ព័ត៌មានជាតិ
អង្គការបារាំង ពិនិត្យសុខភាព និងផ្ដល់ឧបករណ៍ជំនួយការស្ដាប់ ជូនកុមារគថ្លង់ឡើងវិញ
អង្គការ ESC មកពីប្រទេសបារាំង បានចាប់ផ្ដើមបេសកកម្មការងារ ជួយថែទាំពិនិត្យសុខភាព និងផ្ដល់ឧបករណ៍ជំនួយការស្ដាប់ ដល់កុមារគថ្លង់នៅកម្ពុជាជាថ្មីឡើងវិញ ក្រោយពីបានខកខានរយៈពេលពីរឆ្នាំ ដោយសារការរាតត្បាតជំងឺកូវីដ-១៩។

អង្គការ ESC ដែលមានលោក ហ្សង់ប៉ូល (Jean Paul) ជាស្ថាបនិក បានដឹកនាំក្រុមការងារ មកពិនិត្យសុខភាពត្រចៀក ក៏ដូចជាផ្ដល់ឧបករណ៍ជំនួយការស្ដាប់ ជូនកុមារគថ្លង់ នៅសាលាអប់រំពិសេសទាំង ៥នៅកម្ពុជា។ ជាក់ស្ដែងនៅថ្ងៃទី ៧ ខែមិថុនា ក្រុមការងារនៃអង្គការ ESC ដែលមកពីប្រទេសបារាំងនេះ កំពុងបំពេញបេសកកម្មការងាររបស់ខ្លួន ជូនសិស្សជាង ១០០នាក់ នៅទីតាំងវិទ្យាល័យ អប់រំពិសេស ច្បារអំពៅ ទៅតាមតម្រូវការជាក់ស្ដែង។

លោក ហ្សង់ប៉ូល បានមានប្រសាសន៍ថា លោកបានចាប់ផ្ដើមការងារជួយកុមារគថ្លង់នៅកម្ពុជា តាំងពីឆ្នាំ ២០០១ មកម្ល៉េះ ហើយក៏បានជួយដល់កុមារកម្ពុជាជាច្រើនផងដែរ។ លោកបន្តថា ក្រៅការផ្ដល់ជូននូវឧបករណ៍ជំនួយការស្ដាប់នេះ បេសកកម្មរបស់អង្គការក៏ផ្ដោតលើការបណ្ដុះបណ្ដាលគ្រូបង្រៀននៅសាលាអប់រំពិសេសផងដែរ។

លោក ម៉ែន សុវណ្ណ ជានាយកវិទ្យាល័យ អប់រំពិសេស ច្បារអំពៅ បានមានប្រសាសន៍ឱ្យដឹងថា បច្ចុប្បន្នវិទ្យាល័យ អប់រំពិសេស ច្បារអំពៅ មានសិស្សជាកុមារគថ្លង់ចំនួន ១២១នាក់ កំពុងសិក្សា និងមានមួយចំនួន គឺស្នាក់នៅក្នុងទីតាំងសាលាផ្ទាល់។ កុមារទាំងអស់ សុទ្ធតែទទួលបានការត្រួតពិនិត្យ ក៏ដូចជានឹងអាចទទួលបានឧបករណ៍ជំនួយការស្ដាប់ទៅតាមស្ថានភាពជាក់ស្ដែង ដោយកុមារខ្លះត្រូវប្រើប្រាស់ឧបករណ៍ជំនួយការស្ដាប់ទាំងសងខាង រីឯកុមារខ្លះត្រូវការតែម្ខាង ឬក៏ពុំត្រូវការ។

លោកបានថ្លែងអំណរគុណចំពោះសកម្មភាពរបស់អង្គការ ESC ដែលបានជួយពិនិត្យសុខភាព និងផ្តល់ឧបករណ៍ជំនួយការស្តាប់ដល់សិស្សវិទ្យាល័យ អប់រំពិសេស ច្បារអំពៅ ព្រោះជំនួយទាំងនេះ ពិតជាមានសារៈសំខាន់សម្រាប់កុមារគថ្លង់ ខណៈដែលសាលាពុំទាន់មានលទ្ធភាពគ្រប់គ្រាន់នៅឡើយ។

លោក ម៉ែន សុវណ្ណ បានបញ្ជាក់ថា បច្ចុប្បន្ននេះវិទ្យាល័យ អប់រំពិសេស ច្បារអំពៅ ក្រៅពីការផ្ដល់ការសិក្សាពិសេសជូនកុមារគថ្លង់ តាមរយៈភាសាកាយវិការ សាលាក៏ផ្ដល់ជូនការស្នាក់នៅ អាហារជូនកុមារដោយពុំគិតថ្លៃផងដែរ៕
អត្ថបទ៖ សំអឿន

-
ព័ត៌មានអន្ដរជាតិ៤ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ ago
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
បច្ចេកវិទ្យា៤ ថ្ងៃ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានជាតិ៣ ថ្ងៃ ago
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ