ព័ត៌មានជាតិ
អាជីវករខ្មែរលក់ដូរនៅផ្សារឡែមប្រតិកម្មថា អាជ្ញាធរថៃគាបសង្កត់
បច្ចុប្បន្នមានអាជីវករខ្មែរជាច្រើននាក់ កំពុងលក់ដូរនៅក្នុងផ្សារឡែម ទឹកដីថៃជាប់ព្រំប្រទល់ខេត្តបាត់ដំបង។ ក្រុមអាជីវករ បានប្រាប់ឱ្យដឹងថា សព្វថ្ងៃនេះ ពួកគាត់ពិបាកក្នុងការលក់ដូរនិងរកចំណូលមិនបានដូចមុនឡើយ ដោយសារអាជ្ញាធរថៃ រឹតត្បិត និងគាបសង្កត់អាជីវករខ្មែរ ដែលកំពុងលក់ដូរក្នុងផ្សារនេះ។
អ្នកស្រី កូលាប ជាឈ្មោះដែលកម្ពុជាថ្មីបង្កើតឡើងជំនួសឈ្មោះពិត ដើម្បីសុវត្ថិភាពពីអាជ្ញាធរថៃ ដែលគំរាមមិនឱ្យមានការផ្សព្វផ្សាយ។ អ្នកស្រី កូលាប បានប្រាប់ឱ្យដឹងថា អាជីវករខ្មែរ ដែលកំពុងលក់ដូរនៅក្នុងផ្សារឡែមទាំងអស់ ជួបការលំបាកខ្លាំង ដោយសារអាជ្ញាធរថៃរិតបន្តឹងតាមច្រកព្រំដែន ជាពិសេសទៅលើពលករខ្មែរចេញចូលតាមច្រកដូង ស្ថិតក្នុងភូមិសាស្ត្រនៃស្រុកកំរៀង ខេត្តបាត់ដំបង ជាមួយផ្សារឡែម (ប្រទេសថៃ)។
អ្នកស្រី កូលាប បានឱ្យដឹងដូច្នេះថា« មិនថាអាជីវករ ឬពលករ គឺគេ(ថៃ)រកគ្រប់វិធីដើម្បីគាបយកលុយ ហើយគេមិនខ្វល់ពីទីផ្សារថា ធ្វើយ៉ាងណាដោះស្រាយឱ្យអាជីវករ ឬពលករងាយស្រួលលក់ដូរ និងចេញចូលតាមច្រកនឹង(ច្រកដូង)ទេ គេមិនខ្វល់ពីដំណោះស្រាយ គឺដឹងតែគាបស៊ីពីពលករផង ពីអាជីវករខ្មែរផង»។
អ្នកស្រីបន្តថា អាជីវករខ្មែរស្ទើរតែ ១០០ភាគរយ ដែលលក់ដូរនៅក្នុងផ្សារឡែមនេះ ប៉ះពាល់ជីវភាពធ្ងន់ធ្ងន់ ដោយសារពុំមានប្រាក់ចំណូល ដើម្បីទប់ទល់ការចំណាយ ហើយអ្នកខ្លះក្ស័យធន រហូតដល់លក់ផ្ទះ លក់ដីនៅខ្មែរ យកលុយទៅបង់តូបផ្សារកុំឱ្យបាត់បង់កន្លែងលក់។
អាជីវករ មិនហ៊ានរើបម្រាស់ ក៏ព្រោះតែពេលងើបឡើងអាជ្ញាធរថៃ គំរាមរឹបអូសតូប ដូច្នេះពួកគាត់មិនហ៊ានធ្វើសកម្មភាព បានត្រឹមរក្សាភាពស្ងប់ស្ងាត់ប៉ុណ្ណោះ។
«ពួកយើង មិនហ៊ានប្រតិកម្មបើកចំហរទេ ព្រោះម្នាក់ៗ ទិញតូបអស់ ១លាន ឬជាង ១លានបាត(ស្មើជាង ៣ម៉ឺនដុល្លារ) មួយអាណត្តិ រយៈពេល៨ឆ្នាំ និងត្រូវបង់ប្រចំាខែ ៦ពាន់បាតទៀត បើហ៊ានតវ៉ា អាជ្ញាធរថៃ នឹងដកហូតយកតូបវិញ ដោយមិនបានអ្វីទាំងអស់ ដូច្នេះចង់ឬមិនចង់ គឺត្រូវតែនៅស្ងៀមទាំងអស់គ្នា»។ នេះជាការបន្ថែមរបស់អ្នកស្រី កូលាប។
ត្រង់ចំណុចនេះ អ្នកស្រីបានសង្កត់ធ្ងន់ថា ដើមឡើយតូបនៅក្នុងផ្សារឡែមនេះ តម្លៃ១តូបត្រឹមតែ ៥ម៉ឺនបាត ប៉ុណ្ណោះ។ តែក្រោយមក ម្ចាស់ផ្សារជាជនជាតិថៃ បានដំឡើងថ្លៃតូបជាបន្តបន្ទាប់ រហូតដល់ ៨០ម៉ឺនបាត ក្នុងមួយតូប និងសព្វថ្ងៃជាង ១លានបាត (ស្មើជាង ៣ដុល្លារ) រយៈពេលកំណត់ ៨ឆ្នាំ និងត្រូវបង់ប្រចាំខែ ៦០០០បាតទៀត។
ក្រុមអាជីវករ បានស្នើដល់អាជ្ញាធរខ្មែរ ជួយអន្តរាគមន៍លើបញ្ហានេះដែរ តែមិនទាន់មានដំណោះស្រាយ។
កម្ពុជាថ្មី កំពុងទាក់ទងមន្រ្តីពាក់ព័ន្ធដើម្បីជម្រាបសួរអំពីដំណឹងនេះ តែមិនទាន់អាចរកប្រភពដើម្បីឆ្លើយតបនៅឡើយ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង