Connect with us

ព័ត៌មានជាតិ

មន្ទីរពេទ្យគន្ធបុប្ផា អំពាវនាវពលរដ្ឋឲ្យប្រុងប្រយ័ត្នពីជំងឺគ្រុនឈាមនារដូវធ្លាក់ភ្លៀងនេះ

បានផុស

នៅ

មន្ទីរពេទ្យគន្ធបុប្ផា នៅព្រឹកថ្ងៃទី១៤ ខែមិថុនា ឆ្នាំ២០២២ នេះ បានអំពាវនាវឲ្យប្រជាពលរដ្ឋមានការប្រុងប្រយ័ត្នពីជំងឺគ្រុនឈាមនៅរដូវភ្លៀងធ្លាក់នេះ ជាពិសេសឪពុកម្ដាយត្រូវប្រយ័ត្នចំពោះកូនតូចៗ ព្រោះគ្រុនឈាមអាចសម្លាប់កូនរបស់យើងបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំងឺគ្រុនឈាម បង្កឡើងដោយមូសខ្លាញី ដែលមានផ្ទុកវីរុសគ្រុនឈាម (អាចមាន៤ប្រភេទវីរុស) ដែលខាំចម្លងពីមនុស្សម្នាក់ទៅម្នាក់ទៀត នៅពេលថ្ងៃ។ ជំងឺគ្រុនឈាម ពុំមានថ្នាំព្យាបាលទេ នៅពេលកើតជំងឺគ្រុនឈាម ត្រូវតាមដាននូវការវិវត្តន៍នៃស្ថានភាពជំងឺ និងត្រូវទៅរកការតាមដានព្យាបាល ដោយគ្រូពេទ្យជំនាញ ប្រកបដោយវិជ្ជាវីវៈ និងគុណភាព ។ គ្រុនឈាម អាចសម្លាប់កូនៗរបស់លោកអ្នកបាន ការពារកូនៗ ពីជំងឺគ្រុនឈាម គឺត្រូវចូលរួមទាំងអស់គ្នា ក្នុងការបំបាត់មូសខ្លា – ជម្រកពងមូសខ្លា និងការពារបុត្រធីតា ពីមូសខ្លាញីខាំ។

ជាក់ស្តែងក្មេងស្រីម្នាក់នេះអាយុ៧ឆ្នាំ ត្រូវបានយកមកពីគ្លីនិកឯកជនមួយ ក្នុងខេត្តកំពង់ស្ពឺ នៅថ្ងៃទី៤នៃជំងឺគ្រុនឈាម ដែលឈានដល់ដំណាក់កាលធ្ងន់ធ្ងរបំផុត បានត្រូវសង្រ្គោះជីវិត នៅមន្ទីរពេទ្យគន្ធបុប្ផា ក្រោយឆ្លងផុតដំណាក់កាលផុតជីចរ (shock) ៦ដង និងត្រូវបញ្ចូលប្លាស្មាអស់៥ប្លោក។
អរគុណនិងសូមកោតសរសើរ ក្រុមគ្រូពេទ្យឯកទេសសង្រ្គោះបន្ទាន់ ដែលបានជួយសង្រ្គោះជីវិតមួយនេះ អរគុណ មូលនិធិគន្ធបុប្ផាកម្ពុជា និងមូលនិធិគន្ធបុប្ផាស្វីស៕

អត្ថបទ៖ រស្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម