាំឱ្យមានចលនាក្នុងជួរកងកម្លាំងប្រដាប់អាវុធ។

អ្នកនាំពាក្យអគ្គស្នងការដ្ឋាននគរបាលជាតិបានគូសបញ្ជាក់ថា ឯកឧត្តម នាយឧត្តមសេនីយ៍ នេត សាវឿន អគ្គស្នងការដ្ឋាននគរបាលជាតិ ពុំធ្លាប់បង្កើតគណនេយ្យ ឬជាម្ចាស់ ឬជា Admin ក្រុមការងារណាមួយតាមប្រពន្ធ Telegram ដើម្បីធ្វើការងារទំនាក់ទំនង ឬបញ្ជាដឹកនាំដល់អង្គភាពចំណុះអគ្គបញ្ជាការដ្ឋានកងយោពលខេមរភូមិន្ទ នៃក្រសួងការពារជាតិឡើយ។

អ្នកនាំពាក្យអគ្គស្នងការដ្ឋាននគរបាលជាតិបាន បានច្រានចោលទាំងស្រុងនូវរាល់ព័ត៌មាន ដែលពាក់ព័ន្ធដល់ការប្រើប្រាស់គណនេយ្យ ដែលមានប្រើរូបថត និងឈ្មោះ ឯកឧត្តម នាយឧត្តមសេនីយ៍ នេត សាវឿន អគ្គស្នងការដ្ឋាននគរបាលជាតិ តាមប្រព័ន្ធ Telegram ក្នុងការបញ្ជាដឹកនាំ ឬដោះស្រាយ ការងារផ្សេងៗ ពាក់ព័ន្ធដល់យុត្តាធិការ នៃកងយោពលខេមរភូមិន្ទ។

អានសេចក្តីប្រកាសព័ត៌មាន៖