ព័ត៌មានជាតិ
អគារពហុព្យាបាលកម្ពស់៨ជាន់ នៅមន្ទីរពេទ្យព្រះអង្គឌួង នឹងសាងសង់រួចរាល់នៅខែសីហាខាងមុខនេះ
អគារពហុព្យាបាលមានកម្ពស់៨ជាន់ដ៏ថ្មីសន្លាងមួយទៀត ស្ថិតនៅក្នុងមន្ទីរពេទ្យព្រះអង្គឌួង នឹងសាងសង់រួចរាល់នៅខែ
សីហា ឆ្នាំ២០២២ខាងមុខនេះ ដើម្បីបម្រើដល់ការព្យាបាលជំងឺជូនដល់ប្រជាពលរដ្ឋប្រកបដោយគុណភាព និងប្រសិទ្ធភាពខ្ពស់។
លោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង បានមានប្រសាសន៍នៅព្រឹកថ្ងៃទី១៦ ខែមិថុនា នេះថា អគារពហុព្យាបាលដែលមានកម្ពស់៨ជាន់នេះ បានចាប់ផ្តើមសាងសង់កាលពីខែមេសា ឆ្នាំ២០២១ ហើយគ្រោងនឹងបញ្ចប់ការសាងសង់នៅខែសីហា ឆ្នាំ២០២២ខាងមុខនេះ ដោយចំណាយថវិកាប្រមាណ ៣លានដុល្លារអាមេរិក ជាថវិការបស់រាជរដ្ឋាភិបាល។ លោកសាស្ត្រាចារ្យបានបន្តថា បច្ចុប្បន្ន អគារពហុព្យាបាលនេះសាងសង់សម្រេចបាន៨០ភាគរយហើយ នៅសល់ពិដាន លាបថ្នាំ និងការបំពាក់នូវសម្ភារ និងបរិក្ខារប៉ុណ្ណោះ ។
លោកសាស្ត្រាចារ្យបានបន្តទៀតថា តាមគម្រោងអគារនេះ គ្រោងនឹងដាក់ឱ្យដំណើរការនៅខែកញ្ញា ឆ្នាំ២០២២ខាងមុខនេះ ដើម្បីឆ្លើយតបទៅនឹងតម្រូវការរបស់អ្នកជំងឺដែលមកទទួលសេវានៅមន្ទីរពេទ្យកើនឡើងជាលំដាប់ព្រោះថាក្នុង១ថ្ងៃមន្ទីរពេទ្យបានទទួលអ្នកជំងឺមកពិគ្រោះជំងឺក្រៅប្រមាណពី១៣០០ទៅ១៥០០នាក់ ដែលភាគច្រើនជាប្រជាពលរដ្ឋទូទៅនិងកម្មកររោងចក្រនិងវះកាត់ជាមធ្យមក្នុង១ថ្ងៃចំនួន១៣០នាក់ ក្នុងនោះវះកាត់ភ្នែក ត្រចៀក ច្រមុះ និងបំពង់កប្រមាណ១០០នាក់។
លោកសាស្ត្រាចារ្យបានបន្ថែមថា បច្ចុប្បន្ននេះមន្ទីរពេទ្យមានអគារថ្មីសន្លាងចំនួន៣រួចមកហើយ គឺទី១អគារព្យាបាលភ្នែកមានកម្ពស់ ៣ជាន់ជាជំនួយរបស់រដ្ឋាភិបាលកូរ៉េខាងត្បូង ទី២អគារត្រចៀក ច្រមុះបំពង់ក កម្ពស់ ៥ជាន់តម្លៃ ៨ លានដុល្លារ ដែលជាជំនួយរបស់រដ្ឋាភិបាលកូរ៉េខាងត្បូង និងអគារកម្ពស់៥ជាន់ដែលជាថវិការបស់រដ្ឋសម្រាប់ព្យាបាលជំងឺទូទៅដែលមានគ្រែសរុប៥៣០គ្រែ ខណៈកាលពីឆ្នាំ២០០៨ មន្ទីរពេទ្យមានគ្រែត្រឹមតែ៨០គ្រែប៉ុណ្ណោះ។ ប៉ុន្តែនៅពេលអគារកម្ពស់៨ជាន់ដាក់ដំណើរការនឹងធ្វើឱ្យចំនួនគ្រែកើនឡើងដល់ទៅ៧៣០គ្រែ។
លោកនាយកមន្ទីរពេទ្យបានបញ្ជាក់ថា នៅពេលសាងសង់អគារបានរួចរាល់នោះ នឹងធ្វើឱ្យមន្ទីរពេទ្យព្រះអង្គឌួងក្លាយជាមន្ទីរពេទ្យរដ្ឋមួយទំនើបក្នុងចំណោមមន្ទីរពេទ្យរដ្ឋផ្សេងៗទៀតពិសេសជួយក្នុងការសម្រួលដល់ការសម្រាកព្យាបាលជំងឺនៅក្នុងមន្ទីរពេទ្យផ្ទាល់តែម្តងពិសេសជួយបំពេញការឆ្លើយតបទៅនឹងតម្រូវការរបស់ប្រជាពលរដ្ឋក៏ដូចជាបង្កើនគុណភាពសេវាកម្មក្នុងមន្ទីរពេទ្យព្រះអង្គឌួងឱ្យល្អប្រសើរមួយកម្រិតទៀត។ព្រោះថាជាគោលការណ៍មន្ទីរពេទ្យបានកំណត់ថាក្នុង១ថ្ងៃត្រូវពិនិត្យអ្នកជំងឺម្នាក់ឱ្យចប់សព្វគ្រប់តែម្តងទាំងការពិគ្រោះ ថតឆ្លុះមើលឈាមមុននឹងដាក់កម្មវិធីវះកាត់លើកលែងតែក្នុងករណីអ្នកជំងឺវះកាត់ខ្លះដែលមានជំងឺប្រចាំកាយច្រើនដូចជាជំងឺលើសឈាមជំងឺទឹកនោមផ្អែមឬជំងឺបេះដូងដែលទាមទារឱ្យព្យាបាលជំងឺទាំងនោះបានធូរស្រាលសិនទើបអាចធ្វើការវះកាត់បានទោះបីជាអ្នកជំងឺក្រីក្រកម្មកររោងចក្រឬអ្នកជំងឺទូទៅក៏ដោយត្រូវអនុវត្តដោយស្មើភាពគឺក្នុង១ថ្ងៃត្រូវមើលឱ្យចប់។
លោកនាយកមន្ទីរពេទ្យបានអះអាងថាការធ្វើបែបនេះគឺលោកមិនចង់ឱ្យអ្នកជំងឺត្រូវរង់ចាំយូរច្រើនថ្ងៃដែលធ្វើឱ្យពួកគាត់ត្រូវចំណាយពេលវេលានិងថវិកាច្រើនក្នុងការស្នាក់នៅនិងហូបចុកទម្រាំបានវះកាត់ឬដឹងលទ្ធផលប្រភេទជំងឺរបស់ពួកគាត់នោះទេ៕
អត្បទសំ
អឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង