Connect with us

ព័ត៌មានជាតិ

ស្ថាប័នពាក់ព័ន្ធ ត្រៀមចាត់វិធានការ និងអះអាងថា គ្មានការប្រើប្រាស់​បារីអេឡិចត្រូនិកក្នុងសាលា

បានផុស

នៅ

ក្រោយពីផ្ទុះព័ត៌មានទាក់ទងការចរាចរណ៍ និងប្រើប្រាស់បារីអេឡិចត្រូនិក នៅលើបណ្តាញសង្គម មន្រ្តីជាន់ខ្ពស់មន្ទីរអប់រំ និងស្ថាប័នពាក់ព័ន្ធ បានចេញបដិសេធ និងត្រៀមចាត់វិធានការចំពោះអ្នកប្រើប្រាស់ និងចែកចាយដើម្បីទប់​ស្កាត់ឱ្យបានទាន់ពេល។

លោក ហែម ស៊ីណារ៉េត ប្រធានមន្ទីរអប់រំយុជន និងកីឡារាជធានីភ្នំពេញ បានបដិសេធនៅព្រឹកថ្ងៃទី២២ ខែមិថុនាថា រហូតមកដល់ពេលនេះ នៅមិនទាន់មានសិស្សណាម្នាក់ បានប្រើប្រាស់បារីអេឡិចត្រូនិក នៅតាមសាលារៀន​នៅឡើយទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបដិសេធនេះ បានធ្វើឡើងបន្ទាប់ពីមានបណ្តាញសង្គមមួយចំនួនបាននិយាយតៗគ្នាថា​មានសិស្សសាលានៅភ្នំពេញ​មួយ​ចំនួន កំពុងប្រើប្រាស់បារីអេឡិចត្រូនិចហាក់មាននិន្នាការកើនឡើងគួរឱ្យព្រួយបារម្ភ។

លោកប្រធានមន្ទីរបានបន្តថា « យើងអត់ទាន់មានឃើញការប្រើប្រាស់បារីអេឡិចត្រូនិចនៅតាមសាលារៀនទេ តែបើសិស្សប្រើនៅកន្លែងផ្សេងៗទៀត យើងក៏មិនដឹងដែរ»។

យ៉ាងណាក៏ដោយ លោកប្រធានមន្ទីរបានបន្តទៀតថា មន្ទីរនឹងបន្តតាមដានយកចិត្តទុកដាក់ ចំពោះករណីនេះ ព្រោះយើងក៏មានការព្រួយមបារម្ភខ្លាចមានការនាំចូលមកប្រើប្រាស់នៅតាមសាលារៀនដែរ។

ទន្ទឹមនឹងនេះ លោក ហែម ស៊ីណារ៉េត បានណែនាំដល់នាយកសាលាទាំងអស់ ត្រូវអប់រំណែនាំដល់សិស្សអំពីផលប៉ះ​ពាល់នៃការប្រើប្រាស់បារីអេឡិចត្រូនិចនេះ ដើម្បីធ្វើយ៉ាងណាទប់ស្កាត់ កុំឱ្យនាំចូលដល់សាលារៀនធ្វើឱ្យប៉ះពាល់​ដល់ការសិក្សារបស់សិស្ស។

ជាមួយគ្នានេះ លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបាន​មានប្រសាសន៍ នៅព្រឹកទី២២ មិថុនានេះដែរថា ចំពោះការប្រើប្រាស់បារីអេឡិចត្រូនិចនេះ អគ្គស្នងការ​នគរបាលជាតិបានដាក់បទបញ្ជារួចហើយឱ្យទប់ស្កាត់និងបង្ក្រាបឱ្យបានទាន់ពេលវេលា។

លោកវរសេនីយ៍ឯក បានបន្តថា បច្ចុប្បន្ននេះកម្លាំងសមត្ថកិច្ច បាននិងកំពុងបន្តចុះស្រាវជ្រាវរកប្រភពនាំចូល និងកន្លែងលក់បារីអេឡិចត្រូនិចនេះ ដើម្បីធ្វើការបង្ក្រាបកុំឱ្យបន្តរីករាលដាលកាន់តែធំ ព្រោះអ្នកដែលប្រើប្រាស់​បារីអេឡិចត្រូនិចនេះ អាចធ្វើឱ្យប៉ះពាល់ដល់សុខភាព ពិសេសប៉ះពាល់សួតតែម្តង៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៦ នាទី មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៣៣ នាទី មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥៧ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ១ ម៉ោង មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ២ ម៉ោង មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

Sokha Hotels

ព័ត៌មានពេញនិយម