ព័ត៌មានជាតិ
ជនអន្តោប្រវេសន៍បរទេសមានវត្តមាននៅកម្ពុជាប្រមាណ៩ម៉ឺននាក់
សម្តេចក្រឡាហោម ស ខេង បានគូសបញ្ជាក់ថា សព្វថ្ងៃជនអន្តោប្រវេសន៍បរទេសកំពុងមានវត្តមាននៅកម្ពុជាប្រមាណ៩ម៉ឺននាក់ ហើយពេលនេះដែរ រាជរដ្ឋាភិបាលកំពុងរៀបចំលិខិតបទដ្ឋានគតិយុត្តដើម្បីគ្រប់គ្រងការងារនេះ។
សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានចូលជួបសម្តែងការគួរសមជាមួយលោក កា ដា រដ្ឋមន្រ្តីក្រសួងយុត្តិធម៌ជប៉ុន នៅវិមានរដ្ឋសភា នារសៀលថ្ងៃទី ១៩ ខែកក្កដា ឆ្នាំ២០២២ ម្សិលមិញនេះ នៅក្នុងកិច្ចពិភាក្សាមួយ។
នៅក្នុងឱកាសនោះដែរលោក កា ដា មានប្រសាសន៍ជម្រាបជូនសម្ដេចក្រឡាហោម ពីការរៀបចំវេទិកាអន្តោប្រវេសន៍តូក្យូ របស់ក្រសួងយុត្តិធម៌ជប៉ុន ដែលក្នុងនោះមានការចូលរួមផ្លាស់ប្ដូរព័ត៌មានពីបណ្ដាប្រទេសអន្តរជាតិនានា។ ហើយដើម្បីជាការឆ្លើយតបសម្តេចក្រឡាហោមក៏បានមានប្រសាសន៍បញ្ជាក់ប្រាប់ទៅដល់រដ្ឋមន្រ្តីក្រសួងយុត្តិធម៍ជប៉ុនថា ពាក់ព័ន្ធទៅនឹងការងារក្នុងវិស័យអន្តោប្រវេសន៍ ដំបូងឡើយការងារមួយនេះស្ថិតក្រោមការគ្រប់គ្រងរបស់អគ្គស្នងការនគរបាលជាតិ ប៉ុន្តែដោយសារតែការងារមួយនេះកាន់តែរីកធំទៅ ទើបរាជរដ្ឋាភិបាលសម្រេចបង្កើតអគ្គនាយកដ្ឋានអន្តោប្រវេស។
គួរបញ្ជាក់ផងថា វត្តមានជនអន្តោប្រវេសន៍គិតចាប់ពីឆ្នាំ២០១៤ ដល់ឆ្នាំ២០២០ មានវត្តមានជនបរទេស សរុបប្រមាណ ១៧ម៉ឺននាក់ ស្រីប្រហែល ២ពាន់នាក់ ស្មើនឹង ១០៤សញ្ជាតិ ត្រូវបានបណ្ដេញចេញពីប្រទេសកម្ពុជារួចទៅហើយ ក្រោយរកឃើញថា ចូលមកធ្វើការនិងរស់នៅដោយខុសច្បាប់នៅកម្ពុជា៕
អត្ថបទ៖ ឌឿន ចាន់ថារី
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore