ព័ត៌មានជាតិ
សម្ដេចតេជោ ហ៊ុន សែន ហៅសមិទ្ធផលទាំងឡាយ ដែលកើតឡើងនៅខេត្តសៀមរាបថាជា «តារារះនាទិសឧត្តរ»
មានប្រសាសន៍ នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវផ្លូវចំនួន ៣៨ខ្សែ និងហេដ្ឋារ ចនាសម្ព័ន្ធ ជាច្រើននៅទីក្រុងសៀមរាប នាព្រឹកថ្ងៃទី ៤ ខែមេសា ឆ្នាំ ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានហៅ ការអភិវឌ្ឍទាំងឡាយនៅទីក្រុងសៀមរាប ក៏ដូចជាខេត្តសៀមរាបទាំងមូលថាជា «តារារះនាទិសឧត្តរ» ដោយសារតែអ្វីនៅទីនេះកើតឡើងពីស្នាដៃខ្មែរ ហើយបានដោះស្រាយនូវភាពស្មុគស្មាញ និងត្រាំត្រែងរយៈពេល៣០, ៤០ឆ្នាំមកហើយ។
សម្ដេចតេជោ បានលើកឡើងថា «នេះគឺជាផ្លែផ្កា ដែលបានមកពីសន្តិភាព និងការអភិវឌ្ឍដោយផ្ទាល់តែម្ដងរបស់យើង។ យើងបាននិយាយពាក់ព័ន្ធនឹងសន្តិភាព ហើយយើងក៏បាននិយាយអំពីការអភិវឌ្ឍដែរ ដែលសំដៅទៅដល់ការ ខ្មែរអាចធ្វើបាន។ ដោយសារដីទីនេះ អ្វីដែលយើងសម្រេចបាន ហើយកំពុងសម្ពោធដាក់ឲ្យប្រើប្រាស់ ត្រូវធ្វើដោយដៃកូនខ្មែរផ្ទាល់ ដោយគ្មានជំនាញការបរទេស ហើយក៏គ្មានថវិកាបរទេសមួយសេនណានោះទេ»។
សម្ដេចតេជោនាយករដ្ឋមន្ត្រី បានថ្លែងបន្តថា «យើងយកកម្ពុជាចិញ្ចឹមកម្ពុជា តាមរយៈកំណើនសេដ្ឋកិច្ចប្រចាំឆ្នាំ ជាមួយនឹងអតិរេកថវិកា ដែលយើងមាន យើងខំសន្យំ។ យើងបានប្រើប្រាស់ប្រាក់ប្រើប្រាស់វា យកទៅកសាងហេដ្ឋារចនាសម្ព័ន្ធ នៅខេត្តព្រះសីហនុ ហើយយើងឆ្លៀតយកឱកាសនៃអវត្តមាន ភ្ញៀវបរទេស ដែលធ្លាប់តែមកកកកុញ នៅខេត្តសៀមរាប ធ្វើជាពេល វេលានៃការស្ថាបនាផ្លូវឲ្យហើយ ដោយយើងរំពឹងថា បន្ទាប់ពីជំងឺកូវីដ-១៩ បានធូរស្រាល ភ្ញៀវទេសចរណ៍ នឹងមកកាន់ទីនេះ ហើយបង្កើតបាននូវស្ថានភាព សម្រាប់វិធីក្រុងសៀមរាបនូវវិស័យទេសចរណ៍ សម្រាប់ប្រទេសជាតិរបស់យើង និងបានហៅថាជា «តារារះនាទិសឧត្តរ»។
បើតាមសម្ដេចតេជោ ហ៊ុន សែន ការប្រសិទ្ធនាមបែបនេះ ដោយសារតែហេដ្ឋារចនាសម្ព័ន្ធ ដែលទីក្រុងសៀមរាបមិនត្រឹមតែផ្លូវនោះទេ គឺបានរៀបចំនូវប្រព័ន្ធដងស្ទឹងសៀមរាបដ៏ស្មុគស្មាញ និងត្រាំត្រែងរយៈពេល ៣០, ៤០ឆ្នាំមកហើយ ជាមួយដឹងវត្តមានព្រលានយន្តហោះ ដែលនឹងសម្ពោធដាក់ឲ្យប្រើប្រាស់នៅឆ្នាំ ២០២៣ ខាងមុខ “ហើយវាល្មមដល់ ពេលដែលយើងហៅទិសឧត្តរនេះថាជា «ដារារះនៅទិសឧត្តរ»។
សម្ដេចតេជោពិតជាមានមោទនភាព នៅពេលដែលសម្តេច ដើរពិនិត្យមើលនូវហេដ្ឋារចនាសម្ព័ន្ធនៅក្នុងទីក្រុងសៀមរាប និងសម្ពោធដាក់ឲ្យប្រើប្រាស់ជាផ្លូវការនាពេលនេះ។ សម្តេចថា នេះមិនមែនជាការងាយស្រួលទេ។ ប៉ុន្តែអ្វីៗ បានកើតឡើងដោយភាពឈ្លាសវៃ របស់អ្នកដឹកនាំ ជាពិសេសក្រុមបញ្ញាវ័ន្តវ័យក្មេង ដែលជាអ្នកបច្ចេកទេសបានខិតខំប្រឹងប្រែង៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង