ព័ត៌មានជាតិ
លោក អ៊ុន ចាន់ដា ៖ ឆ្នាំ២០២១ សន្តិសុខក្នុងខេត្តកំពង់ចាមរក្សាបានល្អ តែនៅមានបញ្ហាប្រឈមខ្លះត្រូវដោះស្រាយ
លោក អ៊ុន ចាន់ដា អភិបាលខេត្តកំពង់ចាមបានលើកឡើងថា នៅក្នុងឆ្នាំ២០២១កន្លងទៅ សភាពការណ៍សន្តិសុខ សណ្ដាប់ធ្នាប់សាធារណៈ រក្សាបាននូវសន្តិភាព ស្ថិរភាពនយោបាយបានល្អដោយបានបន្តជម្រុញដំណើរការអភិវឌ្ឍសេដ្ឋកិច្ច សង្គម មានការអភិវឌ្ឍន៍ រីកចម្រើនលើគ្រប់វិស័យ។ ប៉ុន្តែ នៅមានបញ្ហាសេសស់មួយចំនួនទៀតដែលទាមទារឱ្យរដ្ឋបាលខេត្ត ត្រូវបន្តដោះស្រាយនៅឆ្នាំ២០២២នេះឱ្យកាន់តែមានប្រសិទ្ធភាព។
ថ្លែងបើកសន្និបាតបូកសរុបលទ្ធផលការងារប្រចាំឆ្នាំ២០២១ និងលើកទិសដៅការងារប្រចាំឆ្នាំ២០២២នាព្រឹកថ្ងៃទី១៥ ខែមីនានេះ លោក អ៊ុន ចាន់ដា បានប្រសាសន៍ថា នៅក្នុងឆ្នាំ២០២១ កងកម្លាំងនគរបាល កងរាជអាវុធហត្ថ តំបន់ប្រតិបត្តិការសឹករងកំពង់ចាម បានសហការ និងបានចូលរួមពីកម្លាំងអនុវត្តច្បាប់នានា អាជ្ញាធរគ្រប់លំដាប់ថ្នាក់ និងការគាំទ្រការចូលរួមពីប្រជាពលរដ្ឋគ្រប់មជ្ឈដ្ឋានតាមរយៈការអនុវត្តគោលនយោបាយ ភូមិ ឃុំ សង្កាត់មានសុវត្ថិភាព បានរួមគ្នាយ៉ាងសកម្មក្នុងការបង្ការទប់ស្កាត់បង្ក្រាបបទល្មើសនានាក្នុងខេត្តឲ្យកាន់តែមានប្រសិទ្ធភាពថែមទៀត។
លោកបន្តថា ចំពោះការអនុវត្តគោលនយោបាយភូមិ ឃុំ សង្កាត់មានសុវត្ថិភាព ដូចជា បញ្ហាប្រឈម ពិសេសបញ្ហាគ្រឿងញៀនខុសច្បាប់ ការអនុវត្តច្បាប់ចរាចរណ៍ ការបង្ក្រាបល្បែងស៊ីសង ការប្រយុទ្ធប្រឆាំងនឹងការជួញដូរ ការដោះស្រាយជម្លោះដីធ្លីរបស់ប្រជាពលរដ្ឋនៅមូលដ្ឋាន ការអនុវត្តដំណើរការនៃការចុះបញ្ជីជាលក្ខណៈប្រព័ន្ធ នៅមិនទាន់បានចប់សព្វគ្រប់នៅឡើយ។ រីឯ ការឆ្លើយតបនឹងការគ្រប់គ្រងគ្រោះមហន្តរាយដោយធម្មជាតិ ដែលកើតមាននៅក្នុងខេត្ត រួមនឹងការអនុវត្តវិធានការ បទបញ្ជានានារបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងទប់ស្កាត់ការឆ្លងរាលដាលនៃជំងឺកូវីដ ១៩ អាជ្ញាធរមូលដ្ឋាន រួមនឹងកងកម្លាំងប្រដាប់អាវុធ និងអ្នកពាក់ព័ន្ធទាំងអស់ បានចូលរួមយ៉ាងសស្រាក់សស្រាំ និងចាត់វិធានការបង្ការទប់ស្កាត់ប្រកបដោយប្រសិទ្ធភាពខ្ពស់ ។
លោកអភិបាលខេត្តបានបន្ថែមថា«ទន្ទឹមនឹងសមិទ្ធផលទាំងអស់នេះ យើងក៏កត់សម្គាល់ឃើញការងារ ដែលនៅសេសសល់ និងបញ្ហាប្រឈមនានា ក្នុងការអនុវត្តតួនាទី ភារកិច្ច និងការទទួលខុសត្រូវ របស់រដ្ឋបាលខេត្តយើង ដែលបានគូសបញ្ជាក់ក្នុងរបាយការណ៍ ហើយថ្នាក់ដឹកនាំខេត្ត បានឯកភាពកំណត់យកទិសដៅ និងបញ្ហាប្រឈមជាចំបងៗ រៀបចំជាប្រធានបទ សម្រាប់ពិភាក្សា នៅតាមក្រុម នាពេលនេះ ផងដែរ »។
ជាមួយគ្នានេះ លោកអភិបាលខេត្ត ក៏បានលើកទឹកចិត្ត លោក លោកស្រី សមាជិក សមាជិកា នៃអង្គសន្និបាត ផ្ដល់នូវការគាំទ្រ និងចូលរួមខិតខំអស់កម្លាំងកាយ ប្រាជ្ញាស្មារតី ដើម្បីពិភាក្សាឲ្យបានផុលផុសអំពីសមិទ្ធផលបញ្ហាប្រឈម និងដំណោះស្រាយ ព្រមជាមួយនឹងផ្ដល់នូវបទពិសោធន៍ល្អៗ សម្រាប់ជាមូលដ្ឋានក្នុងការកំណត់ទិសដៅការងារឆ្នាំ២០២២នេះ ឱ្យកាន់តែមានប្រសិទ្ធភាពថែមទៀត៕
ដោយ ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង