Connect with us

ព័ត៌មានជាតិ

សម្ដេច ទៀ បាញ់ ៖ វត្តមានរដ្ឋមន្ត្រីការពារជាតិមីយ៉ាន់ម៉ា ក្នុងកិច្ចប្រជុំរដ្ឋមន្ត្រីការពារជាតិអាស៊ាន គឺមានការឯកភាពពីសមាជិកអាស៊ាន

បានផុស

នៅ

ប្រមុខការពារជាតិកម្ពុជា សម្ដេចពិជ័យសេនា ទៀ បាញ់ បញ្ជាក់ឲ្យដឹងថា វត្តមានរបស់រដ្ឋមន្ត្រីការពារជាតិមីយ៉ាន់ម៉ា ក្នុងកិច្ចប្រជុំរដ្ឋមន្ត្រីការពារជាតិអាស៊ានលើកទី ១៦ នៅរាជធានីភ្នំពេញ គឺមានការឯកភាពជាឯកច្ឆន្ទពីសមាជិកអាស៊ានទាំងអស់។ ប្រមុខការពារជាតិកម្ពុជា គូសបញ្ជាក់បែបនេះ បន្ទាប់ពីមានការលើកឡើងថា កម្ពុជាហាក់កំពុងទទួលស្គាល់ រដ្ឋាភិបាលយោធាមីយ៉ាន់ម៉ា ខណៈពិភពលោកចាត់ទុក រដ្ឋាភិបាលមីយ៉ាន់ម៉ាដឹកនាំដោយលោក មីង អោងឡាំង គឺរដ្ឋាភិបាលខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសន្និសីទកាសែត ក្រោយបិទបញ្ចប់កិច្ចប្រជុំរដ្ឋមន្ត្រីការពារជាតិអាស៊ាន កាលពីថ្ងៃទី ២២ ខែមិថុនា ឆ្នាំ ២០២២ សម្ដេចពិជ័យសេនា ទៀ បាញ់ ថ្លែងថា ការខិតខំប្រឹងប្រែងរបស់កម្ពុជា ក្នុងនាមជាប្រធានអាស៊ានប្ដូរវេន ឆ្នាំ ២០២២ នេះ គឺកម្ពុជាបានបំពេញការងារតាមតួនាទីរបស់ខ្លួនយ៉ាងប្រសើរបំផុត ស្របតាមគោលការណ៍ និងធម្មនុញ្ញរបស់អាស៊ាន។

ពាក់ព័ន្ធនឹងការអញ្ជើញចូលរួម របស់រដ្ឋមន្ត្រីការពារជាតិមីយ៉ាន់ម៉ា សម្ដេចពិជ័យសេនា គូសបញ្ជាក់ថា សមាគមប្រជាជាតិអាស៊ីអាគ្នេយ៍ ឬហៅកាត់ថា អាស៊ាន គឺមានប្រទេសជាសមាជិក ១០ប្រទេស។ ក្នុងនោះ ក៏មានប្រទេសមីយ៉ាន់ម៉ា ជាសមាជិកដែរ។ ដូច្នេះ កម្ពុជាក្នុងនាមជាម្ចាស់ផ្ទះនៃកិច្ចប្រជុំនេះ គឺបំពេញតួនាទី ដោយគ្មានការរើសអើងចំពោះបុគ្គលណាមួយ ឬប្រទេសជាសមាជិកណាឡើយ ជាពិសេសត្រូវធានារក្សាឲ្យបានម៉ឺងម៉ាត់បំផុត ស្របតាមទស្សនទានរបស់អាស៊ាន គឺសាមគ្គីភាព ដើម្បីសន្ដិសុខប្រកបដោយសុខដុម។

តែយ៉ាងណាក្ដី ថ្លែងបើកក្នុងកិច្ចប្រជុំរដ្ឋមន្ត្រីការពារជាតិអាស៊ាន ប្រមុខការពារជាតិកម្ពុជា លើកឡើងថា បញ្ហានៅមីយ៉ាន់ម៉ា គឺជាបញ្ហាប្រឈមដែលធ្វើឲ្យប៉ះពាល់ដល់ឯកភាព និងភាពស្អិតល្មួតរបស់អាស៊ាន ដែលភាគីទាំងអស់ត្រូវយកចិត្តទុកដាក់ដោះស្រាយ។ ទន្ទឹមនឹងនេះ សម្ដេច ក៏បានជំរុញឲ្យមីយ៉ាន់ម៉ា ត្រូវពន្លឿនការអនុវត្តកិច្ចព្រមព្រៀងជាឯកច្ឆ័ន ៥ចំណុចរបស់អាស៊ាន ដើម្បីកុំឲ្យប៉ះពាល់ដល់ឯកភាព និងភាពស្អិតល្មួតរបស់អាស៊ាន៕

អត្ថបទ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ពាណិជ្ជកម្ម និងវិនិយោគ ជាតម្រូវការក្នុងការជំរុញកិច្ចសហប្រតិបត្តិការរវាងកម្ពុជា និងអាស៊ែបៃហ្សង់

ព័ត៌មានអន្ដរជាតិ១៦ នាទី មុន

អស្ចារ្យ! អ្នកជំងឺប្តូរក្រលៀនជ្រូក ពេលនេះជាសះស្បើយហើយ

ព័ត៌មានជាតិ១៨ នាទី មុន

លោក ទេព អស្នារិទ្ធ៖ តួអង្គទាំងអស់ក្នុងវិស័យព័ត៌មាន សុទ្ធតែមានតួនាទីសំខាន់សម្រាប់រួមចំណែកគាំទ្រដល់ការអភិវឌ្ឍវិស័យនេះ

ព័ត៌មានអន្ដរជាតិ២៦ នាទី មុន

បុគ្គលិក តៃវ៉ាន់ មួយរូប ទម្លាប់ផឹកកាហ្វេខ្មៅមួយថ្ងៃមួយលីត្រ ទីបំផុតចូលសម្រាកពេទ្យ

សន្តិសុខសង្គម២៧ នាទី មុន

អាជីវករផ្សារស្ទឹង សាទរចំពោះអាជ្ញាធរដែលបានរៀបចំសណ្តាប់ធ្នាប់បានល្អ

Sokha Hotels

ព័ត៌មានពេញនិយម