ព័ត៌មានជាតិ

ពលរដ្ឋមានជីវភាពខ្វះខាត៥២គ្រួសារ ទទួលអំណោយពីអនុសាខាកាកបាទក្រហមកម្ពុជា

បានផុស

៣ years មុន

នៅ

ថ្ងៃសៅរ៍ ១៩ ធ្នូ ២០២០

ដោយ

ប្រធានគណៈកម្មាធិការអនុសាខាកាកបាទក្រហមកម្ពុជាស្រុកសាលាក្រៅ បានអញ្ជើញចុះសួរសុខទុក្ខ និងនាំអំណោយមនុស្សធម៌ចែកជូនក្រុមគ្រួសារប្រជាពលរដ្ឋដែលមានជីវភាពខ្វះខាត៥២គ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ លោក ឡោ ស៊ុនជាង ប្រធានគណៈកម្មាធិការអនុសាខាកាកបាទក្រហមកម្ពុជាស្រុកសាលាក្រៅ បានដឹកនាំសមាជិក សមាជិកាគណៈកម្មាធិការ អនុសាខា ក ក្រ ក ស្រុក និងមានការចូលរួមពីយុវជន ស.ស.យ.ក ឃុំស្ទឹងកាច់ អាជ្ញាធរមូលដ្ឋាន បានអញ្ជើញចុះសាកសួរសុខទុក្ខ និងនាំយកនូវអំណោយមនុស្សធម៌ ទៅចែកជូនក្រុមគ្រួសារប្រជាពលរដ្ឋដែលមានជីវភាពខ្វះខាតចំនួន៥២គ្រួសារ ក្នុងគោលដៅឃុំចំនួនពីរ គឺឃុំស្ទឹងកាច់ និងឃុំអូរអណ្តូង ស្រុកសាលាក្រៅ ខេត្តប៉ៃលិន។

ក្នុងឱកាសនេះដែរ លោក ឡោ ស៊ុនជាង បានពាំនាំប្រសាសន៍ផ្ដាំផ្ញើសួរសុខទុក្ខពី លោកជំទាវបណ្ឌិត បាន ស្រីមុំ ប្រធានគណៈកម្មាធិការសាខា ក ក្រ ក ខេត្តប៉ៃលិន ជាពិសេសមានការគិតគូរយកចិត្តទុកដាក់ពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្ដេច តែងតែគិតគូរសុខទុក្ខដល់បងប្អូនប្រជាពលរដ្ឋក្រីក្រជួបទុក្ខលំបាក និងជនរងគ្រោះងាយគ្រោះ ដោយមិនប្រកាន់រើសអើងវណ្ណៈ ពូជសាសន៍ ពណ៌សម្បុរ ឬនិន្នាការនយោបាយអ្វីឡើយ។

លើសពីនេះទៀត លោកប្រធាន ក៏បានធ្វើការផ្សព្វផ្សាយជំងឺកូវីដ-១៩ ដល់បងប្អូនប្រជាពលរដ្ឋទាំងអស់ឲ្យយល់ដឹងអំពីវិធានការការពារ និងថែរក្សាអនាម័យ ជាពិសេសអនុវត្តឲ្យបាននូវអនុសាសន៍ដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៏ដូចជាសារអប់រំនានា របស់ក្រសួងសុខាភិបាល សំដៅចូលរួមប្រយុទ្ធប្រឆាំង ទប់ស្កាត់ការរីករាលដាលជំងឺកូវីដ-១៩ ក្នុងបរិបទសហគមន៍ ២៨ វិច្ឆិកា ២០២០។

សូមបញ្ជាក់ថា អំណោយមនុស្សធម៌ដែលអនុសាខាចែកជូនដល់បងប្អូនប្រជាពលរដ្ឋខ្វះខាតនាពេលនេះ ក្នុងមួយគ្រួសារទទួលបាន ៖ អង្ករ២៥គីឡូក្រាម ទឹកស៊ីអ៊ីវ៣ដប សៀង១ដប ផ្អក១កែវ និងថវិកា ១០ ០០០ រៀល(ដប់ពាន់រៀលគត់) ផងដែរ៕

អត្ថបទ ៖ សេង សុវណ្ណារិទ្ធ

Related Topics:អំណោយ