ព័ត៌មានជាតិ
ក្រសួងអប់រំ ដាក់បញ្ចូលកម្មវិធីសិក្សា Think!Thinkដ៏ទំនើបរបស់ជប៉ុននៅតាមសាលារដ្ឋ និងឯកជន
ក្រសួងអប់រំយុវជន និងកីឡាសហការជាមួយទីភ្នាក់ងារសហប្រតិបត្តិការអន្តរជាតិជប៉ុន (JICA)បានដាក់បញ្ចូលកម្មវិធីសិក្សាដ៏ទំនើបរបស់ជប៉ុននៅតាមសាលារដ្ឋ និងឯកជនមួយចំនួន ដើម្បីជួយឱ្យសិស្សានុសិស្សចេះគិតបែបគណិតវិទ្យា ចេះត្រិះរិះពិចារណានិងចេះដោះស្រាយបញ្ហាផ្សេងៗពិសេសធ្វើឲ្យកុមារមានភាពវ័យឆ្លាត។
នៅក្នុងជំនួបពិភាក្សាជាមួយលោក ស៊ីនជី យ៉ាណាហ្គាវ៉ា តំណាងទីភ្នាក់ងារ JICA ប្រចាំកម្ពុជាកាលពីថ្ងៃទី០៤មីនា លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានមានប្រសាសន៍ថា កម្មវិធីសិក្សា Think!Think! នេះគឺជាកម្មវិធីសិក្សា STEM បែបបច្ចេកវិទ្យាថ្មីមួយ ជួយអភិវឌ្ឍសិស្សានុសិស្សឱ្យមានជំនាញគិតពិចារណា គិតស៊ីជម្រៅ ទំនាក់ទំនងសង្គមនិងភាពច្នៃប្រឌិត។
លោករដ្ឋមន្ត្រីបានបន្តថា Think!Think គឺជាកម្មវិធីដ៏ល្អមួយក្នុងការបណ្តុះការគិតស៊ីជម្រៅ និងបំណិនទន់ ជួយសិស្សក្នុងការរៀនបំណិនថ្មីៗដែលចាំបាច់ក្នុងសតវត្សទី២១ផងដែរ។
លោករដ្ឋមន្ត្រីបានបន្ថែមទៀតថា នៅក្នុងការស្ទង់មតិលទ្ធផលបានបង្ហាញថាការប្រើប្រាស់កម្មវិធីនេះ មានប្រសិទ្ធភាពជាវិជ្ជមានលើពិន្ទុគណិតវិទ្យា ភាពឆ្លាតវៃ ការលើកទឹកចិត្ត និងភាពជឿជាក់លើខ្លួនឯង។
លោករដ្ឋមន្ត្រីបានណែនាំឲ្យប្រើប្រាស់កម្មវិធីនេះ និងបានថ្លែងអំណរគុណចំពោះការគាំទ្ររបស់ JICA ដែលផ្តល់ឳកាសដល់សិស្សានុសិស្សនៅតាមគ្រឹះស្ថានសិក្សាសាធារណៈអាចសិក្សាកម្មវិធីដ៏មានគុណភាពរបស់ជប៉ុន។
លោក ស៊ីនជី យ៉ាណាហ្គាវ៉ា បានមានប្រសាសន៍ថា Think!Think! គឺជាកម្មវិធី សិក្សាលេខ១ របស់ប្រទេសជប៉ុន ហើយបានទទួលពានរង្វាន់កម្មវិធីល្អបំផុតរបស់ Google សម្រាប់កុមារ។
លោកបានបន្តថាកម្មវិធីនេះនឹងត្រូវបានដាក់ឲ្យប្រើប្រាស់នៅសាលាបឋមសិក្សាព្រះនរោត្តមក្នុងរាជធានីភ្នំពេញដែលជាសាលាមួយស្ថិតនៅក្នុងចំណោមសាលាគោលដៅចំនួន៨ក្នុងខេត្តចំនួន ៦ នៅខែមីនា ឆ្នាំ២០២២ ក្នុងគម្រោងភាពជាដៃគូ ឯកជន និង សាធារណៈរវាង JICA ក្រសួងអប់រំ និង ក្រុមហ៊ុនវ័នឌើលេប។
គួរបញ្ជាក់ថា ភ្នាក់ងារ JICA បាននឹងកំពុងបើកដំណើរការថ្នាក់សិក្សាបំប៉នបន្ថែមនៅតំបន់ទួលគោក ដែលមាន ឈ្មោះថា Think!Think! Learning Lab ដើម្បីផ្តល់ឱកាសឲ្យសាធារណៈជន អាចចូលរៀនកម្មវិធីនេះបាន។ ថ្នាក់បំប៉ន Think!Think! នឹងជួយបណ្តុះការគិតវិភាគស៊ីជម្រៅ បំណិនសង្គម ភាពច្នៃប្រឌិត ការលើកទឹកចិត្ត ទំនុកចិត្តលើខ្លួនឯង និងការស្រលាញ់ឲ្យតម្លៃដល់ខ្លួនឯង៕
សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត