អាជ្ញាធរស្រុកទឹកផុស សម្រេចបើកទ្វារទឹក២​កន្លែងដើម្បីរំដោះជំនន់ទឹកភ្លៀង

មន្ត្រីសាលាស្រុកទឹកផុស នៅល្ងាចថ្ងៃទី២១ ខែកក្កដា ឆ្នាំ២០២២ បាននិយាយឲ្យដឹងថា ក្រោយពីបាក់ទំនប់ចាក់ទឹមស្ថិតនៅក្នុងភូមិកោះខ្ទុម ឃុំជៀប ក្រុមការងារស្រុកទឹកផុសបានសម្រេចបើកទ្វារទឹកចំនួន២កន្លែង គឺទ្វារទឹកទំនប់គង្គារ ឃុំតាំងក្រសាំង និងទ្វារទឹកទំនប់ស្វាយចេក ឃុំចោងម៉ោង ធ្វើអោយស្ថានភាពទឹកជំនន់នៅក្នុងទំនប់ទាំងពីរខាងលើនេះ បានស្រកឡើងវិញបណ្ដើរៗហើយ ហើយបើល្ងាចថ្ងៃ២១នេះមិនមានភ្លៀងទេនោះទឹកនឹងស្រកបានលឿន។

សូមបញ្ជាក់ថា កាលពីយប់ថ្ងៃទី២០ ជំនន់ទឹកភ្លៀងបានឡើងខ្លាំងធ្វើឱ្យដាច់ផ្លូវលើទំនប់ចាក់ទឹម និងទំនប់ដូនពៅ ឃុំជៀប បានដាច់ផ្លូវមួយចំនួន ។ ដោយឡែកនៅព្រឹកថ្ងៃទី២០ និង២១ មន្ត្រីការិយាល័យកសិកម្មស្រុក និងមន្ត្រីមន្ទីរបរិស្ថាន និងមន្ទីរធនធានទឹក បានចុះពិនិត្យការខូចខាតទំនប់ចាក់ទឹមនិងទំនប់ដូនពៅ ឃុំជៀប គឺបានខូចខាត ដោយជំនន់ទឹកភ្លៀង មាន ១-ទំនប់ចាក់ទឹម ការខូចខាតប្រវែងប្រមាណ១០០ម៉ែត្រ មានជម្រៅប្រមាណ១០ម៉ែត្រ , ២- ខូចខាតផ្លូវស្ពានថ្មអូរឃ្លៃ ភូមិតានៃ ប្រវែង១៥ម៉ែត្រ ជម្រៅ ៣,៥០ម៉ែត្រ ដែលក្រុមការងារក្រសួងធនធានទឹក មកដល់ល្ងាច​ថ្ងៃទី២១ នេះបានជួសជុលរួចហើយ , ៣- ខូចទំនប់ដូនពៅ ទឹកបានបុកដាច់ភ្លឺខាងជើងប្រឡាយប្រវែង ១៥០ម៉ែត្រ ទទឹងចាប់ពី ០.៥ម៉ែត្រ ទៅដល់២ម៉ែត្រ ចំណែកភ្លឺខាងត្បូងប្រឡាយមិនទាន់វាយ តម្លៃបានដោយសារទឹកកំពុងហូរបុក ។

នៅក្នុងស្ថានភាពនេះរដ្ឋបាលស្រុកទឹកផុសបានជូនដំណឹងដល់ឃុំចោ ងម៉ោង និងតាំងក្រសាំងអោ យ ចុះត្រួតពិនិត្យស្ថានភាពទឹក ជំ នន់ ដើ ម្បីបើកទ្វារទឹកទាំងអស់នៅ ក្នុងឃុំ រំដោះទឹកជំនន់កុំឱ្យកុំបាក់ទំនប់នា នាបន្តទៀត៕

អត្ថបទ៖ ឈៀងថារិទ្ធ