Connect with us

ព័ត៌មានជាតិ

បច្ចុប្បន្នភាពពីការនាំចេញអង្ករកម្ពុជាទៅកាន់ទីផ្សារប្រទេសចិន

បានផុស

នៅ

ក្រុមហ៊ុនហ្រ្គីនត្រេដ នៃក្រសួងពាណិជ្ជកម្ម សហព័ន្ធស្រូវអង្ករកម្ពុជា និងក្រុមហ៊ុនសាជីវកម្មចិន COFCO បានជួបប្រជុំដើម្បីពិនិត្យមើលលើការងារនាំចេញអង្ករពីកម្ពុជា ទៅកាន់ទីផ្សារប្រទេសចិន កាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈកិច្ចប្រជុំនេះ បានបង្ហាញ លទ្ធផលដែលសម្រេចបានលើការអនុវត្តបានទាំងស្រុងនូវអនុស្សរណៈយោគយល់លើកទី៥ ចំនួន ៤០ ម៉ឺនតោន ដែលបានបញ្ចប់ ក្នុងខែតុលា ឆ្នាំ២០២១ និងបានធ្វើការចាប់ផ្តើមអនុវត្តន៍ការបញ្ជាទិញអង្ករតាមអនុស្សរណៈយោគយល់លើកទី៦ បានចាប់ពីខែវិច្ឆិកា ឆ្នាំ២០២១ លឿនជាងការរំពឹងទុកមួយខែ ដែលគិតត្រឹមចុងខែកុម្ភៈ ឆ្នាំ២០២២ បរិមាណអង្ករចំនួន ១១៣ ០០០ តោន បានធ្វើការចុះកិច្ចសន្យាបញ្ជាទិញរួចរាល់ ហើយចំនួន ៨៦ ០០០តោន ក៏បានប្រគល់ជូនអ្នកបញ្ជាទិញរួចរាល់ផងដែរ។

សម្រាប់ខែមករា និង ខែកុម្ភៈ ឆ្នាំ២០២២ បរិមាណអង្ករចំនួន ៥២ ០៥៧ តោន ក្នុងចំណោមបរិមាណអង្ករសរុបដែលបាននាំចេញទៅកាន់ទីផ្សារប្រទេសចិនត្រូវបានទិញតាមរយៈក្រុមហ៊ុនសាជីវកម្ម COFCO ដែលបរិមាណនេះមានកំណើនចំនួន ៥៦% បើប្រៀបធៀបទៅនឹងរយៈពេលដូចគ្នានៃឆ្នាំ២០២១។

នៅក្នុងកិច្ចប្រជុំនេះដែរ ភាគីពាក់ព័ន្ធ បានធ្វើការចែករំលែកព័ត៌មានអំពីការរីកចម្រើន ជាពិសេសការពេញនិយម និងចាប់ផ្តើមមានតម្រូវការខ្ពស់លើអង្ករក្រអូបប្រភេទសែនក្រអូប និងបានពិភាក្សាលើការប្រឈមមួយចំនួនដែលត្រូវដោះស្រាយរួមគ្នាក្នុងគោលបំណងជំរុញឱ្យការអនុវត្តលើអនុស្សរណៈយោគយល់ចំនួន ៤០ម៉ឺនតោន ដែលបានចុះហត្ថលេខានៅក្នុងខែវិច្ឆិកា ឆ្នាំ២០២១ ដែលបានសម្រេចតាមផែនការ។

សូមបញ្ជាក់ថា កិច្ចប្រជុំនេះ ដឹកនាំលោក ចាន់ សុខទី ប្រតិភូរាជរដ្ឋាភិបាលទទួលបន្ទុកជាអគ្គនាយកនៃក្រុមហ៊ុនហ្រ្គីនត្រេដ នៃក្រសួងពាណិជ្ជកម្ម និងលោកស្រី Luu Ying អគ្គនាយកក្រុមហ៊ុនសាជីវកម្មចិន COFCO និងចូលរួមតំណាងសហព័ន្ធស្រូវអង្ករកម្ពុជា មានឧកញ៉ា ចាន់ សុឃាំង អនុប្រធានសហព័ន្ធ លោកស្រី គឹម ស្រីរ័ត្ន អនុប្រធានសហព័ន្ធ និង លោក ឡាយ ឈុនហួ អនុប្រធានសហព័ន្ធ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៩ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៩ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ១២ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១៣ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

Sokha Hotels

ព័ត៌មានពេញនិយម